13-Jan-2021

ପାଟଣାଗଡ଼ ( ଗୋରେଖନାଥ ବରିହା): ବେଳପଡା ବ୍ଲକ ଧୁମାଭଟା ଗ୍ରା:ପ:ଅନ୍ତର୍ଗତ ହଟକଟ ଗ୍ରାମ ସ୍ଥିତ ପ୍ରାଥମିକ ବିଦ୍ୟାଳୟ ଖେଳ ପଡିଆ  ଠାରେ ଡେରିଂ ୟୁଥ ସ୍ପୋର୍ଟ କ୍ଲବ ଆନୁକୂଲ୍ୟରେ ଦୁଇ ଦିନିଆ ଏକ ବହୁମୁଖୀ ପ୍ରତିଭା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି ।ଏଥିରେ ଚିତ୍ରକଳା, ଖେଳ(ଦୌଡ଼, ଖୋକୋ, ପୁଚି, ଶୀଲୋଲାଇ,ଉଚ୍ଚ ଡିଆଁ, ଲମ୍ବ ଡିଆଁ, ମ୍ୟୁଜିକ ଚେୟାର), କୁଇଜ, ଡିବେଟ, ଗୀତ, ନୃତ୍ୟ ପ୍ରତିଯୋଗିତା ଅନୁଷ୍ଟିତ ହୋଇଥିଲା । ଏହି ପ୍ରତିଯୋଗିତାରେ ଗାଁ ତଥା ପଡୋଶୀ ଗାଁ ମାନଙ୍କରୁ ଛାତ୍ରଛାତ୍ରୀ ମାନେ ଯୋଗଦେଇ ଅଂଶ ଗ୍ରହଣ କରି ଭାଗ ନେଇଥିଲେ । ଏହି ପ୍ରତିଯୋଗିତାରେ ବିଚାରକମଣ୍ଡଳୀ ଭାବେ ପ୍ରାଥମିକ ବିଦ୍ୟାଳୟର ଶିକ୍ଷକ ଚୁଡାମଣି ନାଏକ, ଧରଣୀ ପଧାନ, ମହେନ୍ଦ୍ର ସାହୁ ଦାୟିତ୍ୱ ରେ ଥିଲେ । ଆଜିର ଏହି କାର୍ଯ୍ୟକ୍ରମ ରେ କୁମାରୀ ବ୍ରଜେଶ୍ୱରୀ ନାଗ ଙ୍କ ମଞ୍ଚ ସଂଯୋଜନା ରେ ମୁଖ୍ୟ ଅତିଥି ଭାବରେ ଗାଁ ର ଗନ୍ତିଆ ଶ୍ରୀଯୁକ୍ତ ଦୀନବନ୍ଧୁ ନାଗ ,ସମ୍ମାନିତ ଅତିଥି ଭାବରେ ସମାଜ ସେବୀ ଶ୍ରୀ ବନମାଳୀ ନାଏକ ,ସ୍ୱତନ୍ତ୍ର ଅତିଥି ଭାବରେ ପଞ୍ଚାୟତ ନିର୍ବାହୀ ଅଧିକାରୀ ଶ୍ରୀ ଜୟଦେବ ରଣା, ଅନ୍ତରାମ ଠାକୁର ଉପସ୍ଥିତ ରହି ପ୍ରତିଯୋଗୀ ମାନଙ୍କୁ ପୁରସ୍କୃତ କରିବା ସହ ଅନ୍ତର୍ନିହିତ ପ୍ରତିଭାକୁ ପ୍ରରିପ୍ରକାଶ କରିବା ଏପରି କାର୍ଯ୍ୟ କ୍ରମ ନିମନ୍ତ ଆବଶ୍ୟକ ରହିଛି ବୋଲି ମତବ୍ୟକ୍ତ କରିଥିଲେ । କାର୍ଯ୍ୟକ୍ରମ କୁ କମିଟି ର କିଶୋର, କ୍ଷୀରୋଦ୍ର, ରାଧାମୋହନ, ସୁଶାନ୍ତ, ବାଳକୁ, ବିକାଶ, ନରେଶ, ଭାସ୍କର, ରଞ୍ଜନ, ପ୍ରଶାନ୍ତ, କୁନା, ରୁନା, ସୁରେଶ ପ୍ରମୁଖ ସହଯୋଗ କରିଥିଲେ ଓ ଗାଁ ତଥା ପଡୋଶୀ ଗାଁ ମାନଙ୍କରୁ ଶତାଧିକ ଦର୍ଶକ ଉପସ୍ଥିତ ରହି ଉପଭୋଗ କରିବା ସହ ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ ।