17-Jan-2021

ବଲାଙ୍ଗୀର,(ସନ୍ତୋଷ କୁମାର ଠାକୁର)- ସ୍ଥାନୀୟ ଲାଲଟିକ୍ରା ସ୍ଥିତ କୀର୍ତ୍ତି ଭିଡିଓ ଭିଜନ ଠାରେ ପରଭା ଫୋକ ଅନୁଷ୍ଠାନ ନିର୍ମିତ ଓଡିଆ କ୍ଷୁଦ୍ର ଚଳଚ୍ଚିତ୍ର “ମୋ ମାଁ କୋଳରେ” ର ଶୁଭମୁକ୍ତି ହୋଇଯାଇଛି । ଏହାର ପ୍ରଯୋଜକ ନବୀନ କିଶୋର ବେହେରା ଥିବା ବେଳେ ପ୍ରଡକ୍‌ସନ ମ୍ୟାନେଜରର ଦାୟିତ୍ୱ ତୁଳାଇଛନ୍ତି ଦିଲିପ ଦୀପ । ଅଭିନୟରେ ଅଛନ୍ତି ପ୍ରଖ୍ୟାତ କଳାକାର ରତନ ମେହେର, ନବୀନ କିଶୋର ବେହେରା, ଅନୁପ୍ରିୟା ମିଶ୍ର, ରାଜେନ୍ଦ୍ର ମଲ୍ଲିକ ଓ ଶିଶୁ କଳାକାର ଗୁଲସନ ଓ ରୂପେଶ । ଚଳଚ୍ଚିତ୍ରର ନୃତ୍ୟ ନିର୍ଦ୍ଦେଶକର ଦାୟିତ୍ୱରେ ଅଛନ୍ତି ମନୋରଞ୍ଜନ ପଟେଲ । କାହାଣୀ, କ୍ୟାମେରା ଓ ନିର୍ଦ୍ଦେଶନା ଦେଇଛନ୍ତି କୀର୍ତ୍ତିଚନ୍ଦ୍ର ଗହୀର ଏବ ପୋଷ୍ଟ ପ୍ରଡକ୍‌ସନ କାର୍ଯ୍ୟ ହୋଇଛି କୀର୍ତ୍ତି ଭିଡିଓ ଭିଜରେ । ଗୀତ ଲେଖକ ଜଗନ୍ନାଥ ସାହୁ, ସଂଗୀତ ଭୁବନେଶ୍ୱର ଦାସ, କଣ୍ଠ ରାମେଶ୍ୱର ଦାସଙ୍କ ମିଳିତ ଉଦ୍ୟମରେ ଚଳଚ୍ଚିତ୍ରଟି ବେଶ୍ ହୃଦୟସ୍ପର୍ଶୀ ହେବ ବୋଲି ସମସ୍ତଙ୍କର ଆଶା । ଆଜିର ଶୁଭ ମୁକ୍ତି ଅବସରରେ ଚଳଚିତ୍ରରେ ମେକଅପ୍ କରିଥିବା ବ୍ରହ୍ମାନନ୍ଦ ବନଛୋର, କଳା ନିର୍ଦ୍ଦେଶକ ଗୌରୀ ଶଙ୍କର ବେଜ୍ ଙ୍କ ସମେତ ଚଳଚ୍ଚିତ୍ରର ସମସ୍ତ କଳାକାର ଉପସ୍ଥିତ ଥିଲେ । ଏତତ୍‌ବ୍ୟତିତ ମଞ୍ଚାସିନ ଥିଲେ ନାଟ୍ୟ ପ୍ରତିଭା ଲଳିତ ପୁଝାରୀ, ନିସାର ଅହମଦ ନିସାର, ଗିରିଧାରୀ ଥପା, ଗୋପାଲ ଥନାପତି, ମନୋଜ ହରପାଲ, ଅଜୟ ନାଗ, ବିରରଞ୍ôଚ ଗହିର, ବୀରେନ୍ଦ୍ର ମହାକୁର ଓ ଅନ୍ୟମାନେ । ଶେଷରେ ପ୍ରଡକସନ ମ୍ୟାନେଜର ଦିଲିପ ଦୀପ ଧନ୍ୟବାଦ ଅର୍ପଣ କରିଥିଲେ ।