19-Mar-2025

କଣ୍ଟାବାଞ୍ଜି: ବଲାଙ୍ଗିର ଜିଲ୍ଲା।ତୁରେକେଲା ବ୍ଲକର ଅନେକ ଗ୍ରାମାଞ୍ଚଳକୁ ଯିବାକୁ ଭଳ ରାସ୍ତା ଟିଏ ନାହିଁ, ଯାହା ଫଳରେ ଲୋକେ ଗମନାଗମନ ପାଇଁ ଅନେକ ଅସୁବିଧାର ସମ୍ମୁଖୀନ ହେଉଛି। ସେଥି ପାଇଁ ଗ୍ରାମାଞ୍ଚଳକୁ ଗମନାଗମନ ସଂଯୋଗ କରିବାକୁ ବିଭିନ୍ନ ଯୋଜନାରେ ଗ୍ରାମାଞ୍ଚଳକୁ ରାସ୍ତା ନିର୍ମାଣ କରୁଛି ଗ୍ରାମ୍ଯ ଉନ୍ନୟନ ବିଭାଗ l ହେଲେ ଗ୍ରାମାଞ୍ଚଳ ରାସ୍ତା ଭାଙ୍ଗୁଛି ମେଗା ସଂସ୍ଥା ଯାହାର ଜ୍ୱଳନ୍ତ ଉହାହରଣ ଦେଖିବାକୁ ମିଳିଛି। ତୁରେକେଲା ବ୍ଲକର ଅନେକ ଗାଁ କୁ ଲୋୟର ଇନ୍ଦ୍ର ଜଳସେଚନ ପ୍ରକଳ୍ପରରୁ ବିଶୁଦ୍ଧ ପାନୀୟଜଳ ଯୋଗାଣ ପାଇଁ ୨୦୦ କୋଟିରୁ ଉର୍ଦ୍ଧ୍ବ ଟଙ୍କାର ପ୍ରକଳ୍ପ ଅନୁମୋଦନ ହୋଇଛି। ସେଥିପାଇଁ ମେଗା ଠିକା ସଂସ୍ଥାକୁ ଗ୍ରାମାଞ୍ଚଳକୁ ପାଇପ୍ ସଂଯୋଗ କରିବାକୁ ଦାୟିତ୍ଵ ଦିଆଯାଇଛି। ସେଥିପାଇଁ ମେଗା ସଂସ୍ଥା ପାଇପ୍ ବିଛାଉଥିବା ବେଳେ ଅନେକ ଗାଁ ରାସ୍ତା ଭାଙ୍ଗି ଦେଉଛି। ମଙ୍ଗଳବାର ମାକରଚୁଆଁ ଗାଁ ରେ ବିଶୁଦ୍ଧ ପାନୀୟ ଜଳଯୋଗାଣ ପାଇଁ ପାଇପ୍ ବିଛାଉଛି ମେଗା ସଂସ୍ଥା l ଗାଁ ରେ ନିର୍ମାଣ ହୋଇଥିବା ନୂତନ ରାସ୍ତାକୁ ମେସିନ୍ ଲଗାଇ ଭଙ୍ଗା ଯାଉଛି ଯାହା ଫଳରେ ତଳେ ପାଇପ୍ ବିଛାଯିବ ବୋଲି ଜଣାପଡ଼ିଛି।  ଉକ୍ତ ମେଗା ସଂସ୍ଥା ଟି ଏହିଭଳି ତୁରେକେଲା ବ୍ଲକ ରେ ନିର୍ମାଣ ହୋଇଥିବା ଅନେକ ରାସ୍ତା ଭାଙ୍ଗି ଦେଇ ପରେ ପାଇପ୍ ବିଛାଇ ଛାଡି ଦେଇ ଚାଲି ଯାଉଛନ୍ତି ଯାହାଫଳ ରେ ନୂତନ ରାସ୍ତା ଖରାପ ହେବାରେ ଲାଗିଛି। ବାରମ୍ବାର ଏନେଇ ସ୍ଥାନୀୟ ଲୋକେ ଅଭିଯୋଗ କରୁଥିବା ବେଳେ ମେଗା ସଂସ୍ଥା ଟି ତାର ମନୋମୁଖୀ କାରବାର ବନ୍ଦ କରୁନାହିଁ। ଏନେଇ ଗ୍ରାମ୍ଯ ଉନ୍ନୟନ ବିଭାଗ ଯନ୍ତ୍ରୀଙ୍କୁ ପଚାରିବାରୁ ଆମେ ରାସ୍ତା ନିର୍ମାଣ କରି ଚାଳିଛୁ ସେମାନେ ଭାଙ୍ଗି ଚାଲିଛନ୍ତି, କଣ କରିବୁ ବୁଝି ପାରୁନାହୁଁ ବୋଲି ସେ କହିଛନ୍ତି। ସେପଟେ ଏନେଇ ମେଗା ସଂସ୍ଥା ଅଧିକାରୀଙ୍କ ପ୍ରତିକ୍ରିୟା ନେବାକୁ ଆମେ ଯୋଗାଯୋଗ କରିଥିଲୁ ହେଲେ କୌଣସି ପ୍ରତିକ୍ରିୟା ମିଳି ପାରିନାହିଁ। ବାରମ୍ବାର ମେଗା ସଂସ୍ଥା ରାସ୍ତା ଭାଙ୍ଗି ଚାଲୁଛି ଏବଂ ବିଭାଗୀୟ ନିୟମ ଉଲଙ୍ଘନ କରି ସେମାନେ କାମ କରୁଥିବା ଅଭିଯୋଗ ହେଉଛି। ଏହା ଉପରେ ବଲାଙ୍ଗିର ଜିଲ୍ଲାପାଳ ନଜର ଦେଇ ପଦକ୍ଷେପ ନେବାକୁ ଦାବୀ ହେଉଛି।