06-Jun-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ  ହରିଶଙ୍କର କଳା ମଣ୍ଡପ ଠାରେ ୨୦ତମ ଲୋକ କଳା ଉତ୍ସବ-୨୦୨୫ ରାଜ୍ୟସ୍ତରୀୟ ସଂକୀର୍ତ୍ତନ ମହୋତ୍ସବ  ଦ୍ୱିତୀୟ ସଂଧ୍ୟା ର ମନଛୁଆଁ ସାଂସ୍କୃତିକ କାର୍ଯ୍ୟକ୍ରକୁ ହଜାର ହଜାର ଦର୍ଶକ ମନଭରି ଉପଭୋଗ କରିଥିଲେ  l  ଓଡିଶା ଭାଷା ସାହିତ୍ୟ ଓ ସଂସ୍କୃତି ବିଭାଗ, ଓଡିଶା ସରକାର ଓ ଓଡିଶା

ମାଇନିଙ୍ଗ କାର୍ପୋରେଷନ ତଥା ପ୍ରଗତି ଅନୁଷ୍ଠାନ ର ମିଳିତ ଆନୁକୂଲ୍ୟରେ ଆୟୋଜିତ ଉକ୍ତ ମହୋତ୍ସବ ରେ ସ୍ୱନାମାଧନ୍ୟ ସଂକୀର୍ତ୍ତନ ଦଳ ଓ ପାଲା ଦଳ ର ଢୋଲ,ମୃଦଙ୍ଗ, ଗିନି, ଝାଞ୍ଜ ର  ଶବ୍ଦ ଓ ସୁମଧୁର ସଂଗୀତର ସୁମଧୁର ଧୁନ ଓ ନୃତ୍ୟର ତାଳ କୁ ହଜାର ହଜାର ଦର୍ଶକ ମନଭରି ଉପଭୋଗ କରିଥିଲେ l  ପୁରୀ ଜିଲ୍ଲା ର ପାଲା ଦର୍ଶକଙ୍କୁ ବାନ୍ଧି ରଖିଥିଲା l   ଶରତ ସାହୁ, ରଞ୍ଜନ ପାତ୍ର ସାଂସ୍କୃତିକ ମଞ୍ଚ ପରିଚାଳନା କରିଥିଲେ  l  ଦ୍ୱିତୀୟ ଦିବସରେ ଭଦ୍ରକ ଜିଲ୍ଲା ଧାମନଗର,ହାତୀପାଲି, ବାଉଁଶୁଣି, କମଲପୁର,ଟପର୍ଣ୍ଣା, ବଡ଼କୁସଙ୍ଗ, ମା ମାହେଶ୍ୱରୀ

ନଚନୀୟା ବୌଦ୍ଧ  ଆଦି ପୁରୁଷ ଓ ମହିଳା ସଂକୀର୍ତ୍ତନ ମଣ୍ଡଳୀ ଓ ପୁରୀ ଓ ବୌଦ୍ଧ ଜିଲ୍ଲା ପାଲା ମଣ୍ଡଳୀ  ଙ୍କ କଳା ପ୍ରଦର୍ଶନରେ ସ୍ୱତନ୍ତ୍ର ପାଲା ମଣ୍ଡପ ଦୁଲୁକି ଉଠିଥିଲା  l ମହୋତ୍ସବ ଆବାହକ ଦିବ୍ୟଶଙ୍କର ରାଉତ  କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ମହୋତ୍ସବ କମିଟି ସମ୍ପାଦକ ଓମପ୍ରକାଶ ମିଶ୍ର, ଧର୍ମେନ୍ଦ୍ର ରଣା, ପ୍ରଦୀପ ଦାସ,ଶରତ ସାହୁ,ସାନନ୍ଦ, ବିଶ୍ଵାମିତ୍ର ପାଢ଼ୀ, ମନୋଜ କୁମାର ରାଜହଂସ, ରାଜକିଶୋର ବାଘ,ଗଣେଶ ସାହୁ,ଅରୁଣ ରଣା,ଅକ୍ରୁର ସାହୁ ସମେତ କମିଟିର ସମସ୍ତ କର୍ମକର୍ତ୍ତା ପରିଚାଳନା ସହଯୋଗ କରିଥିବାବେଳେ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକଙ୍କ ସମାଗମ ହୋଇଥିଲା  l