25-Jan-2025

ଭୁବନେଶ୍ବର(ପ୍ରେରଣା ଖବର): ମାଉଣ୍ଟ ଲିଟେରା ଜୀ ସ୍କୁଲ ଓ ଜିକେଏଫ ନର୍ସିଂ ସ୍କୁଲର ବାର୍ଷିକ ଉତ୍ସବ ୨୦୨୫ ସ୍ପାର୍କଲ ୩ର ମହାଡମ୍ବର ରେ ପାଳିତ ହୋଇଛି । ଏହି କାର୍ଯ୍ୟକ୍ରମରେ ସମ୍ପୂର୍ଣ୍ଣ ଭାବେ ସ୍କୁଲର ଶିକ୍ଷାର୍ଥୀ, ଅଭିଭାବକ ଓ ଶିକ୍ଷକଗଣଙ୍କ ସକ୍ରିୟ ଭାଗୀଦାରି ଦେଖା ଦେଇଥିଲା l 

ଉଦ୍ଘାଟନୀ କାର୍ଯ୍ୟକ୍ରମରେ ଅନେକ ବିଶିଷ୍ଟ ଅତିଥି ବୃନ୍ଦ ଯୋଗଦାନ ଦେଇଥିଲେ l କର୍ନେଲ ଏସ.କେ  ଦାସ, ଡଃ ଆର୍ତତ୍ରାଣ ମିଶ୍ର, ଡାକ୍ତର ସୋମ୍ୟରଞ୍ଜନ ମିଶ୍ର ଏଵଂ ହସ୍ୟ କଳାକାର ମିଷ୍ଟର ଗୁଲୁଆ, ମିଷ୍ଟର ରବି କୁମାର ପ୍ରମୁଖ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମ ଆରମ୍ଭ କରିଥିଲେ । ତାଙ୍କ ଉପସ୍ଥିତି ସମୂହରେ ଅପାର ଉତ୍ସାହ ଜନ୍ମାଇଥିଲା। ଚେୟାରମ୍ୟାନ ଇଞ୍ଜିନିଅର ପ୍ରଫୁଲ୍ଲ କୁମାର ସ୍ୱାଇଁ, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଇଞ୍ଜିନିଅର ଅକ୍ଷୟ କୁମାର ସ୍ୱାଇଁ ଓ ସହକାରୀ ଅଧ୍ୟକ୍ଷ ଜ୍ୟୋତି ରଞ୍ଜନ ପଣ୍ଡା ତାଙ୍କର ବହୁ ମୂଲ୍ୟ ବକ୍ତବ୍ୟ ରଖିଥିଲେ l 

କାର୍ଯ୍ୟକ୍ରମର ମୁଖ୍ୟ ଆକର୍ଷଣ ହେଉଛି ଶିକ୍ଷାର୍ଥୀଙ୍କ ଦ୍ୱାରା ଉପସ୍ଥାପିତ ନୃତ୍ୟ, ସଙ୍ଗୀତ, ଏବଂ ନାଟକ, ଯାହା ଦର୍ଶକଙ୍କ ମନକୁ ବେଶ ଛୁଇଁଥିଲା। ଏହା ବ୍ୟତୀତ ସ୍କୁଲର ଶିକ୍ଷାର୍ଥୀଙ୍କ ସଫଳତା ବିଷୟରେ ଆଲୋଚନା ହୋଇଥିଲା ଏବଂ ସ୍ମାରକ ସ୍ୱରୂପ ଉପହାର ପ୍ରଦାନ କରାଯାଇଥିଲା।

ସ୍କୁଲର ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରଫୁଲ୍ଲ ମହାପାତ୍ର କହିଲେ, “ଏହା  ଏକ ସାଧାରଣ କାର୍ଯ୍ୟକ୍ରମ ନୁହେଁ, ଏହା ଏକ ପ୍ଲାଟଫର୍ମ ଯାହା ଆମ ଶିକ୍ଷାର୍ଥୀଙ୍କ ସ୍ୱପ୍ନକୁ ସାକାର କରିବ l ଦର୍ଶକମାନଙ୍କ ମନୋରଞ୍ଜନ ସହିତ ଏହା ଏକ ମଧ୍ୟମ ଯାହା ମାଧ୍ୟମରେ ଆମେ ନୂତନ ପିଢ଼ୀକୁ ଉତ୍ସାହ ଓ ପ୍ରେରଣା ଦେଇଥାଉ।”

ଉଭୟ ମାଉଣ୍ଟ ଲିଟେରା ଜୀ ସ୍କୁଲ ଏବଂ ଜିକେଏଫ ନର୍ସିଂ ଇନଷ୍ଟିଟ୍ୟୁଟ, ଭଗବତୀପୁର, କଣ୍ଟାବାଡର ସମସ୍ତ ଶିକ୍ଷାର୍ଥୀ ଏବଂ ଅଭିଭାବକ ମାଉଣ୍ଟ ଲିଟେରା ଜୀ ସ୍କୁଲର ବାର୍ଷିକ ଉତ୍ସବ ୨୦୨୫ ସମ୍ପର୍କରେ ପ୍ରଶଂସା କରିଥିଲେ ଏବଂ ଏକ ସଫଳ ଓ ସ୍ମରଣୀୟ ଦିନ ରୂପେ ପାଳିତ ହୋଇଛି ବୋଲି ମତ ଦେଇଥିଲେ l