27-Jan-2025

ବଲାଙ୍ଗିର(ପ୍ରେରଣା ଖବର) ଗାନ୍ଧି ପାଠାଗାରରେ  ୭୬ତମ ସାଧାରଣ ତନ୍ତ୍ର ଦିବସ ପାଳନ ଅବସରରେ ପ୍ରାତଃ ୬ଘଣ୍ଟା ରାମଧୂନ ସହ ସକାଳ ଘ :୭.୪୫ ମି. ରେ ବରିଷ୍ଠ ସଭ୍ୟ ବିକ୍ରମାନନ୍ଦ ବହିଦାରଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ କରାଯାଇଥିଲା lବିଦ୍ୟାଳୟସ୍ତରୀୟ ବକ୍ତୃତା, ସଂଗୀତ, ସୌଖିନ ପୋଷାକ ଓ ରେକର୍ଡ ଡାନ୍ସ ପ୍ରତିଯୋଗିତା ମାନ ଦିବା ୧୧ ଘଣ୍ଟା ସମୟରୁ ଆରମ୍ଭ ହୋଇଥିଲା l ସଂନ୍ଧ୍ୟାରେ ପୁରସ୍କାର ବିତରଣୀ ସଭାପାଠାଗାର ସଭାପତି ପ୍ରକାଶ ନେପାକଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇ ଥିଲା l ବରିଷ୍ଠ ସଭ୍ୟ ଭଗବାନ ବଗର୍ତି ସ୍ୱାଗତ ଭାଷଣ ଦେଇଥିଲେ l ଏହି ସଭାକୁ ପାଠାଗାର ସମ୍ପାଦକ ପ୍ରଦୀପ ସାହୁ ସଂଯୋଜନା କରିବା ସହ ବାର୍ଷିକ ବିବରଣୀ ପ୍ରଦାନ କରିଥିଲେ l 

ସଭାରେ ମୁଖ୍ୟ ଅତିଥି ରୂପେ ରାଜ୍ୟସଭା ସଦସ୍ୟ ନିରଞ୍ଜନ ବିଶି ଯୋଗଦାନ କରି  କୃତୀ ଛାତ୍ରଛାତ୍ରୀ ମାନେ ଦେଶର ସମୃଦ୍ଧି ପାଇଁ ଭବିଷ୍ୟତରେ ମୁଖ୍ୟ ଭୂମିକା ଗ୍ରହଣ କରିବା ପାଇଁ ପ୍ରସ୍ତୁତ ରହିବାକୁ କହିଥିଲେ l ମୁଖ୍ୟବକ୍ତା ବଲାଙ୍ଗିର  ବଲାଙ୍ଗିର  ପୌରଧ୍ୟକ୍ଷl ଲିକା ସାହୁ ଆଜିର ଶିଶୁ କାଲିର ଦେଶର ଭବିଷ୍ୟତ ଏବଂ ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରି ନିଜ ନିଜର ଅନ୍ତର୍ନିହିତ କଳାକୁ ପ୍ରଦର୍ଶନ କରିବା ଉଚିତ ବୋଲି କହିଥିଲେ l ସମ୍ମାନିତ ଅତିଥି ନାଟ୍ୟଭୂଷଣ ଜଗଦାନନ୍ଦ ଛୁରିଆ ଗାନ୍ଧି ପାଠାଗାର ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମାନ ଆୟୋଜନ କରି ଏକ ସୁସ୍ଥ ସମାଜ ଗଠନ ରେ ସହାୟକ ହୋଇଥାଏ ବୋଲି ପ୍ରକାଶ କରିଥିଲେ l ସଭାପତି ପ୍ରକାଶ ନେପାକ ଏକ ନୂତନ ପୂଜା ମଣ୍ଡପ ତଥା ପାଠାଗାର ଗୃହ ନିର୍ମାଣର ଆବଶ୍ୟକତା ଥିବାରୁ ପୌରାଧ୍ୟାକ୍ଷା ଲିକା ସାହୁଙ୍କ ପ୍ରଚେଷ୍ଟାକୁ ପାଠାଗାର ତରଫରୁ ଧନ୍ୟବାଦ ଅର୍ପଣ କରିବା ସହ ରାଜ୍ୟସଭା ସଦସ୍ୟ ନିରଞ୍ଜନ ବିଶିଙ୍କୁ ଅନୁଦାନ ନିମନ୍ତେ ଅନୁରୋଧ କରିଥିଲେ l ପାଠାଗାର ସମ୍ପାଦକ ପ୍ରଦୀପ ସାହୁ ଶ୍ରୀ ନିରଞ୍ଜନ ବିଶିଙ୍କ ଅନୁଦାନ ଘୋଷଣା ତଥା ସହଯୋଗ ପାଇଁ କୃତଜ୍ଞତା ଜ୍ଞାପନ କରିଥିଲେ l ବିଭିନ୍ନ ପ୍ରତିଯୋଗିତା ମାନଙ୍କରେ ବିଚାରକ ହିମାନି ତ୍ରିପାଠୀ, ଦେବାଶିଷ ବିଶ୍ୱାଳ,ମଧୁସୂଦନ ନାଏକ, ଅଶୋକ ଚାନ୍ଦ, ଅଶୋକ ରାଉତ, ଜ୍ୟୋତିରେଖା ତ୍ରିପାଠୀ,  ଦିଲୀପ ସିଂଦେଓ, ରାମ ଚନ୍ଦ୍ର ଷଡ଼ଙ୍ଗୀ, ପ୍ରଦୀପ ବରାଳ,  ସଂଗୀତା ଦାସ,

ମୀନକେତନ ଥାପା, ଆଶା ରଥ ପ୍ରମୁଖ ଯୋଗଦାନ କରିଥିଲେ l ଆଜିର ଏହି ସଭାରେ ଉପସ୍ଥିତ ସମସ୍ତ ବିଚାରକ ମଣ୍ଡଳୀ, ସଭ୍ୟ ତଥା ସମସ୍ତ ଅତିଥି, ଅଭିଭାବକ ଓ ପ୍ରତିଯୋଗୀ ମାନଙ୍କୁ ପାଠାଗାର ଉପସଭାପତି  ସନ୍ତକ ବହିଦାର ଧନ୍ୟବାଦ ଅର୍ପଣ କରିଥିଲେ l ପାଠାଗାର ସହ ସମ୍ପାଦକ ଜିତେନ୍ଦ୍ର ନାଗ, ବରିଷ୍ଠ ସଭ୍ୟ ରାଜେନ୍ଦ୍ର ମିଶ୍ର, ସଂଗ୍ରାମ ବହିଦାର, ଅବଦୁଲ ରଜାକ, ଅଶୋକ ରାଉତ, ଅଜିତ ପଣ୍ଡା,ପ୍ରମୁଖ କାର୍ଯ୍ୟକ୍ରମରେ ସହାୟତା କରିଥିଲେ l