20-May-2025

କଣ୍ଟାମାଳରୁ ଜୟ କୁମାର ମହାରଣାଙ୍କ ରିପୋର୍ଟ 
କଣ୍ଟାମାଳ: ସ୍ବେଚ୍ଛାସେବୀ ଅନୁଷ୍ଠାନ ବାଳରକ୍ଷା ଭାରତ ଓ ବନବିଭାଗ ମନମୁଣ୍ଡା ର ମିଳିତ ସହଯୋଗରେ ଦପଲା ଠାରେ କିଶୋରୀ ବାଳିକା, ଏସ ଏଚ ଜି ମହିଳା,ଯୁବଗୋଷ୍ଟି ଏବଂ ଗ୍ରାମବାସୀ ମାନଙ୍କ ଉପସ୍ଥିତି ରେ "ପକ୍ଷୀ ପାଇଁ ଦିନ ଟିଏ" ସଚେତନତା କାର୍ଯ୍ୟକ୍ରମ  ଅନୁଷ୍ଠିତ ହୋଇ ଯାଇଛି ।ଏହି କାର୍ଯ୍ୟକ୍ରମ ରେ ସଗଡା ସେକ୍ସନ ର ବନରକ୍ଷକ ରବୀନ୍ଦ୍ର  ବାରିକ ମୁଖ୍ୟ ଅତିଥି ତଥା ଅଙ୍ଗନୱାଡ଼ି କର୍ମୀ ମଦାଳସି ପ୍ରଧାନ,ଫରେଷ୍ଟ ସ୍କ୍ୱାର୍ଡ ରାଧେଶ୍ୟାମ ବେହେରା,ମିଚଲ ଗରିଆ ପ୍ରମୁଖ ଯୋଗଦେଇ ପକ୍ଷୀ ମାନଙ୍କ ସୁରକ୍ଷା ଉପରେ ବିସ୍ତୃତ ଭାବରେ ଆଲୋଚନା କରିଥିଲେ l ବୌଦ୍ଧ ଜିଲ୍ଲା ଏକ ଉତ୍ତପ୍ତ ଜିଲ୍ଲା ଭାବରେ ପରିଗଣିତ ହୋଇଥିବାରୁ ଖରା ଦିନେ   ଜଳାଶୟ ସବୁ ଶୁଖି ଯାଉଛି l ପଶୁ ପକ୍ଷୀ ମାନେ ପାଣି ପାଇଁ ଦୁରସ୍ଥାନ କୁ ଚାଲି ଯାଉଛନ୍ତି ଓ ଅସହ୍ୟ ଖରା ଯୋଗୁଁ ମୃତୁ ମୁଖରେ ମଧ୍ୟ ପଡ଼ୁଛନ୍ତି l  ପୂର୍ବ ପରି ପକ୍ଷୀ ମାନଙ୍କର ରାବ ସୁଣlଜାଉ ନାହିଁ,ଏହି ପରିସ୍ଥିତି ରେ ଖରାଦିନେ ସମସ୍ତେ ନିଜ ଘରେ ଛାତ ଓ କାନ୍ଥ ବାଡ଼ ଗୁଡିକରେ ବିଭିନ୍ନ ପାତ୍ର ରେ ପାଣି ରଖିବା ପାଇଁ  ସଚେତନ କରାଯାଇଥିଲା l ଏପରି କଲେ ପକ୍ଷୀ ମାନେ ଘରକୁ ଫେରିବେ ଓ ପାଣି ପିଇ ଶୋଷ ମେଣ୍ଟାଇ ବା ସହିତ ପକ୍ଷୀ ମାନଙ୍କ ଚହକରେ ପୁରା ଗାଆଁ ଚମକି ଉଠିବ ବୋଲି ଅତିଥି ମାନେ ମତ ରଖିଥିଲେ ,ଏହା ବ୍ୟତୀତ ଜଙ୍ଗଲ ନଷ୍ଟ ନ କରି ବର୍ତ୍ତମାନର ପରିସ୍ଥିତି କୁ ଦୃଷ୍ଟି ରେ ରଖି ଆଗାମୀ ପିଢ଼ି ପାଇଁ ବ୍ୟାପକ ଭାବରେ ଗଛ ଲଗାଇବା ପାଇଁ  ଉତ୍ସାହିତ କରାଯାଇଥିଲା  l   କାର୍ଯ୍ୟକ୍ରମ କୁ ବlଳରକ୍ଷା ଭାରତ ର କର୍ମୀ ଦୟାନିଧି ଜଗତ ପରିଚାଳନା କରିଥିବା ବେଳେ ରାଜୀବ ପ୍ରଧାନ ତଥା କିଶୋରୀ ଗ୍ରୁପ ର ସ୍ବପ୍ନl,ପୂଜା, ଲିଜା,ଇତି ପ୍ରମୁଖ ସହଯୋଗ କରିଥିଲେ l