03-Feb-2025

ଅତାବିରା(ଆକାଶ ମିଶ୍ର).ବରଗଡ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ ଲହଣ୍ଡା  ସରକାରୀ ଉଚ୍ଚ ବିଦ୍ୟାଳୟରେ ବିଶ୍ୱ ଆର୍ଦ୍ରଭୂମି ସଂରକ୍ଷଣ ଦିବସ ଓ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ପ୍ରଥମେ ଏକ ସଚେତନତା ରାଲିରେ ଛାତ୍ରଛାତ୍ରୀମାନେ ଗ୍ରାମ ପରିକ୍ରମା କରିଥିଲେ । ତା’ପରେ ଗ୍ରାମର ଶିବମନ୍ଦିର ନିକଟସ୍ଥ ପୁଷ୍କରିଣୀ ରୁ ଦଳ ସଫା କରାଯାଇଥିଲା । ପ୍ରଥମେ ପୁଷ୍କରିଣୀ ନିକଟରେ ସମସ୍ତଙ୍କୁ ଶିକ୍ଷକ ବିଶ୍ଵଦେବ ପଧାନ ଆର୍ଦ୍ରଭୂମି ସଂରକ୍ଷଣ ଶପଥ ପାଠ କରାଇଥିଲେ । ସେଠାରେ ଆର୍ଦ୍ର ଭୂମି ସଂରକ୍ଷଣ ଓ ଶକ୍ତି ସଂରକ୍ଷଣ ଉପରେ ଛାତ୍ରଛାତ୍ରୀଙ୍କ ମଧ୍ୟରେ ପ୍ରବନ୍ଧ ଓ କୁଇଜ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀମତୀ ସ୍ନିଗ୍ଧା ପଣ୍ଡାଙ୍କ ଅଧ୍ଯକ୍ଷତା ରେ ଆୟୋଜିତ

ସଭାରେ ଇକୋ କ୍ଲବ୍ ଶିକ୍ଷୟିତ୍ରୀ ଅନାମିକା ପାଣିଗ୍ରାହୀ ଛାତ୍ରଛାତ୍ରୀମାନଙ୍କୁ ଆର୍ଦ୍ର ଭୂମି ସଂରକ୍ଷଣ ସଚେତନତା ଉପରେ ଆଲୋକପାତ କରିଥିଲେ। ଶିକ୍ଷକ ସନ୍ତୋଷ ଆଚାରୀ, ମହେଶ ପଧାନ, ଜ୍ୟୋତିର୍ମୟ ସାହୁ, ତନୁଜା ପାଢୀ, ତୁଳସୀ ମଞ୍ଜରୀ ଭୋଇ ଓ ତନ୍ମୟୀ ସା ପ୍ରମୁଖ ଛାତ୍ରଛାତ୍ରୀଙ୍କୁ ବିଶ୍ବ ଜଳବାୟୁ ପରିବର୍ତନ, ପରିବେଶ ସଚେତନତା ତଥା ଆର୍ଦ୍ର ଭୂମି ସଂରକ୍ଷଣ ଉପରେ ବକ୍ତବ୍ୟ ପ୍ରଦାନ କରିଥିଲେ। କୃତୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ ଓ ଶିକ୍ଷକ ଆନ୍ଦନ୍ଦ କୁମାର ତ୍ରିପାଠୀଙ୍କ ଧନ୍ୟବାଦ ସହିତ କାର୍ଯ୍ୟକ୍ରମ ପରି ସମାପ୍ତି ହୋଇଥିଲା ।