08-Jan-2025

ବରଗଡ:(ନିରଞ୍ଜନ ତ୍ରିପାଠୀ)- ରାଜବୋଡାସମ୍ବର କୃଷକ ସଂଗଠନ ସଦସ୍ୟ ମାନଙ୍କ ମଣ୍ଡି ପରିଦର୍ଶନ କରିଛନ୍ତି। ସଂଗଠନ ତରଫରୁ ପ୍ରତେକ ବର୍ଷ ପରି ଚଳିତ ବର୍ଷ ମଧ୍ୟ ପ୍ରଥମେ ବରିକେଳ ପରେ ପାଇକମାଲ ବ୍ଲକ ର ବୁକରମୁଣ୍ଡା, ଟେମରୀ, ଭେଙ୍ଗରାଜ ପୁର, ପାଇକମାଲ, ସରେଇକେଳା, ଲଖମରା, ଚରଦାପାଲି, ସତୀଭଟା ଝାରବନ୍ଧ ବ୍ଲକ ର ଅମଠି, ଗଠୁଗୁଡା, ବିଳାସପୁର, କନ୍ଦାଡ଼ଙ୍ଗର, ଡଭା, କୁର୍ଲୁ ପାଳି, ଭୈସାଦରା, ଲଉଡ଼ିଦର୍ହା, ଜଗଦଳପୁର ଆଦି ମଣ୍ଡି  ବୁଲି ଦେଖିଛନ୍ତି। ଅତାବିରା ଆର ଏମ ସି ରେ ୧୮ଲକ୍ଷ ୩୪ ହଜାର କ୍ୟୁଣ୍ଟାଲ କିଣା ଯାଇଥିବା ବେଳେ ବରଗଡ଼ ଆର ଏମ ସି ରେ ୧୯ ଲକ୍ଷ ୩୦ ହଜାର କ୍ୟୁଣ୍ଟାଲ ଧାନ କିଣା ଯାଇଅଛି ଏବଂ ପଦ୍ମପୁର ଆର ଏମ ସି ରୁ ମାତ୍ର ୧୭ଲକ୍ଷ ୭୩ ହଜାର କ୍ୟୁଣ୍ଟାଲ ଧାନ କିଣା ଯାଇଛି ଯାହା ୬୦ ପ୍ରତିଶତ ହେବ ଏବଂ ୭୦ ରୁ ଉର୍ଦ୍ଧ୍ୱ ମଣ୍ଡିରେ ୧୦/୧୫ ହଜାର ପକେଟ ଧାନ ପଡିଆଛ ମୋଟ ଆର ଏମ ସି ରେ ୮ ଲକ୍ଷ ୪୧ ହଜାର ୭୦୪ ପକେଟ ଧାନ ପଡିଛି।ଚାଷୀ ମାନଙ୍କ ପୂଣି ନୁଆଁ ଚାଷ କରିବା ପାଇଁ ପଲ୍ହା ତିଆରୀ ହୋଇଗଲାଣି ବିଭିନ୍ନ ସ୍ଥାନ ରେ ରୁଆ ମଧ୍ୟ ହୋଇଗଲାଣି ହେଲେ ଚଳିତ ବର୍ଷ ର ଧାନ ବିକ୍ରି କରି ପାରି ନାହାନ୍ତି। ସରକାରୀ ଅଧିକାରୀ ମାନେ କହିବା ଅନୁସାରେ ଏଫ ଏ କ୍ଯୁ ଧାନ ରେ କଟନୀ ହେଉନାହିଁ ବୋଲି କହୁଥିବା ବେଳେ  ୨ କେଜି ଧାନ କାଟୁଥିବା ଚାଷୀ ମାନେ ପ୍ରକାଶ କରିଛନ୍ତି। ପଦ୍ମପୁର ଅଞ୍ଚକ ବାସୀଙ୍କ ପାଇଁ ଏହି ବୈମାତୃକ ମନୋଭାବ ହେତୁ କ୍ଷଭପ୍ରକାଶ କରିବା ସହିତ 
ଆସନ୍ତା ଶୁକ୍ରବାର ଦିନ ଜିଲ୍ଲାପାଳ କୁ ଲିଖିତ ଅଭିଯୋଗ ପାଇଁ ନିଷ୍ପତ୍ତି ନିଆଯାଇଛି।ଏହି ପରିଦର୍ଶନ କାରୀ ଦଳ ମଧ୍ୟରେ ସଂଯୁକ୍ତ କୃଷକ ସଂଗଠନ ର ରମେଶ ମହାପାତ୍ର ଥିବା ବେଳେ ରାଜବୋଡାସମ୍ବର କୃଷକ ସଂଗଠନ ର ରୋହିତ ପଧାନ, ସୁବାସ ସାମନ୍ତରାୟ, କାଁହୁ ଚରଣ ମେହେର, ବିଜୟ ସାହୁ , କରମଚାନ୍ଦ ମଗର,ଧର୍ମେନ୍ଦ୍ର ସାହା, ଅଶୋକ ସାହୁ, ପ୍ରମୋଦ ରାୟ, ହେମସାଗର ପଟେଲ, ତୁଲାରାମ ପଧାନ, ମହେନ୍ଦ୍ର ସାହୁ ଏବଂ ରମେଶ ସାହୁ ସାମିଲ ହୋଇଥିଲେ।