30-Apr-2025

ବରପାଲି (ସୁଦାମ ଦୀପ) 
ବରପାଲି ବ୍ଲକ ସନାତନୀ ବ୍ରାହ୍ମଣ ସମାଜ ପକ୍ଷ ରୁ ପର୍ଶୁରାମ ଜୟନ୍ତୀ ନିରାଡମ୍ବର ଭାବରେ ପାଳିତ ହୋଇଯାଇଛି। କାଶ୍ମୀର୍‌ର ପହେଲଗାମ୍ ଠାରେ ଆତଙ୍କି ଆକ୍ରମଣରେ ନିରୀହ ପର୍ଯ୍ୟଟକ ମାନଙ୍କୁ ହତ୍ୟା ଯୋଗୁଁ ସାରା ଭାରତ ଏବେ ଶୋକରେ ଥିବାରୁ ଚଳିତ ବର୍ଷର ପର୍ଶୁରାମ ଜୟନ୍ତୀରେ ଶୋଭାଯାତ୍ରା, ମନୋରଞ୍ଜନ କାର୍ଯକ୍ରମ ଆଦି କୁ ବାତିଲ କରି ନିୟମାନୁଯାୟୀ ପୂଜା , ହୋମ ଆଦି ରେ ସୀମିତ ରଖାଯାଇଥିଲା ବୋଲି ବ୍ଲକ ସମ୍ପାଦକ ଅରୁଣ ପଣ୍ଡା ପ୍ରକାଶ କରିଥିଲେ। ସ୍ଥାନୀୟ ଜଗନ୍ନାଥ ମନ୍ଦିରରେ ଭଗବାନ ପର୍ଶୁରାମ ଙ୍କ ପୂଜାର୍ଚ୍ଚନା ପରେ ହୋମ ଅନୁଷ୍ଠିତ ହୋଇଥିଲା । ଏହା ପରେ ବ୍ଲକ ସଭାପତି ପଣ୍ଡିତ କୃଷ୍ଣଚନ୍ଦ୍ର ଦେବତାଙ୍କ ଅଧ୍ୟକ୍ଷତା ରେ ଏକ ସଭା ଅନୁଷ୍ଠିତ ହୋଇ ପହେଲଗାମ୍‌ର ମୃତକମାନଙ୍କ ପାଇଁ ନୀରବ ପ୍ରାର୍ଥନା କରାଯାଇଥିଲା। ସଭାରେ ଚିତ୍ତରଞ୍ଜନ ମିଶ୍ର ଧନ୍ୟବାଦ ଅର୍ପଣ କରିଥିଲେ। ଆଜିର ଏହି ଜୟନ୍ତୀ ସଭାରେ ସଦାନନ୍ଦ ଦାଶ, ପୀନାକି ଦାଶ, ଡକ୍ଟର ସରୋଜ ଦାଶ, ମେଘନାଦ ମିଶ୍ର, ସୁରେଶ ଶତପଥୀ, ବିକାଶ ପାଢ଼ୀ, ରମାକାନ୍ତ ତ୍ରିପାଠୀ, ଶରତ ଚନ୍ଦ୍ର ପାଣିଗ୍ରାହୀ, ସାନନ୍ଦ ଦାଶ , ଅଜିତ ଦାଶ , ଦାମୋଦର ପଣ୍ଡା , ବାଲ କିଶୋର ଖାଡଙ୍ଗା ଙ୍କ ସମେତ ବରପାଲି ବ୍ଲକ୍‌ର ବିଭିନ୍ନ ଶାଖା ର କର୍ମକର୍ତ୍ତା ଓ ବହୁ ସଭ୍ୟସଭ୍ୟା ଉପସ୍ଥିତ ଥିଲେ।