19-Dec-2024

ଭଦ୍ରକ(ପ୍ରେରଣା ଖବର): "ଏସୟୁଜେ ଓଡ଼ିଶା" ଭଦ୍ରକ ଜିଲ୍ଲା ଶାଖା ବୈଠକ ଅନୁଷ୍ଠିତ ହୋଇଯାଇଛି।ଏଥରେ ଅନ୍ୟ ସଂଗଠନ ଛାଡି ୧୫ ରୁ ଅଧିକ ସାମ୍ବାଦିକ ବନ୍ଧୁ ଏସୟୁଜେ ରେ ସାମିଲ ହେଲେ। ପ୍ରତାପ କୁମାର ଦାସ ପୁନର୍ବାର ସଭାପତି ଦାୟିତ୍ୱ ଗ୍ରହଣ କରିଥିବା ବେଳେ ତପନ କୁମାର ମିଶ୍ର ସାଧାରଣ ସମ୍ପାଦକ ଭାବେ ମନୋନୀତ ହୋଇଛନ୍ତି। ବରିଷ୍ଠ ସାମ୍ବାଦିକ ତଥା ସୁ ସଂଗଠକ ତପନ କୁମାର ସ୍ଵାଇଁଙ୍କୁ ରାଜ୍ୟ କାର୍ଯ୍ୟକାରିଣୀ ସଭ୍ୟ ଭାବେ ନିଆଯାଇଛି। ଜିଲ୍ଲା ସଂଗଠନର ଅନ୍ୟାନ୍ୟ ପଦବୀ ରେ ଅନେକ ଅନୁଭବୀ ସାମ୍ବାଦିକ ମାନଙ୍କୁ ନିଆଯାଇଛି। ଆଗାମୀ ଦୁଇ ମାସ ମଧ୍ୟରେ ବିଭିନ୍ନ ବ୍ଲକ ଅଂଚଳକୁ ଜିଲ୍ଲା ଓ ଏହି ଜିଲ୍ଲା ର ରାଜ୍ୟ କର୍ମକର୍ତ୍ତା ମାନେ ଗସ୍ତ କରି ସଂଗଠନ କୁ ଆହୁରି ବ୍ୟାପକ କରିବେ ବୋଲି ମୁଖ୍ୟ ଉପଦେଷ୍ଟା ତଥା ରାଜ୍ୟ ସଂଗଠନ ର ଉପଦେଷ୍ଟା ମଣ୍ଡଳୀ ସଭ୍ୟ ନିହାର କୁମାର ଦାସ ସୂଚନା ଦେଇଥିଲେ। ସେହିପରି ଆସନ୍ତା ବର୍ଷ ଫେବ୍ରୁଆରୀ ଶେଷ ସପ୍ତାହରେ ଭଦ୍ରକ ଠାରେ ଏସୟୁଜେ ଓଡ଼ିଶା ର ରାଜ୍ୟ କାର୍ଯ୍ୟକାରିଣୀ ବୈଠକ ସହିତ ଉତ୍ତର ଓଡ଼ିଶା ସମ୍ମୀଳନୀ କରିବାକୁ ମଧ୍ୟ ଭଦ୍ରକ ଜିଲ୍ଲା ଶାଖା ର କର୍ମକର୍ତ୍ତା ଓ ସଭ୍ୟ ମାନେ କହିଛନ୍ତି। ଜିଲ୍ଲା ପର୍ଯ୍ୟବେକ୍ଷକ ତଥା ରାଜ୍ୟ ଉପସଭାପତି ବାସୁଦେବ ତ୍ରିପାଠୀ ଏହି ରାଜ୍ୟ ସ୍ତରୀୟ କାର୍ଯ୍ୟକ୍ରମ ପାଇଁ ଭଦ୍ରକ ଜିଲ୍ଲା ଶାଖା ସହିତ ସମନ୍ଵୟ ରକ୍ଷା ପୂର୍ବକ ସମାବେଶ କୁ ସଫଳ କରିବାରେ ସହଯୋଗ କରିବେ ବୋଲି ନିଷ୍ପତ୍ତି ହୋଇଛି।