28-Jan-2025

ବରଗଡ଼(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲାର ବିଭିନ୍ନ ମଣ୍ତିରେ ଓ ମାର୍କେଟ ୟାର୍ଡରେ ପର୍ଯ୍ଯାପ୍ତ ପରିମାଣରେ ଧାନ ପଡିରହିଛି । ବିଜୁ ଜନତା ଦଳ ସରକାର ସମୟରେ ଯେପରି ମିଲର୍ସ ମାନେ ମନ ମର୍ଜି ଧାନ ଉଠାଉଥିଲେ, ଚଳିତ ବର୍ଷ ମଧ୍ଯ ମିଲର୍ସ ଙ୍କ ଉପରେ ଧାନ କିଣା ବ୍ଯବସ୍ଥା ନିର୍ଭର କରୁଛି । ପ୍ରତି ଧାନ କ୍ବିଣ୍ଟାଲ ରେ ୨ କେଜି ରୁ ୫ କେଜି ଧାନ କଟନି ଛଟନି ବାଧ୍ଯତା ମୂଳକ କରାଯାଇଛି । ଅନେକ ଚାଷୀ ଙ୍କ ଟୋକନ ଲେପ୍ସ ହେବାରେ ଲାଗିଛି । ଧାନ ଉଠାଇବା ପାଇଁ ବିଭିନ୍ନ ମଣ୍ତିରେ ମିଲର୍ସ ଙ୍କ ଟେକ୍ ଥିବା ସତ୍ବେ ମିଲର୍ସ ମଣ୍ତି ମାନଙ୍କୁ ଗାଡି ପଠାଉ ନାହାଁନ୍ତି । ପ୍ରତି କ୍ବିଣ୍ଟାଲ ରେ ଓଡିଶା ସରକାର ୮ ଶହ ଟଙ୍କା ଚାଷୀଙ୍କୁ ଇନପୁଟ ସବ ସିଡି ଦେଉଥିବା କାରଣରୁ ଚାଷୀ ମାନେ ଏ ବର୍ଷ ବେଶୀ ପ୍ରତିକ୍ରିୟାଶୀଳ କିମ୍ବା ଆନ୍ଦୋଳନ ଆଡକୁ ମୁହାଉ ନାହାନ୍ତି । ବିଭିନ୍ନ ମାର୍କେଟୟାର୍ଡ ଓ ମଣ୍ତିରେ ଧାନ ଜଗିବା ପାଇଁ ଚାଷୀଙ୍କୁ କ୍ବିଣ୍ଟାଲ ପିଛା ୨ ଟଙ୍କା ଲେଖାଁଏ ଦେବାକୁ ପଡୁଛି । ଏଭଳି ଏକ ଅଭିଯୋଗ ଝାରବନ୍ଧ ବ୍ଲକ ଲଉଡିଧରା ସେବା ସମବାୟ ସୋସାଇଟି ଲଉଡିଧରା ମଣ୍ତିରେ ଚାଷୀ ମାନେ ଅଭିଯୋଗ କରିଥିଲେ । ଧାନ ଜଗିବା ପାଇଁ ୨ ଲକ୍ଷ ଟଙ୍କା ଚାଷୀଙ୍କ ଠାରୁ ଲଉଡିଧରା ମଣ୍ତିରୁ ଅସୁଲ ହୋଇଥିବାର ଅଭିଯୋଗ ପରେ ପଦ୍ମପୁର ଆର.ଏମ.ସି ସେକେଟ୍ରରୀ ଏହାର ତଦନ୍ତ କରି ତୁରନ୍ତ ଚାଷୀଙ୍କ ଟଙ୍କା ଫେରସ୍ତ କରିବା ପାଇଁ ପେକ୍ସ ଅଧିକାରୀ ଙ୍କୁ ନିଦ୍ଦେର୍ଶ ଦେଇଥିବା ଜଣାପଡିଛି  । ଗତ ଡିସେମ୍ବର ୮ ତାରିଖ ଦିନ ସୋହେଲା ସ୍ଥିତ ଇଛାପାଲି ଚାଷୀ ସମାବେଶ ରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଯୋଗଦେଇ ଚାଷୀଙ୍କୁ ରାଜ୍ଯ ସରକାର ଘୋଷଣା କରିଥିବା କ୍ବିଣ୍ଟାଲ ପ୍ରତି ୮ ଶହ ଟଙ୍କା ଇନପୁଟ ସବସିଡ ଡିଜିଟାଲ ମାଧ୍ୟମରେ ଚାଷୀଙ୍କ ଏକାଉଣ୍ଟରେ ପ୍ରଦାନ କରିଥିଲେ । ମୁଖ୍ୟମନ୍ତ୍ରୀଙ୍କ ଏହି କାର୍ଯ୍ୟକ୍ରମ ସରକାରୀ କାର୍ଯ୍ୟକ୍ରମ ଥିବା ସତ୍ତ୍ବେ ଓ ଏଥିପାଇଁ ରାଜ୍ୟ ସରକାର ସମସ୍ତ ଖର୍ଚ୍ଚ ବହନ କରିଥିବା ବେଳେ ଏହି କାର୍ଯ୍ୟକ୍ରମରେ ମିଲର୍ସ ମାନଙ୍କ ଠାରୁ ପ୍ରତି ମିଲର୍ସ ପିଛା ୫ ଲକ୍ଷ ଟଙ୍କା ପ୍ରାୟ ୧ କୋଟି ଟଙ୍କା ଚାନ୍ଦ ସଂଗ୍ରହର ଅଭିଯୋଗ ହୋଇଥିଲା । ଏହା ବିଭିନ୍ନ ସମ୍ବାଦପତ୍ର ମାନଙ୍କରେ ପ୍ରକାଶିତ ହୋଇଥିଲା । ଏ ବିଷୟରେ ରାଜ୍ଯ ସରକାର ଅବଗତ ହେବାପରେ ଖାଦ୍ଯ ଯୋଗାଣ ମନ୍ତ୍ରୀ ଶ୍ରୀ କୃଷ୍ଣଚନ୍ଦ୍ର ପାତ୍ର ଏହାର ତଦନ୍ତ ପାଇଁ ନିର୍ଦ୍ଦେଶ ଦେଇଥିବା ଏକ ସମର୍ଥିତ ସୂତ୍ରରୁ ଖବରରୁ 
ଜଣାଇଛି ।