27-Jan-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ଓଡିଶା ବୁଣାକାର ମହାସଂଘର ବାର୍ଷିକ ସମ୍ମିଳନୀ ଓ ବୁଣାକାର ପ୍ରତିଭା ସମ୍ମାନ ଉତ୍ସବ ଭୁବନେଶ୍ଵର ସ୍ଥିତ ଇଞ୍ଜିନିୟର ଭବନ ଠାରେ ମହାସଂଘର ସଭାପତି ଶ୍ରୀଧର ବେହେରା ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀ କୁ ମୁଖ୍ୟ ଅତିଥି ଭାବରେ ଓଡ଼ିଶା ବିଧାନସଭାର ବାଚସ୍ପତି ସୁରମା ପାଢୀ ପ୍ରଦୀପ ପ୍ରଜ୍ଵଳନ କରି କାର୍ଯ୍ୟକ୍ରମ କୁ ଉଦ୍ଘାଟନ କରିଥିଲେ। ସମ୍ମାନିତ ଅତିଥି ଭାବରେ ଯାଜପୁର ଲୋକ ସଭା ସାଂସଦ ରବିନ୍ଦ୍ର ନାରାୟଣ ବେହେରା, ହସ୍ତତନ୍ତ ବୟନ ଓ ହସ୍ତଶିଳ୍ପ ବିଭାଗ ଶାସନ ସଚିବ ଗୁହା ପୁନମ ତାପସ କୁମାର, ବିଶିଷ୍ଠ ସମବାୟ ବିଦ ଯଜ୍ଞେଶ୍ୱର, ରାଜ୍ୟ ବିଜେପି ସମବାୟ ସେଲ ସଂଯୋଜକ ରଞ୍ଜନ ମଙ୍ଗରାଜ ସମବାୟ ବ୍ୟାଙ୍କ ପୂର୍ବତନ ସଭାପତି ଅକ୍ଷୟ ମହାନ୍ତି ପ୍ରମୁଖ ଯୋଗଦାନ କରିଥିଲେ। ଏହି ଅବସରରେ ରାଜ୍ୟର ପ୍ରତିଭା ସମ୍ମାନ ମହିଳା ଏବଂ ପୁରୁଷ ବୁଣାକାର ମାନଙ୍କୁ ତାଙ୍କର କଳାକୃତି ପାଇଁ ଅତିଥି ମାନେ ସମ୍ବର୍ଦ୍ଧିତ କରିଥିଲେ ଏ ଅବସରରେ ସୁବର୍ଣ୍ଣପୁର ଜିଲ୍ଲାର ସରୋଜିନୀ ମେହେର ଙ୍କୁ ସମ୍ବର୍ଦ୍ଧିତ କରାଯାଇଥିବାରୁ ଜିଲ୍ଲା ର ବୁଣାକାର ମାନଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଛି। ଏହି କାର୍ଯ୍ୟକ୍ରମ ରେ ମହାସଂଘର କର୍ମକର୍ତ୍ତା ସଞ୍ଜୟ କୁମାର ମେହେର, ନିତ୍ୟାନନ୍ଦ ମେହେର, ହରିହର ମେହେର,ଗୋବିନ୍ଦ ଚନ୍ଦ୍ର ଦାସ,କୁଞ୍ଜ ମେହେର, କିଶୋର ଚନ୍ଦ୍ର ଦାସ , ପ୍ରକାଶ କୁମାର ଦାସ ପଦନ ବର୍ଦ୍ଧନ, ବେଣୁଧର ଦାସ, ପ୍ରତାପ ଦାସ ନରେନ୍ଦ୍ର ବେହେରା, ହୃଦାନନ୍ଦ ରାଉତ, ବିଶ୍ଵନାଥ ଦାସ, ଶ୍ୟାମ ମେହେର ଓ ସହଦେବ ମେହେର ପ୍ରମୁଖ ଉପସ୍ଥିତ ଥିଲେ।