27-May-2025

ବରଗଡ:(ନିରଞ୍ଜନ ତ୍ରିପାଠୀ) -ବରଗଡ ଜିଲ୍ଲା ବିଜେପୁର ସ୍ଥିତ ସ୍ୱୟଂ ସହାୟକ ଗୋଷ୍ଠୀ କଲ୍ୟାଣ ମଣ୍ଡପ ଠାରେ ଶ୍ରୀଯୁକ୍ତ ନୃପରାଜ ବଢ଼େଇ ଙ୍କ ସଭାପତିତ୍ବରେ ନିଖିଳ ଓଡ଼ିଶା କୈବର୍ତ୍ତ ମହାସଂଘ ର ବ୍ଲକ ସ୍ତରୀୟ ନୂତନ କର୍ମକର୍ତ୍ତା ଚୟନ ସମେତ ପୁରାତନ କର୍ମକର୍ତ୍ତା ଗଣ ସ୍ୱତଃ ପ୍ରବୃତ ପଦ ତ୍ୟାଗ ର ଏକ ସାଧାରଣ ଅଧିବେଶନ ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ସର୍ବପ୍ରଥମେ କୋଡ଼ିଏ ଘରିଆ କୈବର୍ତ୍ତ ସମାଜର ଇଷ୍ଟଦେବୀ ମାଁ ବୁଡ଼ି ସମଲେଇ ଙ୍କୁ ପୂଜାର୍ଚ୍ଚନା ପୂର୍ବକ ଉପସ୍ଥିତ ସମସ୍ତ ଜନତା ଜନାର୍ଦ୍ଦନ କୈବର୍ତ୍ତ ଗାଥା ଗାନ କରିଥିଲେ। ଅନୁଷ୍ଠିତ ବୈଠକରେ ନିଖିଳ ଓଡ଼ିଶା କୈବର୍ତ୍ତ ମହାସଂଘର ବରଗଡ଼ ଜିଲ୍ଲା କାର୍ଯ୍ୟକାରିଣୀ ସଭାପତି ଶ୍ରୀମାନ ଦେବାର୍ଚ୍ଚନ ନାଏକ, ସମ୍ପାଦକ ଲାଲ ସାହେବ ସେଠ, ରାଜ୍ୟ ଯୁବ ସଂଗଠନ‌ ର ସମ୍ପାଦକ ରଘୁ ପାଣ୍ଡେ, ରାଜ୍ୟ ଉପସଭାପତି ବିକ୍ରମ ବିଶି, ଗାଇସିଲେଟ ବ୍ଲକ ସଭାପତି ଉପେନ୍ଦ୍ର ମୋହନ କାଲୁ, ବରଗଡ଼ ବ୍ଲକ ସଭାପତି ପୁରନ୍ଦର ସେଠ ତଥା ସୋହେଲା, ବରଗଡ଼, ବରପାଲି, ଗାଇସିଲେଟ, ବିଜେପୁଊ ବ୍ଲକ ର ୨୩ ଗୋଟି ପଞ୍ଚାୟତ ତତସଙ୍ଗେସଙ୍ଗେ ବିଜ୍ଞାପିତ ଅଞ୍ଚଳ ପରିଷଦ ର ପାଖାପାଖି ୫୦୦ରୁ ଉର୍ଦ୍ଧ ଜାତି ଭାଇ, ବନ୍ଧୁ ପରିଜନ ଉପସ୍ଥିତ ଥିଲେ।ଦିର୍ଘ ୪୦ ବର୍ଷରୁ ବର୍ତ୍ତମାନ ସୁଦ୍ଧା ସଭାପତି କାର୍ଯ୍ୟ ସମ୍ପାଦନ କରୁଥିବା ନୃପରାଜ ବଢ଼େଇ ଏବଂ ସମ୍ପାଦକ ସନ୍ତୋଷ ଦେହେରୀ ବୟସାଧିକ୍ୟ କାରଣ ଯୋଗୁଁ ସେମାନେ କାର୍ଯ୍ୟଭାର ଯୁବଗୋଷ୍ଠୀ ତଥା ଯୁବ ସୁଲଭ ମନୋଭାବ ରଖୁଥିବା ବ୍ୟକ୍ତି ବିଶେଷଙ୍କୁ କର୍ମକର୍ତ୍ତା ଚୟନ କରିବା ପାଇଁ ସଭାରେ ସର୍ବସମ୍ମତିକ୍ରମେ ପ୍ରସ୍ତାବ ଆଗତ ହୋଇଥିଲା।ସଭାର ନିଷ୍କର୍ଷ ସ୍ୱରୂପ ବିଜେପୁର ବ୍ଲକ ସ୍ତରୀୟ ନିଖିଳ ଓଡ଼ିଶା କୈବର୍ତ୍ତ ମହାସଂଘର ନୂତନ ସଭାପତି ଭାବେ ଶ୍ରୀମତୀ ସୀତା ବାରିକ, ଉପସଭାପତି ଜନାର୍ଦ୍ଦନ ଡନସନା, ସମ୍ପାଦକ ସୁଶାନ୍ତ କୁମାର ପାଣ୍ଡେ,ଯୁଗ୍ମ ସମ୍ପାଦକ ଯତୀନ୍ଦ୍ର ସେଠ, କୋଷାଧ୍ୟକ୍ଷ ପୂର୍ଣ୍ଣଚନ୍ଦ୍ର ପାଣ୍ଡେ ମନୋନୀତ ହୋଇଥିବାବେଳେ, ଉପଦେଷ୍ଟା କମିଟିରେ ସର୍ବଶ୍ରୀ:-ନୃପରାଜ ବଢ଼େଇ, ସନ୍ତୋଷ ଦେ‌ହେରୀ,ନଥୁରାମ ବାରିକ, ଜନାର୍ଦ୍ଦନ ବାରିକ ତଥା ଜିଲ୍ଲା ଏବଂ ରାଜ୍ୟ ସ୍ତରୀୟ ସଂଯୋଜକ ରୂପେ ଧର୍ମରାଜ ମଲ୍ଲିକ ଓ ସାକଲ୍ୟ ଡନସନାଙ୍କୁ ଗୁରୁଦାୟିତ୍ଵ ପ୍ରଦାନ କରାଯାଇଛି।