29-Jan-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ଭଟଲି ବିଜୟା ଛକ ନିକଟରେ ମର୍ମନ୍ତୁଦ ସମର୍ମନ୍ତୁଦ ସଡକ  ଦୁର୍ଘଟଣାରେ ଦୁଇଜଣଙ୍କ ମୃତ୍ୟୁ ଘଟିଛି। ଗତକାଲି ମଧ୍ୟରାତ୍ରିରେ ଚାରି ଜଣ ବ୍ୟକ୍ତି ଅମ୍ବାଭୋନା ପଟୁ ଓଡି ୧୭ ୩୪୭୯ ନମ୍ବର ବିଶିଷ୍ଟ ଏକ ବୋଲେରୋ ଗାଡ଼ିରେ ଆସୁଥିବା ବେଳେ ଭାରସାମ୍ୟ ହରାଇ ଗାଡି ଟି ରାସ୍ତା କଡରେ ଥିବା ଦୋକାନ ଗୃହର ପିଲାର୍ ରେ ଯୋର୍ ରେ ଧକ୍କା ହେବାପରେ ପାଖ ବିଦ୍ୟୁତ୍ ଖୁଣ୍ଟରେ ଧକ୍କା ହୋଇଥିଲା । ଗାଡ଼ି ଏତେ ତୀବ୍ର ଥିଲା ଯେ ଦୋକାନର ସଟର୍ , ପିଲାର୍ ସମେତ ବିଦ୍ୟୁତ୍ ଖୁଣ୍ଟ ଭାଙ୍ଗି ଯାଇଥିଲା । ଘଟଣା ସ୍ଥଳରେ ଜଣଙ୍କ ମୃତ୍ୟୁ ଘଟିଥିଲା। ଖବର ପାଇ କିଛି ଲୋକ ପୋଲିସକୁ ଖବର ଦେବାପରେ ସେମାନଙ୍କୁ ଉଦ୍ଧାର କରି ଏମ୍ବୁଲାନ୍ସ ଜରିଆରେ ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ସେଠାରେ ଆଉ ଜଣକର ମୃତ୍ୟୁ ଘଟିଥିଲା ଏବଂ ଆଉ ଦୁଇଜଣ ଗୁରୁତର ଆହତ ହୋଇ ବରଗଡ଼ ଏକ ଘରୋଇ ଚିକିତ୍ସାଳୟରେ  ଚିକିତ୍ସିତ ହେଉଥିବା ଜଣାପଡିଛି। ଗାଡ଼ି ଚାଲକ ଏବଂ ଆଗରେ ବସିଥିବା ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ପଛ ପଟେ ବସିଥିବା ଦୁଇଜଣ ଆହତ ହୋଇଛନ୍ତି। ରାତିରେ ଘଟଣା ସ୍ଥଳରେ ଭଟଲି ପୋଲିସ ଅଧିକାରୀ ବିଭୁତି ଭୁଷଣ ଦଳେଇ ପହଞ୍ଚି ତଦନ୍ତ ଆରମ୍ଭ କରିଥିଲେ। ମୃତ ବ୍ୟକ୍ତିମାନେ ହେଲେ ଅମ୍ବାଭୋନା ଥାନା ଅନ୍ତର୍ଗତ ହାତୀଖୋଜା ଗ୍ରାମର ବୁଲୁ ଓରଫ କେଶବ ପଧାନ(୨୧),  ସୋହେଲା ଥାନା ନଅଁଗା ଗ୍ରାମର ସୁଦାମ ବରିହା(୨୩) । ଲଖନପୁର ତିଲେଇମାଲର ସୁଧିର ଖମାରୀ ଓ ଭଟଲି ଥାନା ଅନ୍ତର୍ଗତ କହେନମୁଣ୍ଡା ଗ୍ରାମର ଫକୀର ଭୁଏ ଗୁରୁତର ଆହତ ହୋଇଛନ୍ତି। ଏବାବଦରେ ଭଟଲି ଥାନା କେଶ୍ ନମ୍ବର ୧୯ରେ ଭାରତୀୟ ନ୍ୟାୟ ସଂହିତା ୨୮୧, ୧୨୫(କ), ୧୦୬(୧) ଦଫାରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି। ଭଟଲି ଅଞ୍ଚଳରେ ବିଳମ୍ୱିତ ରାତି ପର୍ଯ୍ୟନ୍ତ ଅବୈଧ ନିଶାଦ୍ରବ୍ୟ କାରବାର ଅବାଧରେ ଚାଲୁ ରହିଥିବା ବେଳେ ଅବକାରୀ ବିଭାଗର ଦୃଷ୍ଟି ପଡୁନଥିବାରୁ ବାରମ୍ବାର ଏହିପରି ଧନଜୀବନ ହାନି ଘଟୁଥିବାର ନଜରକୁ ଆସୁଛି। ଏଥିପ୍ରତି ପ୍ରଶାସନ ଦୃଷ୍ଟି ଦେବେ ବୋଲି ଆଶା।