15-May-2025

ଅତାବିରା(ଆକାଶ ମିଶ୍ର): ବରଗଡ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ  ଥୁଆପାଲି ବିଦ୍ୟୁତ ବିଭାଗର ସେକ୍ସନ ଅଫିସର ପବିତ୍ର ମୋହନ ପାଢୀ(୪୪)ଙ୍କ ଭୁବନେଶ୍ବର ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଆଜି ସକାଳେ   ଦେହାନ୍ତ ହୋଇଯାଇଛି। ଝାରସୁଗୁଡ଼ା ଜିଲ୍ଲା  ଲଖନପୁର ବ୍ଲକ୍  ବନ୍ଧବାହାଲ ର ସେ ମୂଳ ବାସିନ୍ଦା। ସେ ଅତାବିରା ୱାର୍ଡ ନଂ ୨ ରେ ଦୀର୍ଘ ବର୍ଷ ଧରି ରହିଆସୁଥିଲେ।ଗତ ୭/୮ ବର୍ଷ ଥୁଆପାଲି ବିଦ୍ୟୁତ ବିଭାଗର ସେକ୍ସନ ଅଫିସର ଦାୟିତ୍ବ ତୁଲାଇ ଆସୁଥିଲେ। ପ୍ରତିଦିନ ସେ  ଅତାବିରା ରୁ ରେଙ୍ଗାଳିକ୍ୟାମ୍ପ ପର୍ଯ୍ୟନ୍ତ ମର୍ଣିଙ୍ଗ ୱାକ ରେ ଯାଇଥାନ୍ତି ।ଗତ ମେ ୧୩ ତାରିଖ ଦିନ ସକାଳେ ମର୍ଣିଂ ୱାକ୍  ରୁ ଫେରୁଥିବା ବେଳେ  ତାଙ୍କୁ ପଛପଟୁ ଏକ ବୁଲେଟ ବାଇକ  ଲାଦର ପାଲି ନିକଟରେ ଧକ୍କା ଦେଇଥିଲା । ତେଣୁ  ସେ ଗୁରୁତର ହୋଇ ପଡ଼ି ଯାଇଥିଲେ।ତାଙ୍କୁ  ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା ପରେ ବିକାଶ ଘରୋଇ ଡାକ୍ତରଖାନାକୁ ନିଆଯାଇଥିଲା ।ସେଠାରେ  ତାଙ୍କର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ସେହି ଦିନ ଭୁବନେଶ୍ଵର ସ୍ଥିତ ଆପୋଲୋ  ହସ୍ପିଟାଲ କୁ ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ
 ଆଜି ଭୋର ୫ଟା ସମୟରେ ତାଙ୍କର ଦେହାନ୍ତ ହୋଇଯାଇଛି । ତାଙ୍କ ପଛରେ ବିଧବା ପତ୍ନୀ ହରିତା ପାଢ଼ୀ, ପୁଅ ପ୍ରିତମ, ଝିଅ

ପ୍ରିୟାଂଶି କୁ ଛାଡି ଯାଇଛନ୍ତି। ସ୍ଵର୍ଗତ ପାଢୀ ମେଳାପୀ, ପରୋପକାରୀ, ସ୍ବଷ୍ଟବାଦୀ ବ୍ୟକ୍ତି ଥିଲେ। ଜଣେ ଅଫିସର   ହିସାବରେ ଜନ ସାଧାରଣଙ୍କ ସୁବିଧା ଓ ଅସୁବିଧା ବୁଝୁଥିଲେ। ତାଙ୍କ ବିୟୋଗରେ ସମଗ୍ର ଅଂଚଳରେ ଶୋକର ଛାୟା ଖେଳିଯାଇଛି।  ତାଙ୍କର ଆତ୍ମୀୟ ସ୍ବଜନ, ବନ୍ଧୁ ବାନ୍ଧବ ମାନେ ଶବ ସତ୍କାର  ପାଇଁ ତାଙ୍କର ମର ଶରୀରକୁ ଗ୍ରାମକୁ ନେଇଛନ୍ତି।  ଥୁଆପାଲି ବିଦ୍ୟୁତ ବିଭାଗର କମର୍ସିଆଲ ଜେଇ ଆଶୁତୋଷ ସେଠୀ ଓ ବିଦ୍ୟୁତ ବିଭାଗ ର ସମସ୍ତ କର୍ମଚାରୀ,  ଅତାବିରା  ୱାର୍ଡ ନଂ ୨ ର ପଡ଼ାବାସୀଙ୍କ ସମେତ ବିଦ୍ୟୁତ୍ ବିଭାଗର ସମସ୍ତ କର୍ମଚାରୀ ଓ ଅଧିକାରୀ ତାdଙ୍କ ବିୟୋଗରେ ଶୋକ ପ୍ରକାଶ କରି ଶୋକ ସନ୍ତପ୍ତ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜ୍ଞାପନ କରିଛନ୍ତି।