21-Feb-2025

ବିନିକା(ହିମାଂଶୁ ଶେଖର ପୁଟେଲ): ବିନିକା ପାଲିପଡ଼ା ଠାରେ ତୁଳସୀ ଚଉଁରା ପ୍ରତିଷ୍ଠା ଉତ୍ସବ ବିପୁଳ ଆନନ୍ଦ ଉଲ୍ଲାସ ମଧ୍ୟରେ ସମ୍ପନ୍ନ ହୋଇଛି।ପ୍ରାରମ୍ଭରେ ଘଣ୍ଟ,ଶଙ୍ଖ,ହୁଳହୁଳି ଧ୍ବନିରେ ମହିଳା ମାନେ ଏକ ବିରାଟ ଶୋଭାଯାତ୍ରାରେ ବାହାରି ନିକଟସ୍ଥ ଚିରସ୍ରୋତା ମହାନଦୀ ଶଗଡ଼ିଆ ଘାଟକୁ ଯାଇ ଜଳ ଆଣି ମଣ୍ଡପରେ କଳସ ସ୍ଥାପନ କରିଥିଲେ । ପରେ ସମସ୍ତ ଦେବଦେବୀ ଙ୍କୁ ଯଥାରୀତି ପୂଜାର୍ଚ୍ଚନା କରାଯାଇ ତୁଳସୀ ଚଉଁରା ପ୍ରତିଷ୍ଠା ଉତ୍ସବ ବିପୁଳ ଆନନ୍ଦ ଉଲ୍ଲାସ ମଧ୍ୟରେ ସମାପନ କରାଯାଇଥିଲା।ଏଥିରେ ପୂଜକ ଭାବେ ସୁଶାନ୍ତ ଦାଶ ଓ ହୃଷୀକେଶ ହୋତା ଦାୟିତ୍ଵ ନିର୍ବାହ କରିଥିବା ବେଳେ କର୍ତ୍ତା ଭାବେ ଆନନ୍ଦ ନାଗ ଓ ତାଙ୍କ ଧର୍ମପତ୍ନୀ ଅଞ୍ଜଳି ନାଗ ଦାୟିତ୍ଵ ତୁଲାଇଥିଲେ ।ଏହି ଅବସରରେ ଉପସ୍ଥିତ ଶ୍ରଦ୍ଧାଳୁ ଭକ୍ତଙ୍କ ପାଇଁ ମନୋରଞ୍ଜନ କାର୍ଯ୍ୟକ୍ରମ ମହିଳା ସଙ୍କୀର୍ତ୍ତନ ବୈଠକି ଅନୁଷ୍ଠିତ ହୋଇଥିଲା ।ପ୍ରତିଷ୍ଠା ଉତ୍ସବ ପରିଚାଳନାରେ ହାଡୁ,ଶିବ,ଦୈତାରି,ଆଲୋକ,ହିମାଂଶୁ,ବିଦ୍ୟାଧର,ପପୁନ,ଜିତୁ,ମହେନ୍ଦ୍ର,କେଶବ,ଅନୁଭବ,ପୁରୁନ୍ଦର,ଶଙ୍କର,ନରେନ୍ଦ୍ର,ଉପିନ୍ଦ୍ର,ଗରିବ,ଆର୍ତ୍ତ,ଭ୍ରମର,ରାମହରି,ଭୁବନ,ଶିବା,ଅମ୍ବରିଶ,ଦେବେନ୍ଦ୍ର,ହରେକୃଷ୍ଣ,ଚୈତନ, ସୁବାଷ,ଚନ୍ଦନ,ଶୈଳନ୍ଦ୍ର,ବିଦୁର,କଷ୍ଟ ପ୍ରମୁଖ ସହଯୋଗ କରିଥିଲେ ।