27-Apr-2025

(ନିରଞ୍ଜନ ତ୍ରିପାଠୀ )
ବରଗଡ ଜିଲ୍ଲା ବିଜେପୁର ଖଗେଶ୍ବର ସାହିତ୍ୟ କଳା ପରିଷଦ ପକ୍ଷରୁ ସାହିତ୍ୟପ୍ରାଣକବି ଖଗେଶ୍ବର ଶେଠଙ୍କ ୧୧୯ତମ ଜୟନ୍ତୀ ପାଇଁ ପ୍ରସ୍ତୁତି ଚୂଡାନ୍ତ ହୋଇଛି। ଚଳିତବର୍ଷ ଜାରିଂ ପଞ୍ଚାୟତ ଅନ୍ତର୍ଗତ ପୂର୍ଣ୍ଣା ଗ୍ରାମରେ ଆଗାମୀ ମଇ୧ରେ ଉକ୍ତ ଜୟନ୍ତୀ ସମାରୋହରେ ପାଳନ କରାଯିବାକୁ ସ୍ଥିର ହୋଇଛି।ଏହି ଅବସରରେ ପୂର୍ଣ୍ଣା ଗ୍ରାମର ସାମାଜିକକର୍ମୀ ପଙ୍କଜିନୀ ଦନ୍ତାଙ୍କ ଆବାହକତ୍ଵ ତଥା ପରିଷଦର ସଭାପତି ମୋହନ ସିଂଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଏଥିରେ ଉପସଭାପତି ହୃଦମଣି ସାହୁ, ,ରାମ ପ୍ରସାଦ ବାଗ,ଡ ଚିନ୍ମୟ ସାହୁ, ତୁଳସୀ ରାମ ମେହେର, ମକରଧ୍ବଜ ମେହେର, ଜଗତଜ୍ଜୀବନ ରାମ ଡନସନା, କୋଷାଧ୍ୟକ୍ଷ ଦେବାଶିଷ ମେହେର ,ଦିଲେଶ ମେହେର ପ୍ରମୁଖ ଯୋଗଦେଇ ଆଲୋଚନା କରିଥିଲେ। ପ୍ରଥମ ଅଧିବେଶନ ଜୟନ୍ତୀ ସମାରୋହରେ ପ୍ରାଧ୍ୟାପକ ଡ ପ୍ରଦୀପ କୁମାର ପ୍ରଧାନ, ଜିଲ୍ଲା ପରିଷଦ ସଭ୍ୟ ସୁଶାନ୍ତ ଗଡତିଆ, ବରିଷ୍ଠ ନାଗରିକ ରୋହିତ ପଧାନ, କୃଷ୍ଣ ଚନ୍ଦ୍ର ସାହୁ ପ୍ରମୁଖ ଅତିଥି , ସ୍ତମ୍ଭକାର ତଥା ଅଧ୍ୟାପକ ସୁଶାନ୍ତ କୁମାର ମିଶ୍ର ମୁଖ୍ୟବକ୍ତା ଭାବେ ଯୋଗଦେବାର କାର୍ଯ୍ୟକ୍ରମ ରହିଛି।ଏହି ଅବସରରେ ବିଜେପୁର ଆଲତି ସାଂସ୍କୃତିକ ସଂଘ ପକ୍ଷରୁ ନାଟ୍ୟ କଳାକାର ତରଣୀ ମେହେରଙ୍କୁ ସମ୍ବର୍ଦ୍ଧିତ କରାଯିବାକୁ ସ୍ଥିର ହୋଇଛି।ପରେ ସମ୍ବଲପୁରୀ କବିତା ଆସର ସହ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହେଵ ବୋଲି ସଂପାଦକ ରାଜେଶ୍ଵର ବେହେରା ଜଣାଇଛନ୍ତି। ସହ ସଂପାଦକ ମକରଧ୍ବଜ ସାହୁ ଧନ୍ୟବାଦ ଅର୍ପଣ କରିଥିଲେ।