27-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ୩୧ତମ ବର୍ଷରେ ପଦାର୍ପଣ କରିଥିବା ବରଗଡ଼ରୁ ପ୍ରକାଶିତ “ଯୁଗୋପଯୋଗୀ ସୁବର୍ଣ୍ଣଦୀପ”ର ଜନ୍ମ ବିଶେଷାଙ୍କ-୨୦୨୫ ପ୍ରକାଶ ପାଇଛି । ଚଳିତ ସଂଖ୍ୟାକୁ ସ୍ଥାନୀୟ ଶ୍ୟାମାକାଳୀ ମନ୍ଦିର ଠାରେ ଲୋକାର୍ପିତ ହେବା ଅବସରରେ ମୁଖ୍ୟ ପଣ୍ଡିତ ଶ୍ରୀ ହରିରାମ ପଣ୍ଡା,ପଣ୍ଡିତ ସୁମନ୍ତ ଷଡ଼ଙ୍ଗୀ ଜନ୍ମସଂଖ୍ୟା ଲୋକାର୍ପଣ କରିଥିଲେ । ଶିଶୁ କିଶୋର ପତ୍ରିକାର ସଂପାଦକ ପ୍ରଦୀପ୍ତ ଭାନୁ ମହାନ୍ତି, ଉପଦେଷ୍ଟା ସର୍ଦ୍ଦାର ପ୍ରୀତମ ସିଂ, ସହ-ସଂପାଦକ ନବକୃଷ୍ଣ ମିଶ୍ରଙ୍କ ସମେତ ଛାତ୍ରଛାତ୍ରୀ, ପାଠକ ପାଠିକା ଉପସ୍ଥିତ ଥିଲେ । ଏହି ଅବସରରେ ଅତିଥି ଓ ଛାତ୍ରଛାତ୍ରୀ ୩୧ ବର୍ଷର ଅପ୍ରେଲ-ମଇ ସଂଖ୍ୟାରେ ସଂପାଦକୀୟ ଠାରୁ ଆରମ୍ଭ କରି ରାଜ୍ୟ ସ୍ତରୀୟ ଲେଖକ ଅରୁଣ ଚନ୍ଦ୍ର ମହାନ୍ତି, ଦେବାଶିଷ ଚକ୍ରବର୍ତ୍ତୀ, ସନ୍ତୋଷ କୁମାର ମହାନ୍ତି, ଅର୍ଜୁନ ଘଡ଼େଇ, ଇଂ. ପ୍ରମୋଦ କୁମାର ନନ୍ଦ, ରାଧାରାଣୀ ପଟ୍ଟନାୟକ, କାମାକ୍ଷୀ ଶତପଥି, ମନୋଜ ଦାଶ ପ୍ରମୁଖ ୨୦ ଜଣ ଲେଖକ ଲେଖିକାଙ୍କର ଭାବଗର୍ଭକ ଗଦ୍ୟ, ପଦ୍ୟର ଉନ୍ନତମାନ, ପିଲାଙ୍କ ଚିତ୍ରରେ ଭାଗ୍ୟଶ୍ରୀ ମାନବୀ ମିଶ୍ର ଓ ଶ୍ରୀଶାନ୍ତ କୁମାର ପଣ୍ଡାଙ୍କ ଚିତ୍ରାଙ୍କନର ଗୁରୁତ୍ୱ ସମ୍ପର୍କରେ ବେଶ ଆଲୋଚ୍ୟ ର କେନ୍ଦ୍ରବିନ୍ଦୁ ହୋଇଥିଲା। ପତ୍ରିକା ନିୟମିତ ଭାବେ ପ୍ରକାଶ ସହ ଉଚ୍ଚମାନର ଲେଖା ପରିବେଷଣ କରି ଚାଲିଛି ବୋଲି ମତ ପ୍ରକାଶ ପାଇଛି