20-May-2025

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫୁଲା ପଞ୍ଚାୟତ ସଭା ଗୃହ ରେ ସରପଞ୍ଚ ଶ୍ରୀୟା କର୍ମୀ ଙ୍କ ପୌରାହିତ୍ୟ ରେ ମାସିକ ବୈଠକ ଅନୁଷ୍ଠିତ ହୋଇଯାଇଛି। ନବ ପ୍ରସ୍ତାବିତ ବୀରମହାରାଜପୁର ବିଜ୍ଞାପିତ ଅଞ୍ଚଳ ପରିଷଦ ରେ ଉଫୁଲା ପଞ୍ଚାୟତ ସମସ୍ତ ଗ୍ରାମ ସାମିଲ ହେବା ନେଇ  ଉକ୍ତ ବୈଠକରେ ଆଲୋଚନା ହୋଇଥିଲା। ଏଥିରେ ପଣ୍ଡିଆ ପାଲି, ରଥପୁର, ପଣ୍ଡାପାଲି, ଖେତିସାହି, କାନପୁର, ବିକଳପାଲି, ଦନ୍ତାପାଲି, ନାଏକପାଲି, ଟିଠିପାଲି, କମଳପୁର, ଖମେଶ୍ବରୀପାଲି, ଗୌଡ଼କେଲା, ରାଗୁନାଥପୁର, ଟାଙ୍ଗରସାହି, ଗୁନି ପଦା, ଉଫୁଲା, ଅଇଁଲାପାଲି ପଡା  ପ୍ରଭୁତି ଗ୍ରାମ ରହିଛି। ୭୩ତମ  ସମ୍ବିଧାନ ସଂଶୋଧନ ଓ ୨୪୩ ଅନୁଚ୍ଛେଦ ସମ୍ପର୍କରେ ସରପଞ୍ଚ କର୍ମୀ ଆଲୋକପାତ କରିଥିଲେ l ଆଲୋଚନାରେ ନାଏବ ସରପଞ୍ଚ କମଳିନୀ ମହାପାତ୍ର , ୱାର୍ଡ ମେମ୍ବର ଘାସିରାମ ବାଦୀ, ଗୌରହରୀ ସାହୁ, ଶିବାନୀ ସାହୁ, ମିନତୀ ଭୋଇ, ସୁଦାମ ଭୂଇ, ସୁନିତା ସାହୁ ପ୍ରମୁଖ ଅଂଶ ଗ୍ରହଣ କରିଥିଲେ l ପିଇଓ ମିତାଞ୍ଜଳୀ ରଥଙ୍କୁ ପୂର୍ବତନ ପିଇଓ ଦେଢ଼ ମାସ ହେବ ଉଫୁଲା ପଂଚାୟତ ରେ ଯୋଗଦେବା ଓ ଗୌର ଚନ୍ଦ୍ର ସାହୁ  ପୂର୍ବତନ ପି ଇ ଓ ସମ୍ପୂର୍ଣ ଦାୟିତ୍ୱ ହସ୍ତାନ୍ତରଣ କରୁନଥିବାରୁ ପଂଚାୟତ   ଉନ୍ନୟନ ବାଧାପ୍ରାପ୍ତ ହେଉଥିବା ସମ୍ପର୍କରେ ଗୁରୁତ୍ୱ ପୂର୍ଣ୍ଣ ଆଲୋଚନା  ହୋଇଥିଲା।  ବି ଡ଼ି ଓ, ଉପଜିଲ୍ଲାପାଳ, ସି ଡ଼ି ଓ, ଡ଼ି ପି ଓ  ଏବଂ ଜିଲ୍ଲା ପାଳ ଙ୍କୁ ଜଣାଇବାକୁ ସଭା ସରପଞ୍ଚ, ପି ଇ ଓ, ନାଏବ ସରପଞ୍ଚ ଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା। ଭତ୍ତା ପ୍ରଦାନ ଛଡା ହରିଶ୍ଚନ୍ଦ୍ର ସମେତ ଅନ୍ୟ ସ୍କିମ ଅନୁଦାନ ଖର୍ଚ୍ଚ ହୋଇ ପାରୁନଥିବା ସମ୍ପର୍କରେ ସମସ୍ତ ୱାର୍ଡ ମେମ୍ବର ଉଦବେଗ ପ୍ରକାଶ କରିଥିଲେ। ପିଇବା ଜଳ ଯୋଗାଣ ସମସ୍ୟା ସମାଧାନ ପାଇଁ ଆସୁ ପଦକ୍ଷେପ ନେବାକୁ ସ୍ଥିରୀକୃତ କରାଯାଇଥିଲା l ଆଗାମୀ ୨୪ ତାରିଖରେ ଗୌଡ଼କେଲା ଓ ଟାଙ୍ଗରସାହି  ଙ୍କ ପିଇବା ପାଣି ସମସ୍ୟା ସମାଧାନ ପାଇଁ ଉଫୁଲା ଗ୍ରାମ ପଂଚାୟତ ସଭାଗୃହ ରେ ଏକ ସ୍ୱତନ୍ତ୍ର ବୈଠକ ଗ୍ରାମବାସୀ ଓ ସରକାରୀ ବିଭାଗୀୟ କର୍ତୃପକ୍ଷଙ୍କ ଉପସ୍ଥିତିରେ କରିବାକୁ ସ୍ଥିରୀକୃତ ହେଇଥିଲା l ସାମାଜିକ ସୁରକ୍ଷା ଭତ୍ତା ଗାଁ ଗାଁ ରେ ବଣ୍ଟନ କରିବାକୁ ସରପଞ୍ଚ ଶ୍ରୀୟା କର୍ମୀ ପରାମର୍ଶ ଦେଇଥିଲେ l ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ମିତାଞ୍ଜଳୀ ରଥ, ଏ ଡ଼ି ଇ ଓ ଅନନ୍ତ ରାମ ପୂଜାରୀ, ଯୋଗାଣ ସହାୟକ ଦେବେନ୍ଦ୍ର ପଣ୍ଡା ଓ ସମସ୍ତ ୱାର୍ଡ ସଭ୍ୟ ସଭ୍ୟା ଯୋଗ ଦେଇ ଥିଲେ