27-May-2025

ବିନିକା(ହିମାଂଶୁ ଶେଖର ପୁଟେଲ)ଶେଷ ପର୍ଯ୍ୟାୟରେ ଶୀତଳଷଷ୍ଠୀ ପୂଜା ପ୍ରସ୍ତୁତି ।ଆଉ ମାତ୍ର ଦୁଇଦିନର ଅପେକ୍ଷା । ଦେବ ଦମ୍ପତିଙ୍କୁ ପାଛୋଟି ଆଣିବା ପାଇଁ ଭକ୍ତଙ୍କ ମନରେ ଉତ୍ସାହ ପରିଲକ୍ଷିତ ହେଲାଣି ।ଶିବ ପାର୍ବତୀଙ୍କ ବିବାହୋତ୍ସବ ପାଇଁ ଦୋକାନ ବଜାର ଚଳଚଞ୍ଚଳ ।ଏହି ଅବସରରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବିଶେଶ୍ୱର ବାବାଙ୍କ ବିବାହ ଉତ୍ସବକୁ ଯାକ ଜମକରେ ପାଳନ କରିବା ନେଇ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଥିବା କମିଟି ପକ୍ଷରୁ ସୂଚନା ଦିଆଯାଇଛି। ଶୀତଳଷଷ୍ଠୀ ଯାତ୍ରା ୧୫୨ବର୍ଷରେ ପଦାର୍ପଣ କରିଥିବା ବେଳେ ବିଗତ ୬ବର୍ଷ ହେଲା ବହୁ ଆଡ଼ମ୍ବରପୂର୍ଣ୍ଣ ଓ ଧୁମଧାମରେ ପାଳିତ ହୋଇଆସୁଛି ।କମିଟିର ନିଷ୍ପତି ଅନୁସାରେ ଜଗତଜନନୀ ପାର୍ବତୀ ମାଁ ଙ୍କ ପିତା ମାତା ଭାବେ ଶ୍ୟାମ ସୁନ୍ଦର ମେହେର ଓ ତାଙ୍କ ଧର୍ମପତ୍ନୀ ସୀମା ମେହେର ଦାୟିତ୍ଵ ନିର୍ବାହ କରୁଥିବା ବେଳେ ବିଶେଶ୍ୱର ବାବାଙ୍କ ପିତା ମାତା ଭାବେ କ୍ଷୀରୋଦ୍ରା ଚନ୍ଦ୍ର ସାମନ୍ତରାୟ ଓ ତାଙ୍କ ଧର୍ମପତ୍ନୀ ମୌସୁମୀ ରାଣୀ ମିଶ୍ର ଦାୟିତ୍ଵ ନିର୍ବାହ କରୁଛନ୍ତି ।ଧାର୍ଯ୍ୟ ନୀତି ଅନୁସାରେ ଆସନ୍ତାକାଲି ୨୮ତାରିଖରେ କନ୍ୟା ମନୋନୟନ ପତରପେଣ୍ଡି(ନିର୍ବନ୍ଧ),୨୯ରେ ଦେବ ନିମନ୍ତ୍ରଣ,୩୦ରେ କନ୍ୟା ଆନୟନ,୩୧ରେ ହାରିଦ୍ରାବାସ ଓ ବରାନୁଗମନ ଶୋଭାଯାତ୍ରା,ରାତି ୧୨ଟାରେ ଶିବ ପାର୍ବତୀଙ୍କ ବିବାହ ଉତ୍ସବ,୧ରେ ଦେବ ଦମ୍ପତିଙ୍କ ମନ୍ଦିର ପ୍ରତ୍ୟାବର୍ତ୍ତନ ଅନୁଷ୍ଠିତ ହେବ।ସେହିପରି ବିଶେଶ୍ୱର ବାବାଙ୍କ ବରାତ ଶୋଭାଯାତ୍ରାରେ ବିଭିନ୍ନ ପ୍ରକାରର ସାଂସ୍କୃତିକ ଦଳର ନୃତ୍ୟରେ ସହର ଦୁଲକି ଉଠିବ ବୋଲି ଜଣାପଡିଛି ।