07-Jan-2025

 ଅତାବିରା(ଆକାଶ ମିଶ୍ର): ଡୁମାଲ ସମାଜର ଅଧିଷ୍ଠାତ୍ରୀ ଦେବୀ କୁରୁଆଁସ୍ଥିତ ସର୍ବ ପୁରାତନ ଉମା ମାହେଶ୍ୱରୀ ପୀଠର ମାଁ ମାହେଶ୍ୱରୀ ଓ ମାଁ ଖମ୍ବେଶ୍ବରୀ ଙ୍କ ନବକଳେବର ପାଇଁ ନୂତନ ଶାଳକା ଓ ନୂତନ ଖମ୍ବ ସନ୍ଧାନ ଉଦ୍ଦେଶ୍ୟରେ  ସେବାୟତ ବୃନ୍ଦ ଙ୍କ ସହ ବାହାରିଥିବା ମାଁ ମାହେଶ୍ୱରୀ ଙ୍କର ଶୋଭାଯାତ୍ରା  ଆଜି ଅତାବିରା ବ୍ଲକ ଲହଣ୍ଡା ଗ୍ରାମରେ ପହଂଚିଛନ୍ତି। ଏହି ଶୋଭାଯାତ୍ରା  ଅତାବିରା ବ୍ଲକ ର ଖଲିଆ ପାଲି, ଅତାବିରା ସହର ଦେଇ ଖଇର ପାଲି ଗାଁକୁ ପହଞ୍ଚିଥିଲା । ଗ୍ରାମବାସୀଙ୍କ ଦ୍ୱାରା ଭବ୍ୟ ସ୍ୱାଗତ କରାଯାଇଥିଲା  l  ଆଜି କର୍ମୀଟିକ୍ରା ଠାରେ ଡୁମାଲ  ସମାଜ ଓ ଗ୍ରାମବାସୀଙ୍କ ତରଫରୁ ମଧ୍ୟ ଭବ୍ୟ ସ୍ୱାଗତ କରାଯାଇ ମାଁ ମାହେଶ୍ୱରୀଙ୍କର ପୂଜାର୍ଚ୍ଚନା କରାଯାଇଥିଲା l ଏହି କାର୍ଯ୍ୟକ୍ରମରେ ରାଜ୍ୟ ଡୁମାଲ ପରିଷଦର ସଭାପତି ଦୟାସାଗର ମେଣ୍ଡଳୀ,ବରଗଡ଼ ଜିଲ୍ଲା ଡୁମାଲ ପରିଷଦର ସଭାପତି ଗଣେଶ ପ୍ରଧାନ, ସମ୍ପାଦକ ସୁବାସ ଥାଟି,ସରଳା କେନ୍ଦ୍ର ସଭାପତି କରମଚାନ୍ଦ ପ୍ରଧାନ,ଗୁନିଆ ପାଲି କେନ୍ଦ୍ର ସଭାପତି ମଗନ ଖମାରୀ,ଗମ୍ଭାରୀପାଲି ଆଞ୍ଚଳିକ ମାହେଶ୍ୱରୀ ମନ୍ଦିରର ପୂଜକ ସନ୍ତୋଷ ମହାକୁର, ଦିଲୀପ ମହାକୁର, ଜଗବନ୍ଧୁ କଲତା ଓ ଆଖ ପାଖ ଅଂଚଳର ଜାତିଗଙ୍ଗା ଉପସ୍ଥିତ ରହି ମାଙ୍କର ଆଶୀର୍ବାଦ ଲାଭ କରିଥିଲେ l ଏହି ସମସ୍ତ କାର୍ଯ୍ୟକ୍ରମକୁ କୁରୁଆଁ ମାହେଶ୍ୱରୀ ମନ୍ଦିରର ବେଜି, ଦେହେରୀ ସେବାୟତ ବୃନ୍ଦ,ଖଲିଆ ପାଲି, ଅତାବିରା ସହରର ଜାତିଭାଇ,ଖଇରପାଲି -କର୍ମୀଟିକ୍ରା ଗ୍ରାମବାସୀ ବୃନ୍ଦ, ଦୀନେଶ ଗାଈଗରିଆ, ସଂଜୀବ କର୍ମୀ,କୁବେର ମହାକୁର ଏବଂ ମାଁ ମାହେଶ୍ୱରୀ ସେନାର ସଦସ୍ୟ ମାନେ ପୂର୍ଣ୍ଣମାତ୍ରାରେ  ସହଯୋଗ କରିଥିଲେ l ଆସନ୍ତା କାଲି ବୁଧବାର ଦିନ ଲହଣ୍ଡାରେ  ବନଯାଗ ଶୋଭାଯାତ୍ର ରେ  ବାହାରି  ମାଁ ଙ୍କ  ସ୍ୱପ୍ନାଦେଶ  ଅନୁସାରେ   ଚିହ୍ନିତ  ହୋଇଥିବା ମା ମାହେଶ୍ୱରୀଙ୍କର ନୂତନ ଶାଳକା ବାଡ଼ି ପାଇଁ ମହୁଲ ବୃକ୍ଷ ଓ ମାଁ ଖମ୍ବେଶ୍ବରୀଙ୍କ ନୂତନ ଖୁଣ୍ଟ ନିର୍ମାଣ ପାଇଁ ରୁହେନ ବୃକ୍ଷକୁ ପୂଜାର୍ଚନା କରାଯାଇ କଟା ଯିବ ଓ ପୁଣି ଉଭୟ ବୃକ୍ଷକୁ ବିରାଟ ଶୋଭାଯାତ୍ରାରେ ଉମା ମାହେଶ୍ୱରୀ ମନ୍ଦିର, କୁରୁଆଁ କୁ ନିଆଯିବ  ବୋଲି ଜଣାପଡିଛି ।