23-May-2025

ବଲାଙ୍ଗୀର(ଦେବାଶିଷ ବହିଦାର): ବର୍ତ୍ତମାନ ବଜାରରେ ଗ୍ରାହକଙ୍କ ପାଇଁ କୋଏନ୍ ର ଚାହିଦାକୁ ଦୃଷ୍ଟିରେ ରଖି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଗ୍ରାହକଙ୍କ ସୁବିଧା ପାଇଁ ଏକ ନୂଆ ପଦକ୍ଷେପ ଗ୍ରହଣ କରିଛି l ଗତ ମେ ୨୧, ୨୨ ଏବଂ ୨୩  ତାରିଖ ତିନି ଦିନ ଧରି ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ, ବଲାଙ୍ଗିର ଶାଖା ତରଫରୁ କୋଏନ ଏକ୍ସଚେଞ୍ଜ ମେଳା ଅନୁଷ୍ଠିତ ହୋଇଯାଇଛି l ବ୍ୟାଙ୍କ୍ ସମ୍ମୁଖରେ ଅନୁଷ୍ଠିତ ଏହି କୋଏନ ଏକ୍ସଚେଞ୍ଜ ମେଳା ରେ ଶତାଧିକ ଜନସାଧାରଣ ଆସି ଟଙ୍କା ନୋଟ ବଦଳରେ ସେହି ସମାନ ସଂଖ୍ୟାର କୋଏନ  ନେଇଥିଲେ l ଗ୍ରାହକଙ୍କ ଆବଶ୍ୟକ ମୁତାବକ  ଏସ୍ ବି ଆଇ ପକ୍ଷରୁ ପ୍ରଦତ୍ତ ଦୁଇ ଟଙ୍କିଆ,ପlଞ୍ଚ ଟଙ୍କିଆ,ଦଶ ଟଙ୍କିଆ, ଓ ୫୦ ଟଙ୍କିଆ କୋଏନ ଯୋଗୁଁ ବଜାରରେ ଖୁଚୁରା ପଇସାର ଲେଣଦେଣ  କାରବାର ସୁବିଧାରେ ହୋଇପାରିବ ବୋଲି ଏସ୍ ବି ଆଇ ବଲାଙ୍ଗୀର ଶାଖା ପରିଚାଳକ ପ୍ରଣବ କୁମାର ଦାସ ସୂଚନା ଦେଇଛନ୍ତି l  ତିନି ଦିନ ଧରି ଅନୁଷ୍ଠିତ ଏହି ମେଳାରେ ପ୍ରାୟ ୮ ଲକ୍ଷ ଟଙ୍କା ର କାରବାର ହୋଇଥିବା ଷ୍ଟେଟ୍ ବ୍ୟାଙ୍କ ସୂତ୍ରରୁ ପ୍ରକାଶ l  ଏସ୍ ବି ଆଇ ବଲାଙ୍ଗୀର ଶାଖା ପରିଚାଳକ ପ୍ରଣବ କୁମାର ଦାସ, ଡେପୁଟି ମ୍ୟାନେଜର ପ୍ରମୋଦ କୁମାର ସାହୁ ଓ କ୍ୟାସିୟର୍ ପ୍ରସନ୍ନ କୁମାର ସାହୁଙ୍କ ତତ୍ତ୍ଵାବଧାନରେ  କୋଏନ ଏକ୍ସଚେଞ୍ଜ ମେଳା ଅନୁଷ୍ଠିତ ହୋଇଥିଲା l