26-Apr-2025

ବିନିକା(ହିମାଂଶୁ ଶେଖର ପୁଟେଲ) ଅଏଲ ଫ୍ୟାକ୍ଟ୍ରି କୁ କୁଣ୍ଡା ନେଇ ଆସିଥିଲା ଲୋଡ଼ିଂ ହେଲା ହେଲେ ଟ୍ରକ ଟି ଚୋରୀ ହୋଇଗଲା ଗନ୍ତବ୍ୟ ସ୍ଥଳକୁ ପହଞ୍ଚି ପାରିଲା ନାହିଁ।ଥାନାରେ କେଶ ଦେବାର ୮ଦିନ ପରେ ଟ୍ରକ ଟି ଭଞ୍ଜନଗର ଇଲାକାରୁ ଉଦ୍ଧାର ହୋଇଛି। ଘଟଣାରୁ ଜଣାପଡିଛି ଯେ ଗତ ୧୦/୧୨ଦିନ ତଳେ ଖୋର୍ଦ୍ଧା ଜିଲ୍ଲାର  ବାଲିଅନ୍ତା ଥାନା ବସନ୍ତପେଡ଼ି ଗ୍ରାମରୁ ଏକ ଟ୍ରକ ନଂ OD 33G 2225 ବିନିକା ନିକଟ ଜାମପାଲି ଶ୍ରୀୟାନ ସଲଭେଣ୍ଟ ଅଏଲ ମିଲକୁ କୁଣ୍ଡା ନେଇ ଆସିଥିଲା ।କୁଣ୍ଡା ଲୋଡିଂ ମଧ୍ୟ ହୋଇଥିଲା ହେଲେ ସେହିଦିନ ଠାରୁ ଟ୍ରକଟି ଚୋରୀ ହୋଇ ଯାଇଥିଲା ।ଠିକ ସମୟରେ ଗନ୍ତବ୍ୟ ସ୍ଥଳକୁ ନ ପହଞ୍ଚିବାରୁ ଟ୍ରକ ମାଲିକ ଅମଙ୍ଗ ମୋହନ ଦାଶ ୧୭ତାରିଖ ଦିନ ବିନିକା ଥାନାରେ ଲିଖିତ ଅଭିଯୋଗ କରିଥିଲେ ।ପୋଲିସ ଥାନା କେଶ ନଂ ୭୧/୨୦୨୫ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିଲା।କୌଣସି ସୂତ୍ରରୁ ଖବର ପାଇ ବିନିକା ପୋଲିସ ଗଞ୍ଜାମ ପୋଲିସ ସହାୟତାରେ ଭଞ୍ଜନଗର ଥାନା ଇଲାକାର ବିଭିନ୍ନ ସ୍ଥାନରେ ଛାନଭିନ କରି ସଫଳ ହୋଇଥିଲେ । ଚୋରୀ ଟ୍ରକକୁ ପୋଲିସ ଉଦ୍ଧାର କରିଥିବା ବେଳେ ଟ୍ରକ ଚାଳକ ଫେରାର ହୋଇଯାଇଛି ।ଏଥିରେ ସଂପୃକ୍ତ ୩ଆସାମୀ ଜଗନ୍ନାଥ ପ୍ରସାଦ ଥାନା ଏରିଆର ସୁଶାନ୍ତ ବେହେରା,ଗଞ୍ଜାମ ଜିଲ୍ଲା ବୁଗୁଡ଼ା ଥାନା ଏରିଆର ଶିବାଜୀ ପ୍ରଧାନ,ଜିତେନ୍ଦ୍ର ଜେନାଙ୍କୁ ପୋଲିସ ଗିରଫ କରିଛି।ତେବେ ଉଦ୍ଧାର ଟ୍ରକରେ ଥିବା କୁଣ୍ଡାର ଦାମ ପ୍ରାୟ ୩ଲକ୍ଷ ଟଙ୍କା ।ସେଥିରୁ ୧୫ପ୍ୟାକେଟ କୁଣ୍ଡା ଅନ୍ୟତ୍ର ବିକ୍ରି ହୋଇଥିବା ବେଳେ ବାକିତକ ସୁରକ୍ଷିତ ଥିବା ଜଣାପଡିଛି ।