11-Jan-2025

ନୂଆପଡ଼ା ଜିଲ୍ଲା ଲୋୟରଇନ୍ଦ୍ର ଜଳ ସେଚନ ପ୍ରକଳ୍ପ ଡାକ ବଙ୍ଗଳା ଠାରେ ନୂଆପଡ଼ା ଜିଲ୍ଲା ସାମ୍ବାଦିକ ସଂଘ (ଏନ.ଝେଡ.ଏସ.ଏସ.) ର ସାଧାରଣ ବୈଠକ ଓ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ଏହି ଅବସରରେ ଆୟୋଜିତ ବୈଠକ ରେ ଖଡ଼ିଆଳ ବ୍ଲକ ଉପାଧ୍ୟକ୍ଷ ଗୌତମ ତାଣ୍ଡି ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ସ୍ଥାନୀୟ ସରପଞ୍ଚ ଆଳାଦ୍ଧିନୀ ବେହେରା ଓ ସମାଜସେବୀ କ୍ଷିରୋଦଚନ୍ଦ୍ର ବେହେରା ସମ୍ମାନିତ ଅତିଥି ଭାବରେ ଯୋଗଦେଇ ସମାଜ ପାଇଁ ସାମ୍ବାଦିକ ଙ୍କ ଉସର୍ଗିତା ସମସ୍ତଙ୍କ ଠାରୁ ଉର୍ଦ୍ଧ ରେ ବୋଲି କହିଥିଲେ । ଏହି ବୈଠକ ରେ ନୂଆପଡ଼ା ଜିଲ୍ଲା ସାମ୍ବାଦିକ ସଂଘ ର ସଭାପତି ସୁରେଶ ଆଚାରୀ ସଭାପତିତ୍ବ କରିଥିବା ବେଳେ ସମ୍ପାଦକ ଦେବାନନ୍ଦ ତାଣ୍ଡି ବାର୍ଷିକ କାର୍ଯ୍ୟକ୍ରମ ସହ ସଂଘ ର ଆଗାମୀ ଖସଡ଼ା ଉପରେ ଆଲୋକପାତ କରିଥିଲେ । ଆଗାମୀ ଦିନରେ ନୂଆପଡ଼ା ଜିଲ୍ଲା ସାମ୍ବାଦିକ ସଂଘ ଆହୁରି ମଜବୁତ ହୋଇ ଲୋକଙ୍କ ସେବାରେ ନିୟୋଜିତ ହୋଇ ପାରିବ ସେ ଉପରେ ସମସ୍ତେ ସଂକଳ୍ପ ନେଇଥିଲେ । ଏହି ଅବସର ରେ ଗତ କିଛି ଦିନ ତଳେ ଛତିଶଗଡ ରେ ଜଣେ ସାମ୍ବାଦିକଙ୍କୁ ହତ୍ୟା ଓ ଟିଟିଲାଗଡରେ ସାମ୍ବାଦିକ ମାନଙ୍କୁ ଆକ୍ରମଣ ଘଟଣାରେ ଦୋଷୀ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି ସହ ନିନ୍ଦା ପ୍ରକାଶ କରିଥିଲେ। ଏହି ଅବସରରେ ସଂଘର ବରିଷ୍ଠ ସଦସ୍ୟ ବିଶ୍ୱଜିତ ପାଢ଼ୀ, ପବିତ୍ର ପ୍ରଧାନ ଓ ଲୋକନାଥ ମହାପାତ୍ର ଜିଲ୍ଲା ସଦର ମହକୁମା ରେ ସଂଘ ତରଫରୁ ଏକ କବିତା ଆସର ଆୟୋଜନ କରିବାର ପ୍ରସ୍ତାବ ରଖି ସର୍ବସମ୍ମତି କ୍ରମେ ଗୃହୀତ କରାଇଥିଲେ । ଏହି କାର୍ଯ୍ୟକ୍ରମ ଆସନ୍ତା ଜାନୁୟାରୀ ୨୬ ରେ ଆୟୋଜନ ହେବାର ସ୍ଥିରୀକୃତ ହୋଇଛି । ଶେଷରେ ସଂଘ ର ଜାତୀୟ କାର୍ଯ୍ୟକାରିଣୀ ସଦସ୍ୟ ଦୀପକ ମିଶ୍ର ଧନ୍ୟବାଦ ଅର୍ପଣ କରି ସଭାସାଙ୍ଗ କରିଥିଲେ । ଆଜିର ବନ୍ଧୁମିଳନ ଓ ସାଧାରଣ ବୈଠକ କାର୍ଯ୍ୟକ୍ରମରେ ଜିଲ୍ଲାର ପାଞ୍ଚ ଗୋଟି ବ୍ଲକରୁ ମନୋଜ ସଗରିଆ, ଶିଶିର ଭୂୟାଁ, ଅମିତ ପୁରୋହିତ, ସତିଶ ଯୋଶୀ, ଶାମ୍ବ ସରାଫ, ମୀନକେତନ ନାଏକ, ରିତେଶ ରାଥୋଡ, ଅଭିଷେକ ଆଚାରି ଚନ୍ଦ୍ର ବେହେରା, ମୋହନ ଲାଲ ଦୀପ , ବିଶୁଧର ବାନଛୋର୍, ବିଶୁ ସାମଲ, ପପ୍ପୁ ଦଣ୍ଡସେନା ପ୍ରମୁଖ ଉପସ୍ଥିତ ରହିଥିଲେ ।

(ନୂଆପଡା ଜିଲ୍ଲାରୁ ପରମେଶ୍ୱର ମେହେର ରିପୋର୍ଟ)