17-Jan-2021

ବଲାଙ୍ଗିର, (ପ୍ରେରଣା ଖବର) : ବଲାଙ୍ଗୀର ସହର ମଧ୍ୟରେ ଥିବା ଟାଉନ ବଏଚ ହାଇସ୍କୁଲ ଠାରେ ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି। ତେବେ ସୂଚନା ଅନୁସାରେ ୨୦୧୭ ଶିକ୍ଷାବର୍ଷ ନଭେମ୍ବର ୧୪ ତାରିଖ  ଶିଶୁ ଦିବସ ଅବସରରେ ରାଜ୍ୟ ସରକାରଙ୍କ ଯୋଜନା ଲାଗୁ କରାଯାଇଥିଲା ।ଯାହା ଥିଲା ମୋ ସ୍କୁଲ ଅଭିଯାନ। ଏହାଦ୍ୱାରା ସହର ସହ ଦେଶ ଗୁଡିକରେ ଥିବା ସମସ୍ତ ସରକାରୀ ସ୍କୁଲ ଗୁଡ଼ିକରେ ପୁରାତନ ଛାତ୍ରଙ୍କ ସ୍ୱାଗତ କରାଯିବ। ଯାହା ଫଳରେ ସ୍କୁଲ ମଧ୍ୟରେ ପୁରାତନ ଛାତ୍ରଙ୍କୁ ନେଇ ଏକ ସୁସମ୍ପର୍କ ଗଠନ ହେବ ଓ ପୁରାତନ ଛାତ୍ରଙ୍କ ମାଧ୍ୟମରେ ସ୍କୁଲ ଗୁଡିକର ଶିକ୍ଷା କ୍ଷେତ୍ରରେ ପ୍ରଚାର ପ୍ରସାର  ହୋଇପାରିବ l ଏହା ଆଗାମୀ ପିଢ଼ିର ଛାତ୍ରଛାତ୍ରୀଙ୍କୁ ପ୍ରେରଣା ଯୋଗାଇବ ବୋଲି ଟାଉନ ହାଇସ୍କୁଲ ପ୍ରଧାନ ଶିକ୍ଷକ ଶ୍ରୀମତୀ କୁମୁଦିନି ମିଶ୍ର ନିଜ ମତବ୍ୟକ୍ତ ରଖିଥିଲେ। ଆଜିର ମୋ ସ୍କୁଲ ଅଭିଯାନ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ରାଘବ ପାଣିଗ୍ରାହୀ ,ସମ୍ମାନିତ ଅତିଥି ଭାବେ ପୁରାତନ ଛାତ୍ର ସୁଭାଷ ଚଦ୍ର ପଣ୍ଡା ଓ ସୁଧୀର ଚନ୍ଦ୍ର ପଣ୍ଡା ଯୋଗ ଦେଇଥିବାବେଳେ ଟାଉନ ସ୍କୁଲର ପ୍ରଧାନ ଶିକ୍ଷକ ଶ୍ରୀମତୀ କୁମୁଦିନି ମିଶ୍ର ଙ୍କ ସହ ବରିଷ୍ଠ ଶିକ୍ଷକ ସୁଧାଂଶୁ ଶେଖର ମିଶ୍ର ଉପସ୍ଥିତ ଥିଲେ l ଏହି କାର୍ଯ୍ୟକ୍ରମ ର  ଶୁଭାରମ୍ଭ ମାଁ ସରସ୍ୱତୀ ଙ୍କ ଦ୍ୱୀପ ପ୍ରଜ୍ବଳନ ସହ ହୋଇଥିବା ବେଳେ ସ୍କୁଲ ର ଅଧ୍ୟାପିକା ମଣ୍ଡଳୀ ଶ୍ଳୋକ,ମନ୍ତ୍ର,ମାଧ୍ୟମରେ ଶୁଭାରମ୍ଭ କରିଥିଲେ।ଏବଂ ପରେ ଉପସ୍ଥିତ ଅତିଥୀ ବୃନ୍ଦ ଙ୍କୁ ସ୍କୁଲର ପୁରାତନ ଛାତ୍ର ମଣ୍ଡଳୀ  ସ୍ୱାଗତ ସମ୍ମର୍ଦ୍ଧନା କରିଥିଲେ lଏହି ଅବସରରେ ସ୍କୁଲ ର କିଛି ଅଧ୍ୟାପକ ଙ୍କ ବିଯୋଗ କୁ ନେଇ ତାଙ୍କ ଅମର ଆତ୍ମାର ସଦଗତି ପାଇଁ ଗୋଟେ ମିନିଟ ନିରବ ପ୍ରାଥନା ମଧ୍ୟ କରାଯାଇଥିଲା।ତେବେ ଆଜିର ଏହି ମୋ ସ୍କୁଲ ଅଭିଯାନ ସଭାରେ ଆଗାମୀ ଦିନରେ ପୂର୍ବତନ ଛାତ୍ର ଙ୍କୁ ନେଇ ବଲାଙ୍ଗୀର ଟାଉନ ଉଚ୍ଚତମ ସ୍କୁଲ ର ପ୍ଲାଟିନମ ଯୁବଳୀ ପାଇଁ ପ୍ରସ୍ତୁତି ପାଇଁ ବୈଠକ ହେବା ନେଇ ନିଷ୍ପତି ମଧ୍ୟ ନିଆଯାଇଥିଲା। ଏହି ଅବସରରେ ଟାଉନ ଉଚ୍ଚ ବିଦ୍ୟାଳୟ ର ଶିକ୍ଷକ,ତ୍ରିଲୋଚନ ମହାପାତ୍ର,ଅଣାକାର ସାହୁ,ବିକାଶ ଦାସ,ଶୁଭେନ୍ଧୁ ପ୍ରଧାନ,ପ୍ରହ୍ଲାଦ ମହାକୁର,ତୀର୍ଥ ଜାଲ, ଶିକ୍ଷୟତ୍ରୀ ଶ୍ରୀମତୀ ବିଜୟ ଲକ୍ଷ୍ମୀ ମିଶ୍ର ଜୋତିର୍ମୟୀ ନାଏକ,ଆର୍ୟ୍ଯ ଵାଲା ମିଶ୍ର,ନିଳିମା ପୁରୋହିତ,ଯୋଗମାୟା ଷଡଙ୍ଗୀ ଙ୍କ sameta ଏହି ସ୍କୁଲ ର ପୁରାତନ ଛାତ୍ର ଉପସ୍ଥିତ ରହି ମୋ ସ୍କୁଲ ଅଭିଜାନର କାର୍ଯ୍ୟକ୍ରମକୁ ସଫଳମଣ୍ଡିତ କରିଥିଲେ।