29-Dec-2024

ନାକଟିଦେଉଳ (କନ୍ଦର୍ପ ବେହେରା): ନାକଟିଦେଉଳ ବ୍ଲକ ଅନ୍ତର୍ଗତ ଉପରମୁଣ୍ଡା ଖେଳପଡ଼ିଆରେ ମାହେଶ୍ୱରୀ ସ୍ପୋର୍ଟିଂ କ୍ଲବ ଆନୁକୂଲ୍ୟରେ ଛଅ ଦିନ ଧରି ଚାଲିଥିବା ମାହେଶ୍ୱରୀ କ୍ରିକେଟ କପ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଛି | ଏହି ଟୁର୍ଣ୍ଣାମେଣ୍ଟରେ ବ୍ଲକର ସମୁଦାୟ ୧୬ଟି ଦଳ ଅଂଶଗ୍ରହଣ କରିଥିବା କରିଥିବା ବେଳେ ଆଜି ଫାଇନାଲ ମ୍ୟାଚ ସରାପାଲି ଓ ଶିମିଳିପାଳ ଦଳ ମଧ୍ୟରେ ଅନୁଷ୍ଠିତ ହୋଇଥିଲା | ଶିମିଳିପାଳ ଦଳ ପ୍ରଥମେ ବ୍ୟାଟିଂ କରି ୧୮ଓଭରରେ୧୧୭ ରନ ସଂଗ୍ରହ କରିଥିବାବେଳେ ଜବାବରେ ସରାପାଲି ଦଳ ୧୬ଓଭରରେ୧୧୮ ରନ ସଂଗ୍ରହ କରି ଚାମ୍ପିଅନ ହୋଇଥିଲା | ମ୍ୟାଚର ପ୍ରାରମ୍ଭରେ ମାହେଶ୍ୱରୀ ସଙ୍ଘର ପ୍ରତିଷ୍ଠାତା ସ୍ବର୍ଗତ ହରେନ କୁମାର ସାହୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ନୀରବ ପ୍ରାର୍ଥନା କରାଯାଇଥିଲା | ମ୍ୟାନ ଅଫ ଦି ମ୍ୟାଚ ଭାବେ ସରାପାଲି ଦଳର ଚୈତନ୍ୟ ବାରିକ ଓ ମ୍ୟାନ ଅଫ ଦି ସିରିଜ ଭାବେ ଶିମିଳିପାଳ ଦଳର ସୌରଭ ପ୍ରଧାନ ପୁରସ୍କୃତ ହୋଇଥିଲେ l ଆଲୋକ କୁମାର ପ୍ରଧାନ ଓ ଉଦିତ ଶେଖର ସାହୁ ଖେଳ ପରିଚାଳନା କରିଥିଲେ l ଏହି ଅବସରରେ ଅନୁଷ୍ଠିତ ପୁରସ୍କାର ବିତରଣୀ ସଭାରେ ମୁଖ୍ୟ ଅତିଥି ଭାବେ ଯୁବ ସମାଜ ସେବୀ ନୀଳାମ୍ବର ସାହୁ(ମଣ୍ଟୁ ), ସମ୍ମାନିତ ଅତିଥି ଭାବେ ବନାଞ୍ଚଳ ଅଧିକାରୀ ଧିରେନ କୁମାର ସାହୁ, ପ୍ରଧାନ ଶିକ୍ଷକ ବ୍ରଜଚନ୍ଦ୍ର ସାହୁ, ହୁସେନ କୁମାର ସାହୁ, ଗ୍ରାମସେବକ ଶରତ ବାରିକ, ସମାଜସେବୀ ରମେଶ ପ୍ରଧାନ, ନେତ୍ରାନନ୍ଦ ରାଉଳ, ଭକ୍ତ ବଲ୍ଲଭ ପ୍ରଧାନ, ଧୀରେନ୍ଦ୍ର ରାଉଳ ପ୍ରମୁଖ ଯୋଗ ଦେଇ ବିଜେତା ଓ ଉପ ବିଜେତା ଦଳକୁ ନଗଦ ରାଶି ସହ ଟ୍ରଫି ପ୍ରଦାନ କରିଥିଲେ |ସ୍ପୋର୍ଟିଂ କ୍ଲବର ବରିଷ୍ଠ ସଦସ୍ୟ ଉଦିତ ଶେଖର ସାହୁ ସ୍ୱାଗତ ଭାଷଣ ସହ ବିବରଣୀ ପାଠ କରିଥିଲେ | ମାହେଶ୍ୱରୀ ସ୍ପୋର୍ଟିଂ କ୍ଲବର ୱାରୀଶ ପ୍ରଧାନ, ତୁହିନ କାନ୍ତ ରାଉଳ, ସମୀର ସାହୁ, ଅଜିତ ସାହୁ, ଦେବାଶିଷ ସାହୁ, ପ୍ରତାପ ରାଉଳ, ରାଧେଶ୍ୟାମ ମାଝୀ, ଓମପ୍ରକାଶ ମାଝୀଙ୍କ ସମେତ ସମସ୍ତ ସଦସ୍ୟ ସହଯୋଗ କରିଥିଲେ |