15-May-2025

(ମିହିର ଶଙ୍କର ପାତ୍ର,)
ନବରଙ୍ଗପୁର ଜିଲା ଡାବୁଗାଁ ବ୍ଲକ ରେ କାଳ ବୈଶାଖୀର ତାଣ୍ଡବ। ବୋରିଗାଁ ଓ ସରାଗୁଡା ଗ୍ରାମରେ ଗୁରୁବାର ଅପରାହ୍ନ ୫.୩୦ ଘ. ସମୟରେ ବଜ୍ରପାତ ଘଟି ୧ ମୃତ ଓ ୩ ଆହତ | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ବୋରିଗାଁ ପଞ୍ଚାୟତ ଅଧୀନ ଡ଼ଙ୍ଗରିଗୁଡା ଗ୍ରାମର ଦଶାଇ ପନକା (୫୨) ଆଜି ଅପରାହ୍ନରେ ଡାବୁଗାଁ ହାଟ ରୁ ପନିପରିବା କିଣି ବସ ଯୋଗେ ଯାଇ ବୋରିଗାଁ ଛକରେ ବସରୁ ଓହ୍ଲାଇ ଚାଲି ଚାଲି ନିଜ ଘରକୁ ଫେରୁଥିଲେ | ବୋରିଗାଁ ଗ୍ରାମ ପୂର୍ବରୁ ପୋଲ ନିକଟରେ ହଠାତ ବର୍ଷା ହୋଇ ବଜ୍ରପାତ ଘଟିଥିଲା | ଫଳରେ ଘଟଣାସ୍ଥଳରେ ହିଁ ଦଶାଇ ପନକା ଙ୍କର ମୃତ୍ୟୁ ଘଟିଥିଲା |  ସେହିପରି କୋଇଲାରୀ ପଞ୍ଚାୟତ ଅଧୀନ ସରାଗୁଡା ଗ୍ରାମର ଲାଇବାନ ଭତ୍ରା ଙ୍କ  ଝିଅ  ଓ ୨ ନାତି ଘରେ ଥିଲେ | ସେହି ସମୟରେ ଘର ଉପରେ ବଜ୍ରପାତ ଘଟିଥିଲା | ଘର ଭିତରେ ଥିବା ଲାଇବାନ ଙ୍କ ଝିଅ ରତନା ଭତ୍ରା (୧୫), ନାତି ରାଜେଶ ଭତ୍ରା (୬) ଓ ନିତେଶ ଭତ୍ରା (୩ ମାସ) ଆହତ ହୋଇଥିଲେ | ସେମାନଙ୍କୁ ସଙ୍ଗେ ସଙ୍ଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି | ବର୍ତ୍ତମାନ ଆହତ ୩ ଜଣ ଚିକିତ୍ସିତ ହେଉଛନ୍ତି | ଏହାସହ ଦଶାଇ ପନକାଙ୍କ ମୃତଦେହ ମହାପ୍ରୟାଣ ଗାଡି ଯୋଗେ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଛି |