29-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)-୧୩ ଫେବୃଆରୀ ରୁ ବିଧାନସଭା ସମ୍ମୁଖରେ ଅନିର୍ଦ୍ଧିଷ୍ଟ କଲା ପାଇଁ ଗଣ ଧାରଣା ଆହୁତ।
ବରଗଡ଼ ରେ ଓଡିଶା ସରକାରଙ୍କ ୨୦୨୫ ନୂତନ ବର୍ଷରେ ଲକ୍ଷ ଲକ୍ଷ ମିଶନ ଶକ୍ତି ଓ ଜୀବିକା ମିଶନ ଅଧୀନରେ କାର୍ଯ୍ୟରତ ସମସ୍ତ ଇ.ସି ଙ୍କୁ ରିଷ୍ଟ୍ରକଚରୀଙ୍ଗ ଆଳରେ ବାହାର କରିବା ପାଇଁ ଓଡିଶା ଜୀବିକା ମିଶନ ର ନିର୍ଦେଶକ ତଥା ସି ଇ ଓ ୮ ଜାନୁଆରୀ ରେ ନିର୍ଦେଶ ଦେବା ପରେ ୨୨ ଜାନୁଆରୀରେ ମିଶନ ଶକ୍ତି ସଚିବ ତଥା କମିଶନର ରାଜ୍ୟର ସମସ୍ତ ଇ.ସି କୁ ହଟାଇବା ପାଇଁ ଦେଇଥିବା ଗାଇଡଲାଇନ ପରେ ବରଗଡ଼ ଜିଲ୍ଲା ର ହଜାର ହଜାର ଇ.ସି ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରି ଇ.ସି ରିଷ୍ଟ୍ରକଚରୀଙ୍ଗ ପ୍ରତ୍ୟାହାର କରିବା ଶହ ସ୍ଥାୟୀ ନିଯୁକ୍ତି, ଭତ୍ତା ବୃଦ୍ଧି, ସେପ୍ଟେମ୍ବର ମାସରୁ ବକେୟା ଥିବା ଭତ୍ତା ପ୍ରଦାନ, ମିଶନ ଶକ୍ତିକୁ ଧ୍ୱଂସ କରିବା ପାଇଁ କମ୍ୟୁନିଟି ସପୋର୍ଟ ଷ୍ଟାଫକୁ ବର୍ଷାଧିକ କାଳ ଭତ୍ତା ନ ଦେଇ ଯେଉଁ ଅନ୍ୟାୟ କରାଯାଇଛି ତାହା ବନ୍ଦ କରି ତୁରନ୍ତ କମ୍ୟୁନିଟି ଷ୍ଟାଫଙ୍କ ବକେୟା ଭତ୍ତା ପ୍ରଦାନ ନିର୍ବାଚନ ପୂର୍ବରୁ ସରକାର ଦେଇଥିବା ପ୍ରତିଶୃତି ଅନୁସାରେ ମହିଳା ସ୍ୱୟଂ ସହାୟକ ଗୋଷ୍ଟିର ପ୍ରତ୍ୟେକ ସଦସ୍ୟ ଙ୍କୁ ମାସିକ ଏକ ହଜାର ଟଙ୍କାର ସଶକ୍ତି କରଣ ଭତ୍ତା ପ୍ରଦାନ ସମେତ ଭାରତୀୟ ଶ୍ରମ ସମ୍ମିଳନୀର ସୁପାରିସ ଅନୁସାରେ ସମସ୍ତ ଇ.ସି ଓ କମ୍ୟୁନିଟି ସପୋର୍ଟ ଷ୍ଟାଫ ଭଳି ସ୍କିମ ୱାର୍କରଙ୍କୁ ୱାର୍କର ମାନ୍ୟତା ଓ ଇପିଏଫ, ଇଏସଆଇ ସମେତ ବିଭିନ୍ନ ସାମାଜିକ ନିରାପତ୍ତା ପ୍ରଦାନ ପାଇଁ ୧୧ ଦଫା ସମ୍ମିଳିତ ଦାବିପତ୍ର ପ୍ରଦାନ କରାଯାଇଛି। ଅତିରିକ୍ତ ଜିଲ୍ଲାପାଳ ଶ୍ରୀମତୀ ମଧୁଛନ୍ଦା ସାହୁ ଦାବିପତ୍ର ଗ୍ରହଣ କରି ସରକାରଙ୍କ ନିକଟକୁ ପଠାଇବାର ପ୍ରତିଶୃତି ଦେଇଥିଲେ।
ଜିଲ୍ଲା ସଭାପତି, ନିଖିଳ ଓଡିଶା ଜୀବିକା ମିଶନ ପି.ସି ସଂଘର ଜିଲ୍ଲା ସଭାପତି ଶ୍ରୀମତୀ ଝରଣା ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଉକ୍ତ ସଂଘର ରାଜ୍ୟ ସଭାପତି ଶ୍ରୀ ଜୟନ୍ତ ଦାସ, ବିଶିଷ୍ଟ କୃଷକ ନେତା ରମେଶ ମହାପାତ୍ର, ପ୍ରମୁଖ ଉଦବୋଧନ ଦେଇ ସରକାରଙ୍କ ରିଷ୍ଟ୍ରାଚରିଙ୍ଗ ପ୍ରକ୍ରିୟା ପ୍ରତ୍ୟାହାର ନକଲେ ୧୩ ଫେବୃଆରୀରୁ ଆରମ୍ଭ ହେଉଥିବା ବଜେଟ ଅଧିବେଶନ ସମୟରେ ଜିଲ୍ଲାର ପ୍ରତ୍ୟେକ ଇ.ସି ଭଉଣୀ ଅନିର୍ଦ୍ଧିଷ୍ଟ କାଳୀନ ଧାରଣାରେ ଯୋଗ ଦେବା ପାଇଁ ଆହ୍ବାନ ଦେଇଥିଲେ। ପ୍ରଥମେ ମିଶନ ଶକ୍ତି କାର୍ଯ୍ୟାଳୟରୁ ବିରାଟ ଶୋଭାଯାତ୍ରାରେ ଆସି ଜିଲ୍ଲାପାଳ କାର୍ଯ୍ୟାଳୟରେ ନିଖିଳ ଓଡିଶା ଜୀବିକା ମିଶନର ଇ.ସି ସଂଘର ଶ୍ରୀମତୀ ସତ୍ୟଭାମା ରଥ, ତପସ୍ୱିନୀ ଭୋଇ, ପୁଷ୍ପାଞ୍ଜଳୀ ଭୋଇ, କୁନ୍ତୀ ପଧାନ, ଆଦ୍ୟାଶା ସାହୁ, ସୁବାସିନୀ ସାହୁ, ଲକ୍ଷ୍ମୀ ପ୍ରିୟା ବିଶ୍ୱାଳ, ରଞ୍ଜୁ ନାୟକ,ବିନା ବାରିକ, ନିରୁ ସାହୁ, ଜ୍ୟୋତି ପଧାନ, ଚମ୍ପା ବାରିକ, ଟିକେଶ୍ବରୀ ପାତ୍ର, ଦୀପିକା ଭୋଇ ସମେତ ଅମିତାଭ ପାତ୍ର ଏବଂ ସୁରେଶ ନିକେଣ୍ଟି,ବୀରବଳ ମହାକୁଡ଼ ସାହାଯ୍ୟ କରିଥିଲେ।