19-Jan-2021

ବଲାଙ୍ଗିର, (ପ୍ରେରଣା ଖବର): ବଲାଙ୍ଗିର ମାଟିର ସୁଯୋଗ୍ୟ ସନ୍ତାନ ତଥା ବିଶିଷ୍ଠ ଶ୍ରମିକ ନେତା ଲଳିତ ନାୟକଙ୍କ ପାର୍ଥିବ ଶରୀର ବଲାଙ୍ଗିରରେ ପହଁଞ୍ଚିବା ପରେ ରୁଗୁଡ଼ି ପଡା ଚ୍ଛକ ରେ ପ୍ରାୟ ଦୁଇ ହଜାରରୁ ଅଧିକ ଲୋକ ପହଂଚି ଲଳିତ ନାୟକଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ  l ଅନ୍ୟ ମାନଙ୍କ ମଧ୍ୟରେ ବଲାଙ୍ଗିର ବିଧାୟକ ନରସିଂହ ମିଶ୍ର, ପୂର୍ବତନ ସାଂସଦ କଲିକେଶ ନାରାୟଣ ସିଂହଦେଓ, ବିଜେଡି ନେତା ଅଜୟ ଦାସ, ବିଜେପି ନେତା  ଅନନ୍ତ ଦାସ, ଗୋପଲଜୀ ପାଣିଗ୍ରାହୀ, କୋଶଳବାଦୀ ନେତା ପ୍ରମୋଦ ମିଶ୍ର, ଯୁବ ନେତା ଆକାଶ ମିଶ୍ର, ଜିଲ୍ଲା ସାମ୍ବାଦିକ ସଂଘ ର ସଭାପତି ହରି ନାରାୟଣ ପୁଝାରୀ,  ଜିଲ୍ଲା ବଣିକ ସଂଘ ସଭାପତି ତ୍ରିପୁରାରୀ ପାଣିଗ୍ରାହୀ, ସାଇଟ୍ ର ପ୍ରତିଷ୍ଠାତା ଶ୍ରୀକର ମିଶ୍ର, ଡି ଆଇ ପି ଆର୍ ଓ ଜୟଦେବ ପାଣିଗ୍ରାହୀ, ଡି ସି ଓ  ବିଜୟ ଶତପଥୀ, ଜେ ଆଇ ଟି ଏମ୍ ର ନିର୍ଦେଶକ ପ୍ରଦୀପ ଷଡଙ୍ଗୀଙ୍କ ସମେତ ବିଭିନ୍ନ ଶ୍ରମିକ  ସଙ୍ଗଠନର  କର୍ମକର୍ତ୍ତା, ବିଭିନ୍ନ ଜାତି ସାମାଜର କର୍ମକର୍ତ୍ତା , ଗଣମାଧ୍ୟମ ପ୍ରତିନିଧି, ବିଙ୍ଗ୍ ହ୍ୟୁମେନ ସଂଗଠନର ସମସ୍ତ ସଭ୍ୟ, ସହରର ସମସ୍ତ ମାନ୍ୟଗଣ୍ୟ ବ୍ୟକ୍ତି  ଉପସ୍ଥିତ ରହି ଶେଷ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ lସ୍ଵର୍ଗତ  ଶ୍ରୀ ନାୟକଙ୍କୁ ସମ୍ମାନ ଜଣାଇ  ବଲାଙ୍ଗିର ସହରର ସମସ୍ତ ଦୋକାନ ବଜାର ବନ୍ଦ ରହିଥିଲା l

  ଶ୍ରୀ ନାୟକଙ୍କ ମର ଶରୀରକୁ ଏକ  ବିରାଟ  ଶୋଭାଯାତ୍ରା ରେ ସହର ପରିକ୍ରମା କରାଯିବା ବେଳେ ସହରର ସ୍ଥାନେ ସ୍ଥାନେ ତାଙ୍କୁ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଦିଆଯାଇଥିଲା ପରେ ବିଭୂତି ପଡl ଶ୍ମଶାନ ଘାଟରେ ଶତାଧିକ ଲୋକଙ୍କ ଉପସ୍ଥିତିରେ ଅନ୍ତିମ ସଂସ୍କାର କରାଯାଇ ଥିଲା l ଲଳିତ ନାୟକ ଙ୍କ ପୁତୁରା ଜ୍ୟୋତିରଞ୍ଜନ ନାୟକ ମୁଖାଗ୍ନି ଦେଇଥିଲେ l 'ଲଲିତ ଦା ଅମର ରହେ' ସ୍ଲୋଗାନ ରେ ରାସ୍ତା ପ୍ରକମ୍ପିତ ହୋଇଉଠୁଥିଲା l ନିଜର ପ୍ରିୟ ନେତାଙ୍କୁ ଅନ୍ତିମ ଦର୍ଶନ ପାଇଁ  ଦଳମତ ନିର୍ବିଶେଷରେ ଏପିରି ଜନପଟୁଆର  ବୟନ କରୁଥିଲା ଲଳିତ ନାୟକଙ୍କ ଅପୂର୍ବ ଲୋକପ୍ରିୟତା l