03-Feb-2025

ଅତାବିରା(ଆକାଶ ମିଶ୍ର):  ଅତାବିରା ବ୍ଲକ୍ ଅନ୍ତର୍ଗତ ଟୋପ ପଞ୍ଚାୟତର ଶତାୟୁ ଟୋପ ଉନ୍ନୀତ ଉଚ୍ଚ ବିଦ୍ୟାଳୟ ର ବାର୍ଷିକ ଉତ୍ସବ  ବିଦ୍ୟାଳୟର ପ୍ରଧାନ ଶିକ୍ଷକ  କୌଶିକ ସାହୁଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି।ଏହି ଉତ୍ସବ ରେ  ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ ତପନ କୁମାର ଦାଶ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ପାହାଡ  ଶ୍ରିଗୀଡା  ଆଞ୍ଚଳିକ ମହାବିଦ୍ୟାଳୟର ଅଧ୍ୟାପକ  ଆତୃଷ ପ୍ରଧାନ ,ହାସ୍ୟ କବି ମନୋରଞ୍ଜନ ଲୁହା,ସିଂହପାଲି ଆଞ୍ଚଳିକ ସାଧନ କର୍ମୀ କୃତାର୍ଥ ଚନ୍ଦ୍ର ଭୁଏ,ସମ୍ମାନିତ ଅତିଥି ଭାବେ  ମଞ୍ଚାସିନ ଥିଲେ। ଅତାବିରା ମହାବିଦ୍ୟାଳୟର ଓଡ଼ିଆ ବିଭାଗ ଅଧ୍ୟାପିକା  ଡଃ ରିଙ୍କି ପ୍ରଧାନ ମୁଖ୍ୟବକ୍ତା ଭାବରେ ଯୋଗ ଦେଇଥିଲେ।ଅତିଥି ମାନଙ୍କ ଦ୍ଵାରା ଗଜାନନ, ବାଗ ଦେବୀ ସରସ୍ଵତୀଙ୍କର ଫଟୋ ଚିତ୍ର ରେ ପୂଜାର୍ଚ୍ଚନା ପରେ  ଛାତ୍ରୀ ମାନେ ସ୍ଵାଗତ  ସଙ୍ଗୀତ ଗାନ କରିଥିଲେ ।ପ୍ରଧାନ ଶିକ୍ଷକ ଶ୍ରୀ ସାହୁ ବିଦ୍ୟାଳୟର ବାର୍ଷିକ ବିବରଣୀ ପଠନ କରିଥିଲେ  । ଶିକ୍ଷକ ରବି ପ୍ରଧାନ ମଞ୍ଚ ପରିଚାଳନା କରିଥିଲେ ଓ ଶିକ୍ଷକ ରମେଶ ସାହୁ ଅତିଥି ପରିଚୟ ପ୍ରଦାନ କରିଥିଲେ ।
 ଏହି ଅବସରରେ ବିଦ୍ୟାଳୟ ରେ ପୂର୍ବରୁ ହୋଇଥିବା ବିଭିନ୍ନ

ପ୍ରତିଯୋଗିତାରେ କୃତୀ ହୋଇଥିବା  ୯୮ ଜଣ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା ।ଚାମ୍ପିଅନ ଭାବରେ ଶ୍ରୀୟା ସିକା ଓ ସଙ୍ଗୀତ ବାରିକ୍, ମାନିନୀ ମାଝୀ, ସୁମତି ବାଗ, କେଶବ ଗଡଟିଆ, ବିକାଶ ମିର୍ଦ୍ଧା , ବିହାନ ସୁନା ଓ ସିବୁ ଶିକାଙ୍କୁ ପୁରସ୍କୃତ କରାଯାଇଥିଲା ।ପ୍ରତିବର୍ଷ ପରି ଚଳିତ ବର୍ଷ ସ୍କୁଲ୍ ପିଲାଙ୍କ ଉତ୍ସବରେ ସହଯୋଗ କରି ଆସୁଥିବା ଗ୍ରାମର ମହିୟସୀ ମହିଳା ଗୌରୀ ମେହେରଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ପୁରସ୍କାର ବିତରଣ ଉତ୍ସବରେ  ଲମ୍ବୋଦର ବେହେରା,  ରଶ୍ମୀରେଖା ପ୍ରଧାନ ସହଯୋଗ କରିଥିଲେ ।ଶିକ୍ଷକ ନିର୍ମଳ ଚନ୍ଦ୍ର ପ୍ରଧାନଙ୍କ ନିର୍ଦ୍ଦେଶନାରେ ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏହି କାର୍ଯ୍ୟକ୍ରମକୁ  ମୀମାଂସା ଯୋଶୀ , କର୍ମଚାରୀ ଖେରେଶ୍ୱରି ଭୁ ଏ,ରିତା ବାରିକ୍, ବିନତି ବୁଡ଼େକ୍  ତଥା ବିଦ୍ୟାଳୟ ପରିଚାଳନା କମିଟି ର ସଭ୍ୟ ସଭ୍ୟା ମାନେ ସକ୍ରିୟ ସହଯୋଗ କରିଥିଲେ ।ଶିକ୍ଷୟିତ୍ରୀ ସୁଶାନ୍ତି ଭୋଇ ଧନ୍ୟବାଦ୍ ଅର୍ପଣ କରିଥିଲେ ।