02-May-2025

ସୋନପୁର -( ମନୋରଞ୍ଜନ ତ୍ରିପାଠୀ )
ପଶ୍ଚିମାଂଚଳ ବିଦ୍ୟୁତ କର୍ମଚାରୀ ସଂଘ କାର୍ଯ୍ୟାଳୟଠାରେ ମଇ ୧ ଶ୍ରମିକ ଦିବସ ପାଳିତ ହୋଇଯାଇଅଛି । ସଂଘର ସାଧାରଣ ସମ୍ପାଦକ ଶ୍ରୀଯୁକ୍ତ ବିଭୂତି ଭୂଷଣ ବିନ୍ଧାଣି ଙ୍କ ଦ୍ୱାରା ପତାକା ଉତୋଳନ ପରେ ପହଳଗ୍ରାମ୍‌ରେ ଘଟିଯାଇଥୁବା ଅମାନବୀୟ ହତ୍ୟାକାଣ୍ଡରେ ପ୍ରାଣ ହରାଇଥୁବା ମୃତକ ଙ୍କ ଅମର ଆତ୍ମାର ସଦ୍‌ଗତି ନିମନ୍ତେ ୨ ମିନିଟ୍ ନୀରବ ପ୍ରାର୍ଥନା କରି ସହିଦ୍ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ଘଟଣାରେ ଜଡ଼ିତ ଆତଙ୍କବାଦୀ ଆକ୍ରମଣକୁ ଘୋର ନିନ୍ଦା କରାଯାଇ ଭାରତ ସରକାର ଏହା ଉପରେ ସବିଶେଷ ଦୃଷ୍ଟି ନେଇ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରିବାକୁ ପ୍ରସ୍ତାବ ଗ୍ରହଣ କରାଯାଇଥିଲା । ମଇ ଦିବସ ଉପଲକ୍ଷେ ଅନୁଷ୍ଠିତ ସାଧାରଣ ସଭାରେ ଶ୍ରୀଯୁକ୍ତ ବିଭୂତି ଭୂଷଣ ବିନ୍ଧାଣି ସଭାପତିତ୍ବ କରିଥିବା ବେଳେ, ବିଶିଷ୍ଟ କୋଶଳବାଦୀ ନେତା ରବି ମିଶ୍ର, ରଣରାଜ ସିଂଦେଓ, ଶ୍ରମିକ ନେତା ବିରେନ୍ଦ୍ର ବନଛୋର, ଶିକ୍ଷକ ନେତା ଶ୍ରୀ ନରେନ୍ଦ୍ର ନାଥ ମିଶ୍ର, ବିଜୁଳି କର୍ମଚାରୀ ସଂଘର ସତ୍ୟବ୍ରତ ସିଂ, ସଜ୍ଜନ ବାରିକ, କଷ୍ଟ ବେହେରା, ସେଖ୍ ଅଲିମୁଦ୍ଦିନ, ମନୋରଞ୍ଜନ ଓଝା, ହେମନ୍ତ ପଧାନ, ଚନ୍ଦ୍ରଭାନୁ ବେହେରା, ସିଦ୍ଧେଶ୍ଵର ଭଞ୍ଜ ମଂଚାସୀନ ରହି ନିଜର ମତ ବ୍ୟକ୍ତ କରିବା ସହ ସମସ୍ତେ ଏକଜୁଟ ହୋଇ ଶ୍ରମିକ କର୍ମଚାରୀ ମାରଣ ନୀତି ବିରୁଦ୍ଧରେ ବିଷୋଦ୍‌ଶାର କରିଥିଲେ । ଏହି ସଭାରେ ବଲାଙ୍ଗିର ଓ ସୁବର୍ଣ୍ଣପୁର ଜିଲ୍ଲାର ଶତାଧୁକ ବିଜୁଳୀ କର୍ମଚାରୀ ଅଂଶଗ୍ରହଣ କରିଥିଲେ । ପରିଶେଷରେ ସଂଘର କୋଷାଧକ୍ଷ ଶ୍ରୀ ସତ୍ୟବ୍ରତ ସିଂ ଧନ୍ୟବାଦ ପ୍ରଦାନ କରିଥିଲେ।