27-Jan-2025

ବ୍ରହ୍ମପୁର ରେ ଉପଖଣ୍ଡସ୍ତରୀୟ ସାଧାରଣତନ୍ତ୍ର ଦିବସ ପାଳନ 
ବ୍ରହ୍ମପୁର ଖଲ୍ଲିକୋଟ ଏକକ ବିଶ୍ବବିଦ୍ୟାଳୟ ଖେଳ ପଡିଆ ଠାରେ ୭୬ ତମ ଉପଖଣ୍ଡ ସ୍ତରୀୟ ସାଧାରଣତନ୍ତ୍ର ଦିବସ ପାଳନ ହୋଇଛି। ଉକ୍ତ କାର୍ଯ୍ୟକ୍ରମ ରେ ଗଞ୍ଜାମ ଅତିରିକ୍ତ ଜିଲ୍ଲାପାଳ ଡଃ ପ୍ରମୋଦ କୁମାର ପୃଷ୍ଟି ପତାକା ଉତ୍ତୋଳନ କରି ଗଞ୍ଜାମ ଜିଲ୍ଲାର ଶିକ୍ଷା, କଳାସଂସ୍କୃତି ଓ ଐତିହ୍ୟତା କୁ ବଞ୍ଚାଇ ରଖିବାକୁ ଆହ୍ୱାନ ଦେଇଥିଲେ। ଇତ୍ୟବସରରେ ବ୍ରହ୍ମପୁର ଆରକ୍ଷୀ ଅଧ୍ୟକ୍ଷ ଡ଼ଃ ସର୍ବଣ ବିବେକ ଏମ୍, ବ୍ରହ୍ମପୁର ଉପଜିଲ୍ଲାପାଳ ହୀନା ଦସ୍ତାଗିରି ଓ ପୁର୍ବତନ ବିଧାୟକ ଡଃ ରମେଶ ଚନ୍ଦ୍ର ଚ୍ୟାଉପଟନାୟକ ପ୍ରମୁଖ ଉପସ୍ଥିତ ଥିଲେ। ଆଜିର ଏହି ପେରେଡ କାର୍ଯ୍ୟକ୍ରମ ସହର ର ବହୁ ଅନୁଷ୍ଠାନ ଯଥା ଖଲ୍ଲିକୋଟ ଏକକ ବିଶ୍ବବିଦ୍ୟାଳୟ, ସରକାରୀ ମହିଳା ମହାବିଦ୍ୟାଳୟ, ସରକାରୀ କୁଇନ୍ ମିଶନ ଉଚ୍ଚବିଦ୍ୟାଳୟ,ଭି ଭି ଗିରି ବାଳିକା ଉଚ୍ଚ ବିଦ୍ୟାଳୟ ,ଦିଲ୍ଲୀ ପବ୍ଲିକ ସ୍କୁଲ,ଡି ପଲ୍ ସ୍କୁଲ,କେ ସି ପବ୍ଲିକ ସ୍କୁଲ ଭଳି ବହୁ ଶିକ୍ଷାନୁଷ୍ଠାନ ର ପ୍ରତିଯୋଗୀ ଅଂଶ ଗ୍ରହଣ କରି ପୁରସ୍କୃତ ହୋଇଛନ୍ତି। ଏହି କାର୍ଯ୍ୟକ୍ରମ କୁ ସୁଚନା ଓ ଲୋକସମ୍ପର୍କ ବିଭାଗ,ପୋଲିସ ଆର୍ ଆଇ ଏମ୍ ଲକ୍ଷ୍ମୀ ଙ୍କ ସମେତ ବହୁ କର୍ମଚାରୀ ସହଯୋଗ କରିଥିଲେ।