27-May-2025

ବରଗଡ:(ନିରଞ୍ଜନ ତ୍ରିପାଠୀ)- ବରଗଡ଼ ଜୟ ଜଗନ୍ନାଥ ହୋଟେଲ ଠାରେ ବରଗଡ଼ ମହିଳା ସମିତି ସଭାପତି ଅଞ୍ଜନା ଦାସ ମୁଖ୍ୟ ଅତିଥି ଭାବରେ ଯୋଗଦେଇ ବିଶ୍ୱ ହକର୍ ଦିବସ ପାଳନ କରିଥିଲେ । ହକର ଙ୍କ ବିଭିନ୍ନ ସମସ୍ୟା ବୁଝିବା ସହ ସବୁବେଳେ ତୁମ ମାନଙ୍କ ସହ ମୁ ଅଛି ବୋଲି କହିଥିଲେ ।ଅନ୍ତର୍ଜାତୀୟ ହକର୍ ଦିବସ ହକର୍‌ ମାନଙ୍କ  ସମସ୍ୟା ଭିତରେ ଦିନକୁଦିନ ଅଧିକ ଘାଣ୍ଟି ହେଉଥ‌ିବା ଓ ଚୁଲିରକ୍ଷା ପାଇଁ ସଂଗ୍ରାମ ଚଳାଇଥିବା ପରିଲକ୍ଷିତ ହେଉଛି । ସେମାନେ ହେଲେ ଖବର କାଗଜ ବିକ୍ରି କରୁଥିବା ହକର୍‌ ଭାଇ ମାନେ । ତେବେ, ମୁଦ୍ରିତ ଗଣମାଧ୍ୟମ ର ଚାହିଦା  କମିଥିଲେ ମଧ୍ୟ ଏହାର ଦୃଶ୍ୟମାନ ସ୍ଥିତି ରହିବା ନେଇ ହକର୍ ଭାଇ ମାନେ ବେଶ ଆଶାବାଦୀ I ସେମାନଙ୍କ ମତରେ ଛାପା ଗଣ ମାଧ୍ୟମ ରେ ପ୍ରକାଶିତ ସୂଚନାରେ ତୁଳନାତ୍ମକ ଭାବେ କମ୍ ତଥ୍ୟଗତ ତ୍ରୁଟି ରହୁଥ‌ିବା କାରଣରୁ ଏହା ସୋସିଆଲ୍ ମିଡିଆ ବା ଡିଜିଟାଲ ମିଡିଆ ତୁଳନାରେ ସଚେତନ ବର୍ଗଙ୍କ ପାଇଁ ଅଧିକ ଭରସାଯୋଗ୍ୟ ହୋଇ ରହିଛି ଓ ରହିବ । ବରଗଡରେ ଖବରକାଗଜ ବିତରଣ କରୁଥିବା ହକର୍ ମାନେ ବେଶ ସଂଗଠିତ ହୋଇ ରହିଛନ୍ତି ଏବଂ ହକର୍‌ ସମାଜର ହିତ ପାଇ  ସେମାନଙ୍କ ସଂଗଠନ ପକ୍ଷରୁ ନିରନ୍ତର ଉଦ୍ୟମ ଚାଲିଛି।  ତେବେ, ସରକାର ହକର ମାନଙ୍କ ସମସ୍ୟା ଓ ସ୍ଥିତିକୁ ଦେଖି ସ୍ବତନ୍ତ୍ର ଧାନ ଦେବା ଉଚିତ ବୋଲି ହକର୍ ଭାଇମାନଙ୍କ ପକ୍ଷରୁ ମତପ୍ରକାଶ ପାଉଛି । ଅଜିର କାର୍ଯକ୍ରମ ରେ ବରଗଡ ଜିଲ୍ଲା ଖବରକାଗଜ  ବିତରକ ସଂଘର  ସଭାପତି ଯୋଗେନ୍ଦ୍ର ସାହୁ , ସମ୍ପାଦକ ସମ୍ପଦ କଲେତ ,ସହ ସମ୍ପାଦକ ଅଚ୍ୟୁତ ସର ,କୋଷାଧ୍ୟକ ଜୟପ୍ରକାଶ କୁମ୍ଭାର,ବରିଷ୍ଟ ସଦସ୍ୟ  ରମେଶ ଦାସ, ବରିଷ୍ଟ ସଦସ୍ୟ ସୁଶୀଲ ମହାନନ୍ଦ, ସୁଧାଂଶୁ ବାରିକ, ରାଜୀବ ବଗର୍ତ୍ତୀ ଉପସ୍ଥିତ ଥିଲେ ।