18-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ଚୈତ୍ର ମାସର ପ୍ରଥମ ମଙ୍ଗଳବାର। ଅଦ୍ୟ ସନ୍ଧ୍ଯାରେ ମାଁ ତାରିଣୀ ପୀଠ ବିଜେପୁର ଆନନ୍ଦନଗର ଠାରେ ଚୈତ୍ରମାସର ପ୍ରଥମ ମଙ୍ଗଳବାର ପୂଜା ଯଥାରୀତି ସମାପନ ହୋଇଯାଇଛି।  ପଣ୍ଡିତ ମଣ୍ଟୁ ସାବତଙ୍କ ପୌରୋହିତ୍ୟରେ ଅନୁଷ୍ଠିତ ପୂଜାରେ ଶ୍ରୀ ହରେକୃଷ୍ଣ ସେନାପତି ଓ ଶ୍ରୀମତୀ ସୌଦାମିନୀ ସେନାପତି ଦମ୍ପତି କର୍ତ୍ତା ଦାୟିତ୍ଵ ତୁଲାଇଥିଲେ । ବହୁ ସଂଖ୍ୟାରେ ଭକ୍ତଗଣଙ୍କ ସମାବେଶ ହୋଇଥିବା ବେଳେ ଶ୍ରୀ ଖୁନ୍ଦୁଲୁ ସମରଥ, ରମେଶ ସାହୁ, ହରିହର ମହାକୁର, ପ୍ରେମରାଜ ପଟେଲ, ଗିରିଧାରୀ ଦାଶ, ପଦ୍ମନ ଝାଙ୍କର, ସୁଦାମ ଖରସେଲ ପ୍ରଭୃତି ସହଯୋଗ କରିଥିଲେ । ଚୈତ୍ରମାସର ପ୍ରତି ମଙ୍ଗଳବାର ପୂଜା ଓ ହୋମ ହେବା ସାଙ୍ଗକୁ ଅପ୍ରେଲ ମାସ ୧୦, ୧୧ ଓ ୧୨ ତାରିଖ ମାଁ'ଙ୍କ ଚୈତ୍ର ପର୍ବ ଧୂମ୍ ଧାମରେ ପାଳନ କରାଯିବ ବୋଲି ମନ୍ଦିର ସୂତ୍ରରୁ ପ୍ରକାଶ।