27-Jan-2025

ବରୀ(ରଞ୍ଜିତ ମହାନ୍ତି): ଯାଜପୁର ଜିଲ୍ଲାର ବରୀ ବ୍ଲକ ଅନ୍ତର୍ଗତ ଅମଠପୁର ଠାରେ ସାମାଜିକ ଜନ କଲ୍ୟାଣ ସେବା ସଙ୍ଘ ଆନୁକୁଲ୍ୟରେ ୭୬ ତମ ସାଧାରଣତନ୍ତ୍ର ଦିବସ ଅବସରରେ ସମ୍ବିଧାନ ସୁରକ୍ଷା ସମାବେଶ ଅନୁଷ୍ଠିତ ହୋଇଯାଇଛି। ଆମ୍ବେଦକର ବିକାଶ ପରିଷଦ, ବରୀର ସଭାପତି ଦୁର୍ଯ୍ୟୋଧନ ଦଳେଇଙ୍କ ସଭାପତିତ୍ବରେ ଅନୁଷ୍ଠିତ କାର୍ଯକ୍ରମରେ ମୂଖ୍ୟ ଅତିଥି ଭାବେ ଯାଜପୁରର ପୂର୍ବତନ ସାଂସଦ ଅଞ୍ଚଳ ଦାସ ଯୋଗଦେଇଥିବା ବେଳେ ମୂଖ୍ୟ ବକ୍ତା ଭାବେ ଅମିୟ ପାଣ୍ଡବ ଯୋଗଦେଇଥିଲେ। ସେହିପରି ସମ୍ମାନିତ ଅତିଥି ଭାବେ ଅକ୍ଷୟ କୁମାର ମଲ୍ଲିକ, ସଂଘମିତ୍ରା ଜେନା, ଦେବେନ୍ଦ୍ର ସାହୁ, ବସନ୍ତ କୁମାର ମଲ୍ଲିକ, ଅଟଳ ବିହାରୀ ଜେନା, ଉମାକାନ୍ତ ମଲିକ, ମନୋରଞ୍ଜନ ଜେନା, ଧର୍ମେନ୍ଦ୍ର ସିଂହ ପ୍ରମୁଖ ଯୋଗଦେଇ ସମ୍ବିଧାନ ପ୍ରଣେତା ବାବା ସାହେବ ଭୀମ ରାଓ ଆମ୍ବେଦକରଙ୍କ ଜିବନାଦର୍ଶ ଉପରେ ଆଲୋକପାତ କରିବା ସହିତ ସମ୍ବିଧାନର ସୁରକ୍ଷା ପାଇଁ ସମସ୍ତ ଦେଶବାସୀ ଆଗେଇ ଆସିବାକୁ ଆହ୍ଵାନ ଦେଇଥିଲେ। ଏହି କାର୍ଯ୍ୟକ୍ରମରେ ଭିକାରି ଦଳେଇ ଅତିଥି ପରିଚୟ ଦେଇଥିବା ବେଳେ ରାଜେନ୍ଦ୍ର ଦଳେଇ ସଭା ପରିଚାଳନା କରିଥିଲେ। କାର୍ଯକ୍ରମ  ପରିଚାଳନାରେ ଅରକ୍ଷିତ ମଲିକ, ନିର୍ମଳ ଚନ୍ଦ୍ର ଯେନା ଓ ଉମାକାନ୍ତ ମଲିକ ପ୍ରମୁଖ ସକ୍ରିୟ ସହଯୋଗ କରିଥିଲେ।