28-Jan-2025

ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପାଶୀମାଲ ଠାରେ ଆଞ୍ଚଳିକ ସାଧନ କେନ୍ଦ୍ରସ୍ତରୀୟ ନିପୁନ ଓଡିଶା ମେଳା ଆୟୋଜିତ ହୋଇ ଯାଇଛି ।ଏହି ମେଳାରେ ସମ୍ମାନୀୟ ଅତିଥି ଭାବେ ଫାଶୀମାଳ ଗ୍ରାମ ପଞ୍ଚାୟତର ସରପଞ୍ଚ ମହୋଦୟା ସୁଶ୍ରୀ ମାଧବୀ ଲତା ବରିହା, ଏହି ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଶ୍ରୀ କ୍ଷୀରୋଦ ଚନ୍ଦ୍ର ପଟେଲ, ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀମତୀ ପୁଷ୍ପାଞ୍ଜଳି ପଧାନ , କ୍ଲଷ୍ଟରର ବରିଷ୍ଠ ପ୍ରଧାନ ଶିକ୍ଷକ ଶ୍ରୀ ଯୁକ୍ତ ସାନନ୍ଦ ମହାପାତ୍ର ଏବଂ ଗ୍ରାମର ୱାର୍ଡମେମ୍ବର ଶ୍ରୀମତୀ ରେବତୀ ପଟ୍ଟା ପ୍ରମୁଖ ଉପସ୍ଥିତ ଥିଲେ । ଏହି ମେଳାରେ କ୍ଲଷ୍ଟରର ପ୍ରତ୍ୟେକ ବିଦ୍ୟାଳୟରୁ ୧୦ ଜଣ ଶିକ୍ଷାର୍ଥୀ, ୧୦ ଜଣ ଅଭିଭାବକ ଏବଂ ଜଣେ ଲେଖାଏଁ ଏଫ୍ ଏଲ୍ ଏନ୍ ଶିକ୍ଷକ ଯୋଗ ଦେଇଥିଲେ । ସଭା ଆରମ୍ଭରେ ଆଞ୍ଚଳିକ  ସାଧନ ସଂଯୋଜକ ଶ୍ରୀଯୁକ୍ତ ଗୋପାଳ ଜୀ ନାଏକ ସ୍ଵାଗତ ଜଣାଇ ନିପୁନ ଓଡିଶା ମେଳାର ଉଦ୍ଦେଶ୍ୟ, କାର୍ଯ୍ୟପନ୍ଥା, ଜାତୀୟ ଶିକ୍ଷାନୀତି ୨୦୨୦,ମୌଳିକ ସ୍ଵାକ୍ଷରତା ଏବଂ ସଂଖ୍ୟାଜ୍ଞାନ,ପିତାମାତାଙ୍କ ଭୂମିକା ଅଭିଭାବକ ମାନଙ୍କୁ ସର୍ବଶେଷ ଅବଗତ କରାଇଥିଲେ । ଏହାପରେ ବିଦ୍ୟାର୍ଥୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗୀତା ଯଥା- ଗଳ୍ପକଥନ,ପଦ୍ୟାବୃତ୍ତି, ଗଣିତ କୁଇଜ୍‌, ସୃଜନାତ୍ମକ କାର୍ଯ୍ୟ ଇତ୍ୟାଦି କରି ଶିକ୍ଷାର୍ଥୀ ମାନଙ୍କୁ ପୁରସ୍କୃତ କରାଯାଇଥିଲା । ଏହାପରେ ସମସ୍ତ ଅଭିଭାବକ ଓ ଶିକ୍ଷାର୍ଥୀ ମାନେ ପର୍ଯ୍ୟାୟକ୍ରମେ ସ୍ଵାକ୍ଷରତା  ଷ୍ଟଲ୍, ସଂଖ୍ୟାଜ୍ଞାନ ଷ୍ଟଲ୍ ଏବଂ ସୃଜନାତ୍ମକ ଷ୍ଟଲ୍ କୁ ବୁଲି ନିଜର ସୁ ମତାମତ ଦେଇଥିଲେ ।ଏହି କାର୍ଯ୍ୟକ୍ରମରେ ସକ୍ରିୟ ଭାବରେ ଏହି ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ତଥା କ୍ଲଷ୍ଟରର ଶ୍ରୀ ଯୁକ୍ତ ମନବୋଧ ପଟେଲ , ଶ୍ରୀଯୁକ୍ତ ନେତ୍ରାନନ୍ଦ ପୃଷେଠ, ଶ୍ରୀଯୁକ୍ତ କୃଷ୍ଣଚନ୍ଦ୍ର କୁମୁରା, ପୁଷ୍ପା ପ୍ରଧାନ, ଟିକେଶ୍ଵରୀ ଭୋଇ,ଖତୀ କିସାନ,ରିବିକା ମହାନନ୍ଦ, ନିୟନା ଭୋଇ,ରିମା ନାଏକ ଅଂଶ ଗ୍ରହଣ କରିଥିଲେ । ଏହି ବିଦ୍ୟାଳୟର ସହ ଶିକ୍ଷକ ଶ୍ରୀ ଲୋକନାଥ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।କାର୍ଯ୍ୟ ସମାପ୍ତିରେ ଶିକ୍ଷାର୍ଥୀ  ମାନଙ୍କ ଦ୍ୱାରା ଏକ ଭବ୍ୟପୂର୍ଣ୍ଣ  ସାଂସ୍କୃତିକ କାର୍ଯ୍ୟ କରି ମେଳାକୁ ଉଦ୍‌ଯାପନ କରାଯାଇଥିଲା ।
ଜମନକିରା ରୁ ନଗମା ବେଗମଙ୍କ ରିପୋର୍ଟ