21-Feb-2025

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ସମନ୍ୱିତ ଶିଶୁ ବିକାଶ ପ୍ରକଳ୍ପ ପର୍ଲା ସେକ୍ଟର ଅଧିନ ବେହେରାଗୁଡା ଠାରେ ଶୁକ୍ରବାର ଦିନ କିଶୋରୀ ମେଳା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।କାର୍ଯ୍ୟକ୍ରମରେ ପର୍ଲା ପରିଦର୍ଶିକା ପୂର୍ଣ୍ଣମୀ ସେନାପତି ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ବେହେରା ଗୁଡ଼ା ବିଦ୍ୟାଳୟ ର ପ୍ରଧାନ ଶିକ୍ଷକ ଅକ୍ଷୟ କୁମାର୍ ଜେନା, ସମ୍ମାନୀତ ଅତିଥି ନିଳାମ୍ବର ପୋଡ଼,ସ୍ୱାସ୍ଥ୍ୟ କର୍ମୀ ଗୀତା ବେହେରା, ତାରିଣୀ ପ୍ରସାଦ ଦାସ, ନାଏବ୍ ସରପଞ୍ଚ ଚନ୍ଦ୍ରା ନାଏକ ଉପସ୍ଥିତ ରହିଥିଲେ।କାର୍ଯ୍ୟକ୍ରମ ରେ କିଶୋରୀ ମାନଙ୍କ ସଚେତନା ଉଦେଶ୍ୟ ନିଜ ଅଭିଭାଷଣ ଅତିଥି ମାନେ ରକ୍ତ ଜନିତ ସମସ୍ୟା ଦୂରୀକରଣ,ସ୍ୱାସ୍ଥ୍ୟ ପ୍ରତି ଯତ୍ନ ବାନ ସର୍ବପରି ବାଲ୍ୟ ବିବାହ ଉପରେ  ଜାଗ୍ରତ କରିଥିଲେ।ସରକାର କିଶୋରୀ ମାନଙ୍କ ମାନସିକ ସ୍ତରରେ ସୁଦୃଢ଼ କରିବା ,ନିଜ ପ୍ରତିଭା କୁ ପରିବେଷ୍ଟିତ କରିବା ଓ ବିଭିନ୍ନ ପ୍ରତିଯୋଗିତା ମାଧ୍ୟମରେ ପାରିଦର୍ଶିକ ପ୍ରଦର୍ଶନ କରିବା ଉଦେଶ୍ୟ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମ ପରିଚାଲିକା ଅଙ୍ଗନ ବାଡ଼ି କର୍ମୀ  ଭବାନୀ ନାଏକ କହିଥିଲେ।ଶେଷରେ କିଶୋରୀ ମାନଙ୍କ ଦ୍ୱାରା ତିଆରି ଝୋଟି କୁ ଅତିଥି ମାନେ ପରିଦର୍ଶନ କରି ଚୟନ କରିଥିଲେ।ଏହାପରେ କିଶୋରୀ ମାନେ ସାଂସ୍କୃତିକ କାର୍ଯ୍ୟକ୍ରମ ରେ ଭାଗ ନେଇ ନାଚ, ଗୀତ ସହ ବକୃତା , ଚୋକି ବସା ପ୍ରତିଯୋଗିତା ରେ ଭାଗ ନେଇ ଥିଲେ।ଉତ୍ତୀର୍ଣ୍ଣ କିଶୋରୀ ଙ୍କୁ ଅତିଥି ଙ୍କ ଦ୍ଵାରା ପୁରସ୍କାର ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ୬୦ରୁ ଉର୍ଦ୍ଧ୍ବ କିଶୋରୀ  ଭାଗ ନେଇଥିବା ବେଳେ ଅଙ୍ଗନବାଡି କର୍ମୀ ନଳିନୀ ଜାଲ, ଖିରମଣି ଦୁର୍ଗା, ଜଳେନ୍ଦ୍ରି ପାଣିଗ୍ରାହି, ମମତା ଧଙ୍ଗଡାମାଝି,ଶ୍ୱେତବାଲି ନାଏକ,ଜୟନ୍ତୀ ଦେଇ,କୁନ୍ତୀ ନାଗ,ଅଷ୍ଟମୀ ନାଗ,ଲୋଚନୀ ନାଏକ, ସପ୍ତମୀ ନାଏକ,ବନିତା ସୁନାନୀସାହାଯ୍ୟକାରିଣୀ-ଜନକେ ବିଶି, ଶାନ୍ତି ଗୋପାଲ, ଭବାନୀ ହେର୍ନା,ଅଞ୍ଜନା ବେୱା,ଜଳେନ୍ଦ୍ରୀ ଜୁଏଡ଼,ଲୋଚନୀ ଭଇସାଲ ପ୍ରମୁଖ ସହଯୋଗ କରିଥିଲେ।