16-Jan-2021

ଖପ୍ରାଖୋଲ, (ଗୋରେଖନାଥ ବରିହା): ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ମାଟିଆଭଟା ପଞ୍ଚାୟତ ଅନକାମୁରା ଗ୍ରାମ  କୁସୁମ ପଡା ର ୩ ଆଦି ପରିବାରଙ୍କ ପାଖରେ  ପାନୀୟଜଳ ର ସୁବିଧା ନଥିବାରୁ ଲୋକେ ଘୋର ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି  ।  ୩ ଆଦିବାସୀ ପରିବାର ଦୀର୍ଘ ୧୨ ବର୍ଷ ହେବ   ପଡ଼ାରେ ବସବାସ  କରି ଆସୁଛନ୍ତି । ପାନୀୟ ଜଳ ପାଇ  ପ୍ରାୟ ୧ କିମି ଦୂରକୁ ଯିବାକୁ ପଡୁଛି ବୋଲି ଆଦିବାସୀ ପରିବାର  ଅଭିଯୋଗ କରିଛନ୍ତି । ସେମାନେ ନିଜେ କୁଅ ଖୋଲି  ସେଥିରୁ ପାନୀୟ ଜଳ ବ୍ୟବହାର କରୁଥିବା ଅଭିଯୋଗ କରିଛନ୍ତି ।   ପଡାରେ ଏକ ନଳକୂପ ଖନନ କରିବାକୁ ସରପଞ୍ଚ, ସମିତି ସଭ୍ୟଙ୍କୁ ଜଣାଇଥିଲେ ମଧ୍ୟ କେହି ଶୁଣୁ ନଥିବା ଅଭିଯୋଗ କରିଛନ୍ତି । ଗ୍ରୀଷ୍ମ ଋତୁ ରେ ପାନୀୟ ଜଳ ପାଇ ପଡାବାସୀଙ୍କୁ ହାହାକାର ହେବାକୁ ପଡୁଛି ବୋଲି ଦର୍ଶାଇ ସରପଞ୍ଚଙ୍କ ପାଖରେ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳିନାହିଁ । ବର୍ତମାନ ଗ୍ରୀଷ୍ମ ଋତୁ ଆଗମନ ପୂର୍ବରୁ ପଡ଼ାରେ ଏକ ନଳକୂପ ଖନନ କରିବାକୁ ବ୍ଳକ ପ୍ରଶାସନ ଦୃଷ୍ଟି ଦେବାକୁ କୁସୁମ ପଡା ରେ  ୩ ଆଦିବାସୀ ପରିବାର ଦାବି କରିଛନ୍ତି ।।