19-Mar-2025

ବୌଦ୍ଧ: ବୌଦ୍ଧ ଜିଲ୍ଲା ମଥୁରା ପଂଚାୟତ କେଳାକଟା ଗୋପପୁର ଠାରେ ବକଳଧାରୀ ସାଧୁ ବୀରେନ୍ଦ୍ର ବାବା ଓ ସାଧୁ କୁଳଧର ଦାସ, ଭକ୍ତ ବିରଞ୍ଚି ସାହୁ ଓ ୨୦ରୁ ଅଧିକ ଶିଷ୍ୟଙ୍କ ସହିତ ଭୀମଭୋଇଙ୍କ ଜ୍ଞାନ ପୀଠ ବଳାସିଙ୍ଗା ମହୁଲ ମୂଳ ମହିମା ଆଶ୍ରମରୁ ପାଦରେ ଚାଲି ଚାଲି ଆଜି ସକାଳେ ବୌଦ୍ଧ ରୁ କେଳାକଟା ଗୋପପୁର ଆଗମନ କରି ସନ୍ଥ କବି ଭୀମ ଭୋଇଙ୍କ ମାମୁଁଘର ଠାରେ ଏକ ବ୍ରହ୍ମ ଯଜ୍ଞ ଆୟୋଜନ ସହିତ ବ୍ରହ୍ମ କଥା ଅବଧୂତ ବୀରେନ୍ଦ୍ର ବାବା, ଅବଧୂତ କୁଳଧର ବାବା, ସାଧୁ ନିରଞ୍ଜନ ଦାସ,ସନ୍ଥ କବିଙ୍କ ଜନ୍ମ ସ୍ଥାନକୁ ପ୍ରମାନୀତ କରି ଦୃଢ଼ତା ସହିତ ଉପସ୍ଥାପନା କରିଥିଲେ l ଆଲୋଚନାଚକ୍ର

ମୁଖ୍ୟ ଅତିଥି ଭାବେ ବୌଦ୍ଧ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, ସଂମ୍ମାନୀତ ଅତିଥି ଭାବେ ହରଭଙ୍ଗା ଗୋଷ୍ଠୀ ଉନ୍ନୟନ ଅଧିକାରୀ ଶରତ କୁମାର ସେଠି,ମୁଖ୍ୟ ଆଲୋଚକ ଭାବେ ମହିମା ଧର୍ମ ଗବେଷକ ଛତିଶଗଡ ନିବାସୀ ଭକ୍ତ ତ୍ରିଲୋଚନ ପଟେଲ, ଅନ୍ୟତମ ଆଲୋଚକ ଭାବେ ମହିମା ଧର୍ମ ଗବେଷକ ସାଧୁ ବିଶୁଦ୍ଧlନନ୍ଦ ଦାସ, ପ୍ରାଧ୍ୟାପକ ବାସୁଦେବ ପାତ୍ର, ଚିରଞ୍ଜିବି ପ୍ରଧାନ, ମଥୁରା ସରପଞ୍ଚ ପ୍ରଦୀପ କୁମାର କଂହର ଯୋଗଦେଇ ତଥ୍ୟ ଭିତ୍ତିକ ପ୍ରମାନୀତ କରିଥିଲେ l ଉକ୍ତ କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ସଂସ୍କୃତି ଓ କଳା ପରିଷଦ ଓଡିଶାର ରାଜ୍ୟ ଅଧକ୍ଷ ଲଷ୍ମୀଧର ସାହୁ, ମାହେଶ୍ୱରୀ ଗୋଶାଳା ଉପଦେଷ୍ଟା ଶରତ ପ୍ରଧାନ,ଅଧକ୍ଷ ନିର୍ଗୁଣ ମହାକୁଡ଼, ସମ୍ପାଦକ କୃତ୍ତିବାସ ପଲିଆ ଯୋଗ ଦେଇ ଆସନ୍ତା ବୈଶାଖ ପୁର୍ଣିମାରେ ଭୀମଭୋଇଙ୍କ ଜନ୍ନ ଜୟନ୍ତୀ ପାଳନ ନିମନ୍ତେ କେଳାକଟା, ଗୋପପୁର ଗ୍ରାମ୍ୟ କମିଟିଙ୍କ ସହଯୋଗ କ୍ରମେ, ମହିମା ବିକାଶ ପରିଷଦ, ବଳାସିଙ୍ଗା, ସଂସ୍କୃତି ଓ କଳା ପରିଷଦ, ଓଡିଶା, ସିଦ୍ଧାର୍ଥ ସାହିତ୍ୟ ସଂସଦ, ବୌଦ୍ଧ ମିଳିତ ଆୟୋଜନରେ ପ୍ରସ୍ତାବ ଗୃହୀତ ହୋଇଥିଲା l ବୌଦ୍ଧ ଜିଲ୍ଲା ପ୍ରଶାସନ,ରାଜ୍ୟ ଓ କେନ୍ଦ୍ର ସରକାର ଙ୍କ ଆର୍ଥିକ ସହାୟତାରେ ସନ୍ଥ କବିଙ୍କ ଜନ୍ମସ୍ଥାନର ଭିତିଭୂମି ବିକାଶ ସହିତ ଭୀମ ଭୋଇ ଶ୍ମୃତି ସଂସଦ ଗୃହ ନିର୍ମାଣ, ଭୀମ ଭୋଇ ଗୋ ଅଭୟାରଣ୍ୟ ସ୍ଥାପନ, ପ୍ରତ୍ୟେକ ବର୍ଷ ରାଜ୍ୟ ସ୍ତରୀୟ ଜନ୍ମ ଜୟନ୍ତୀ ଉତ୍ସବ ପାଳନ ନିମନ୍ତେ ଅର୍ଥ ଯୋଗାଇ ଦେବା ସହିତ ଭୀମ ଭୋଇଙ୍କ ଜନ୍ମ ସ୍ଥାନକୁ ସରକାରୀ ସ୍ତରରେ ମାନ୍ୟତା ଦେବା ସହିତ ଭୀମଭୋଇ ସାହିତ୍ୟ ସଂସ୍କୃତି କୁ ଜାଣିବା ପାଇଁ ଗବେଷଣାଗାର ସ୍ଥାପନ କରିବା ପାଇଁ ସରକାରଙ୍କୁ ଅନୁରୋଧ କରାଯାଇଥିଲା l ଏହି କାର୍ଯ୍ୟକ୍ରମ କେଳାକଟା ଓ ଗୋପପୁର ଗ୍ରାମବାସୀଙ୍କ ସମେତ ବାଞ୍ଛାନିଧି ପ୍ରଧାନ, ଜ୍ୟୋତିରଞ୍ଜନ ପ୍ରଧାନ, ଶେଷଦେବ ଗାଈଗୌରିଆ, ସଞ୍ଜୟ ପାତ୍ର, ପ୍ରତୀକ କୁମାର ପ୍ରଧାନ, ବିଦ୍ୟାବନ୍ଧୁ ପୁରୋହିତ, ଶୁମନ୍ତ ମେହେର, ଶୁରଥ ମେହେର, ଚିତ୍ତରଞ୍ଜନ ପ୍ରଧାନ, ଧରଣୀ ପ୍ରଧାନ, ନାରାୟଣ ନାଏକ, ଅଖିଳ ପ୍ରଧାନ, ଶୁଭେନ ପାତ୍ର, ଗୋବିନ୍ଦ ମେହେର, ବିଭୁତି ଭୂଷଣ ମହାକୁଡ଼, ଗୋବର୍ଦ୍ଦନ କର୍ଣ୍ଣ,ଗଡ଼ଜାତ ଲୋକ କଳା ପରିଷଦ ସମ୍ପାଦକ ଦେବାଶିଷ ମହାକୁଡ଼,ପ୍ରମୁଖ ଆୟୋଜନରେ ସହାୟତା କରିଥିଲେ l