15-Jan-2021

ନୟାଗଡ, (ପ୍ରଦୀପ କୁମାର ପଣ୍ଡା) :ନୟାଗଡ଼ ଜିଲ୍ଲା ଖଣ୍ଡପଡା ଥାନା ଅଧୀନ ସିଂଘାପଡା ଠାରେ ଥିବା ଇଣ୍ଡିଆନ ଅଏଲ ପେଟ୍ରୋଲ ପମ୍ପ ଜଳିଗଲା | ଗତକାଲି ଭୋର ପ୍ରାୟ ୩ :୩0 ସମୟରେ ଜଣେ ଦୁର୍ବୁତ୍ତ ଏକ ପେଟ୍ରୋଲ ବମ ଫୋପାଡ଼ି ଥିଲେ ଏହି ପେଟ୍ରୋଲ ପମ୍ପ ଉପରକୁ | ସେଠାରେ ରାତ୍ରୀ ଜଗୁଆଳି ତତକ୍ଷଣାତ ଉପସ୍ଥିତି ବୁଦ୍ଧି ପ୍ରୟୋଗ କରି ବାଲି ଏବଂ ନିଆଁ ଲିଭାଇବା ସ୍ପ୍ରେ ସାହାଯ୍ୟ ନିଆଁ କୁ ଆୟତ୍ତ କରି ଦେଇଥିଲେ | ଏଭଳି ବିପଦ ପୂର୍ଣ୍ଣ ଦୁର୍ଘଟଣାରେ ସାହାସିକତା ର ପ୍ରଦର୍ଶନ ପାଇଁ ଅଞ୍ଚଳ ବାସୀ ତଥା ପେଟ୍ରୋଲ ପମ୍ପ ର ସମସ୍ତ କର୍ମଚାରୀ ତାଙ୍କୁ ଧନ୍ୟବାଦ ଦେବାସହିତ ଭୁରି ପ୍ରଶଂସା ମଧ୍ୟ କରିଛନ୍ତି | ପ୍ରକାଶ ଥାଉକି ଗତ କାଲି ଅପରାହ୍ନ ପ୍ରାୟ ଚାରିଟା ସମୟରେ ଗଡ଼ିଆସାହି ପଞ୍ଚାୟତ ଅଧୀନ ପଥର ବନ୍ଧ ଗ୍ରାମର ଝରିଆ ମାଝୀ ଙ୍କ ପୁତ୍ର ବାନାମ୍ବର ମାଝୀ ଉକ୍ତ ପେଟ୍ରୋଲ ପମ୍ପ କୁ ଏକ ବୋତଲ ନେଇ ଆସିଥିଲେ ପେଟ୍ରୋଲ ନେବାପାଇଁ | ସେଠାରେ ଉକ୍ତ ବୋତଲ ରେ ପେଟ୍ରୋଲ ଭର୍ତି କରିବାରେ ଅସୁବିଧା ପରିଲିକ୍ଷିତ ହେବା ରୁ ପମ୍ପ କର୍ମଚାରୀ ଙ୍କ ସହିତ ସେ ବଚସା କରିଥିଲେ | ଏପରିକି ବାନାମ୍ବର ସେଠାରେ ଧମକ ଦେଇଥିଲେ ପେଟ୍ରୋଲ ପମ୍ପ ଜାଳିଦେବି | ତେଣୁ ତାଙ୍କ ନାମରେ ଖଣ୍ଡପଡା ଥାନା ରେ ପେଟ୍ରୋଲ ପମ୍ପ ମାଲିକ ଏକ ଅଭିଯୋଗ କରିଛନ୍ତି | ଖଣ୍ଡପଡା ଥାନା ଅଧିକାରୀ ଘଟଣା ସ୍ଥଳରେ ପଂହଁଚି ତଦନ୍ତ ଚଳାଇଛନ୍ତି ଏବଂ ଖଣ୍ଡପଡା ଦମକଳ ବାହିନୀ ଦୁର୍ଘଟଣା ର ସ୍ଥିତି ଅନୁଧ୍ୟାନ କରିଛନ୍ତି |