18-Dec-2024

ତେରେସିଂହା:(ପ୍ରେରଣା)-କଳା, ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ବାଣୀପୀଠ, ମୟୂରଭଞ୍ଜ ଚଳିତ ବର୍ଷ ୪୫ ତମ ବାଣୀପୀଠ ମହୋତ୍ସବ ଆସନ୍ତା ୨୬ ରୁ ୨୯ ତାରିଖ ଯାଏଁ ହେବାକୁ ସ୍ଥିର କରିଛି l ଏଥିରେ କଳାହାଣ୍ଡି ଜିଲ୍ଲାର ଯୁବକବି ସୁଶାନ୍ତ ରଣା ଙ୍କୁ 'କବିପ୍ରାଣ' ଉପାଧିରେ ସମ୍ମାନୀତ କରିବାକୁ ଅନୁଷ୍ଠାନ ନାମ ଘୋଷଣା ହୋଇଛି l କର୍ଲାମୁଣ୍ଡା ବ୍ଲକ ଅନ୍ତର୍ଗତ ଐତିହାସିକ ମାଟି ତେରେସିଂହା ଗ୍ରାମର ଭରତ ରଣା ଓ ମାତା ପାଟବତୀ ରଣାଙ୍କ ସୁପୁତ୍ର ସୁଶାନ୍ତ ରଣା ଜଣେ କବି, ଗାଳ୍ପିକ ତଥା ଯୁବ ସାମ୍ବାଦିକ l ଛାତ୍ର ଜୀବନରୁ ହିଁ ସାହିତ୍ୟ ପ୍ରତି ଆଗ୍ରହ ରଖିଥିବା ଶ୍ରୀ ରଣା ଶତାଧିକ କବିତା ଓ ଗଳ୍ପ ଲେଖିବା ସହ ଲେଖା ଜାରି ରଖିଛନ୍ତି l ଓଡ଼ିଶାର ବିଭିନ୍ନ ଖବର କାଗଜ ଓ ସାମାଜିକ ଗଣମାଧ୍ୟମରେ ତାଙ୍କ ରଚିତ ଅନେକ କବିତା/ଗଳ୍ପ ପ୍ରକାଶିତ ଓ ପ୍ରସାରିତ ହୋଇ ବେଶ ପାଠକୀୟ ଆଦୃତ ଲାଭ କରିପାରିଛି l ତାଙ୍କ ରଚିତ ଅନେକ ସମ୍ବଲପୁରୀ କ୍ଷୁଦ୍ରଗଳ୍ପ ରେଡ଼ିଓ ଚକଲେଟ୍ ଏଫ୍.ଏମ୍ ୧୦୪ରେ ପ୍ରସାରିତ ହୋଇ ଶ୍ରୋତାଙ୍କର ସେ ପ୍ରିୟ ହୋଇ ପାରିଛନ୍ତି l କବିତା, ଗଳ୍ପ ଓ ସାମ୍ବାଦିକତା ପାଇଁ ବିଭିନ୍ନ ଅନୁଷ୍ଠାନ ଓ ସଂଘ ପକ୍ଷରୁ ସମ୍ବର୍ଦ୍ଧିତ ହୋଇ ଯୁବକବି ସମ୍ମାନ, ଯୁବଗାଳ୍ପିକ ସମ୍ମାନ, ପ୍ରୀତିପୁତ୍ର ସମ୍ମାନ, କୋଭିଡ ଯୋଦ୍ଧା ସମ୍ମାନ, ଅ' ପ୍ରତିଭା ସମ୍ମାନ, ଜାତୀୟ ପ୍ରେସ ଦିବସ ସମ୍ମାନ ଆଦି ପାଇଥିବା ବେଳେ ୨୯ ତାରିଖରେ 'କବିପ୍ରାଣ' ଉପାଧି ଗ୍ରହଣ କରବେ l ବର୍ତ୍ତମାନ ଶ୍ରୀ ରଣା ରାଧାବଲ୍ଲଭ ନାଟ୍ୟ ସଂସଦ, ତେରେସିଂହା ର ସମ୍ପାଦକ ଦାୟିତ୍ୱରେ ରହିଛନ୍ତି l