27-Apr-2025

ବଲାଙ୍ଗିର(ପ୍ରେରଣା ଖବର): ବୌଦ୍ଧିକ  ଅନୁଷ୍ଠାନ "ବିଚାର" ପକ୍ଷରୁ "ଧର୍ମାଲୋଚନାର ପ୍ରାବଲ୍ୟ ଅଥଚ ଧର୍ମାଚାରର ଅଵକ୍ଷୟ" ଶୀର୍ଷକ ଆଲୋଚନାଚକ୍ର ହୋଇଯାଇଛି। ଅନୁଷ୍ଠିତ ଆଲୋଚନାଚକ୍ରରେ ବିଶ୍ୱତ୍ମା ଚେତନା ପରିଷଦର ପ୍ରତିଷ୍ଠାତା ସ୍ୱାମୀ ସତ୍ୟପ୍ରଜ୍ଞାନନ୍ଦ ସରସ୍ବତୀ ମୁଖ୍ୟ ଆଲୋଚକ ଭାବେ ଯୋଗଦେଇଥିଲେ । ସେ କହିଲେ, ସନାତନ ଧର୍ମ ଅନୁସାରେ ଧର୍ମ ଚର୍ଚ୍ଚାର ବିଷୟ ନୁହେଁ ଚଳନ ତଥା ଆଚରଣର ବିଷୟ ଅଟେ | ଧର୍ମ ବିଷୟରେ ଜାଣିନଥିଲେ ଧର୍ମ ଜାଣିଥିବା ବ୍ୟକ୍ତିଙ୍କ ଠାରୁ ଧର୍ମ ବିଷୟରେ ପଚାରି ବୁଝିବା ଜରୁରୀ | ଧର୍ମ ବିଷୟରେ କେହି ଯଦି ଆମକୁ ସଠିକ ମାର୍ଗରେ ନେବ ସେ କେବଳ ଜଣେ ଗୁରୁହିଁ ହୋଇପାରେ | ଅଧର୍ମକୁ ଧର୍ମ  କହି ପ୍ରଚାର କଲେ ସାମାଜ  ବିନାଶ ହେବା ସ୍ୱାଭାବିକ | ଧର୍ମଚାରି ମାନେ ଧର୍ମ  ଆଲୋଚନା ନକରି ରାଜନୀତି ଉପରେ ବେଶି ଆଲୋଚନା କରୁଛନ୍ତି l ଯଶପ୍ରାପ୍ତି, ଧନଇଚ୍ଛା, ଭୋଗଇଚ୍ଛା,ଧର୍ମ ଜ୍ଞାନର ଅଭାବ ଯୋଗୁଁ ଧର୍ମର ଅବକ୍ଷୟ ହେଉଛି l ବଡ ଲୋକଙ୍କ ଆଚରଣକୁ ଅନ୍ୟମାନେ ଅନୁକରଣ କରନ୍ତି, ତେଣୁ ବଡଲୋକ ମାନେ ଆଚରଣ ଓ ଉଚ୍ଚାରଣରେ ସମାନତା ରଖିବା କଥା l ଜୀବ ସହିତ ଧର୍ମର ଅଭିନ୍ନ ସମ୍ପର୍କ ରହିଛି l ଧର୍ମଚାର ଏକ ଭିନ୍ନ  ସବଦ l ଧର୍ମର ୧୦ଟି ଲକ୍ଷଣ l ଏହାକୁ ଠିକରେ ଆଚରିଲେ  ସମାଜର ମଙ୍ଗଳ ହେବ l ଧର୍ମଚାରୀ ମାନେ ଠିକରେ ଧର୍ମକୁ ନ ଆଚରିଲେ ଏପରି ଲୋକଙ୍କ ଦ୍ୱାରା ସାମାଜିକ ବିକାଶ ଅସମ୍ଭବ | ଆଜି ଧର୍ମ କଥା କହୁଥିବା ଲୋକଙ୍କ ମଧ୍ୟରୁ ୯୦ପ୍ରତିଶତ ଲୋକ ମିଥ୍ୟାଚାରୀ ବୋଲି ସ୍ଵାମୀଜୀ କହିଥିଲେ l ବୁଦ୍ଧି ବିବେକ ଉପଯୋଗ କରି ଧର୍ମ ଆଚରିଲେ ସାମାଜିକ ଅବକ୍ଷୟର ସମାଧାନ ହେବ l ଶିକ୍ଷାକୁ ବ୍ୟବସ୍ଥିତ କରିବା, ଧର୍ମ ଉପରେ ଜ୍ଞାନ ଆହରଣ କରିବା  ଓ  ଆତତାୟୀ ଙ୍କ ଉପରେ କଠୋରଦଣ୍ଡ ବ୍ୟବସ୍ତା ସହ ନ୍ୟାୟ ବ୍ୟବସ୍ଥାକୁ ସୁଦୃଢ କଲେ ସମାଜ ସୁଧୁରିବ ବୋଲି ମତ ଦେଇଥିଲେ l ସାମ୍ପ୍ରତିକ ସ୍ଥିତିରେ ଆତଙ୍କବାଦୀଙ୍କ ଆକ୍ରମଣ ଘଟଣା ଉପରେ ସ୍ଵାମୀଜୀ ମତ ଦେଇ କହିଛନ୍ତି ଯେ, ସନାତନ ଧର୍ମରେ ଅହିଂସାକୁ ପ୍ରାଧାନ୍ୟ ଦିଆଯାଇଛି କିନ୍ତୁ ତଥାପି ଆତ୍ମରକ୍ଷା, ପରିବାର ଓ ରାଷ୍ଟ୍ରର ସୁରକ୍ଷା ପାଇଁ ତଥା ଦୁଷ୍ଟଙ୍କୁ ଦମନ ପାଇଁ ହିଂସା ମଧ୍ୟ ଆଚରଣୀୟ ବୋଲି କହିଥିଲେ l ଏବେ ସରକାର ରାଷ୍ଟ୍ରର ସୁରକ୍ଷା ପାଇଁ କଠୋର ପଦକ୍ଷେପ ନେବାର ଆବଶ୍ୟକତା ରହିଛି ବୋଲି ସ୍ଵାମୀଜୀ କହିଛନ୍ତି l
କାର୍ଯ୍ୟକ୍ରମକୁ ବିଚାର ସଦସ୍ୟ ଅଖିଳ ଚନ୍ଦ୍ର ହୋତା ସଂଯୋଜନା କରିଥିବା ବେଳେ ସମସ୍ତ ସଦସ୍ୟ ସହଯୋଗ କରିଥିଲେ। ଏହି କାର୍ଯ୍ୟକ୍ରମରେ ପ୍ରୋଫେସର ମଧୁସୂଦନ ପତି, ବିଚାର ଅନୁଷ୍ଠାନ ର ଚିତ୍ତରଞ୍ଜନ ଦାସ, ଧର୍ମେନ୍ଦ୍ର ନନ୍ଦ, ରତ୍ନମୟ ତ୍ରିପାଠୀଙ୍କ ସମେତ ସହରର ବହୁ ବୁଦ୍ଧିଜୀବୀ ସାମିଲ ହୋଇଥିଲେ l