16-May-2025

ବରଗଡ଼:(ନିରଞ୍ଜନ ତ୍ରିପାଠୀ)- ସମଗ୍ର ଦେଶରେ କେନ୍ଦ୍ରୀୟ ବୋର୍ଡ ୨୦୨୫ ଶିକ୍ଷାବର୍ଷ ଦ୍ବାଦଶ ଓ ଦଶମ ପରୀକ୍ଷା ଫଳାଫଳ ପ୍ରକାଶ ପାଇସାରିଛି I କିନ୍ତୁ ପଦ୍ମପୁର ଉପଖଣ୍ଡର ପ୍ରମୁଖ  ୬ଟି ବିଦ୍ୟାଳୟର ଫଳାଫଳ  ପ୍ରକାଶ ପାଇ ନ ଥିବାରୁ ପରିକ୍ଷାର୍ଥୀ ମହଲ ରେ  ଉଦ୍‌ବେଗ ପ୍ରକାଶ ପାଇଛି। ମିଳିଥିବା ସୂଚନା ଅନୁଯାୟୀ ପଦ୍ମପୁର ଉପଖଣ୍ଡର ପାଇକମାଲ ବ୍ଲକ ଓଡ଼ିଶା ଆଦର୍ଶ ବିଦ୍ୟାଳୟ ଫ୍ରେଜରପୁର, ରାଜବୋଡ଼ାସମ୍ବର ବ୍ଳକ ଓଡ଼ିଶା ଆଦର୍ଶ ବିଦ୍ୟାଳୟ ବାନ୍ଦୁପାଲି, ପଦ୍ମପୁର ପବ୍ଲିକ ସ୍କୁଲ, ଜେନିଥ ଲାୟନ୍ସ ଗୁରୁକୁଳ ବିଦ୍ୟାଳୟ ପଦ୍ମପୁର, ସୋହେଲା ବ୍ଲକ ଓଡ଼ିଶା ଆଦର୍ଶ ବିଦ୍ୟାଳୟ, ଗାଇସିଲେଟ ବ୍ଲକ ଓଡ଼ିଶା ଆଦର୍ଶ ବିଦ୍ୟାଳୟ ଏହିପରି ମୋଟ ୬ଟି ବିଦ୍ୟାଳୟର ଫଳାଫଳ ପ୍ରକାଶିତ ହୋଇ ନାହିଁ। ଯଦ୍ୱାରା ଛାତ୍ରଛାତ୍ରୀ ମାନେ ମାନସିକ ଦୁଶ୍ଚିନ୍ତାରେ ଗତି କଲେଣି।ଯଦି କିଛି ତୃଟି ପରିଲକ୍ଷିତ ହେଲା , ତେବେ ବୋର୍ଡ କର୍ତ୍ତୃପକ୍ଷ ଆଉ କିଛି ସମୟ ଗଡ଼ାଇ ଏକା ସାଙ୍ଗରେ ରେଜଲ୍ଟ ପ୍ରକାଶ କରି ପାରିଥାନ୍ତେ। କିନ୍ତୁ ତାହା ନକରି ଖାମଖିଆଲି ଭାବେ ଏଭଳି ରେଜଲ୍ଟ ପ୍ରକାଶ କରି ଛାତ୍ରଛାତ୍ରୀଙ୍କ ହୃଦୟ ରେ ଆଘାତ ଦେଇଛି। ଏଣୁ ଛାତ୍ରଛାତ୍ରୀଙ୍କ ଭବିଷ୍ୟତକୁ ଦୃଷ୍ଟିରେ ରଖି ତୁରନ୍ତ ଫଳାଫଳ ପ୍ରକାଶ କରିବାକୁ କେନ୍ଦ୍ରୀୟ ବୋର୍ଡ କର୍ତ୍ତୃପକ୍ଷ ପଦକ୍ଷେପ ନେବାକୁ ଅଭିଭାବକ ମାନଙ୍କ ମହଲରୁ ମତପ୍ରକାଶ ପାଏ।