07-Jan-2025

(ଡୋଲେଶ୍ୱର  ବାଗ )
 ନୂଆପଡ଼ା ଜିଲ୍ଲା ଖଡିଆଳ ବ୍ଲକ ଅନ୍ତର୍ଗତ ତୁକଲା ସ୍ଥିତ ସରକାରୀ ହାଇସ୍କୁଲର ୫୬ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଅଛି। ଏହି ଉତ୍ସବର ମୁଖ୍ୟ ଅତିଥି ରୂପେ କଳାହାଣ୍ଡି ସାଂସଦ ଶ୍ରୀମତୀ  ମାଳବିକା ଦେବୀ  ଯୋଗ ଦେଇ ଶିକ୍ଷା ଦ୍ବାରା ଗ୍ରାମାଞ୍ଚଳ ପ୍ରକୃତ ବିକାଶ ହେବା ସହ ବିକଶିତ ହେବା ସୁଯୋଗ ସୃଷ୍ଟି କରେ ବୋଲି ମତବ୍ୟକ୍ତ କରିଥିଲେ। ନୂତନ ଶିକ୍ଷା ନୀତି ବିଦ୍ୟାର୍ଥୀ ଙ୍କୁ ନିଜ ଇଚ୍ଛା ମୁତାବକ ଶିକ୍ଷାଗ୍ରହଣ କରିବାର ସୁଯୋଗ ଦେଇଅଛି ବୋଲି ପ୍ରକାଶ କରିଛନ୍ତି। ସଭାରେ ହାଇସ୍କୁଲ ପ୍ରଧାନ ଶିକ୍ଷକ  ଅସୀମା ବାଗ  ଅଧ୍ୟକ୍ଷତା କରିଥିବା ବେଳେ ସମ୍ମାନିତ ଅତିଥି ରୂପେ ଖଡିଆଳ ବିଧାୟକ ଅଧିରାଜ ପାଣିଗ୍ରାହୀ, ପୂର୍ବତନ ସାଂସଦ ଅର୍କ କେଶରୀ ଦେଓ, ତୁକଳା ସରପଞ୍ଚ ନିଲାନ୍ଦ୍ରି  ମେହେର, ପୂର୍ବତନ ଶିକ୍ଷକ ଯୋଗେଶ୍ୱର ମେହେର ପ୍ରମୁଖ ଯୋଗ ଦେଇଥିଲେ। ଛାତ୍ରୀମାନେ  ସ୍ବାଗତ ସଙ୍ଗୀତ କାଗ କରିଥିଲେ। କୃତି ଛାତ୍ର ଛାତ୍ରୀଙ୍କୁ ଅତିଥି ଦ୍ବାରା ପୁରସ୍କାର ବଣ୍ଟନ କରିଥିଲେ।