17-Dec-2024

ବଲାଙ୍ଗୀର :ପୁଇଁତଲା ବ୍ଲକ ଅନ୍ତର୍ଗତ ପଂଚାୟତ ହାଇସ୍କୁଲ ବୈରାସର (ଅର୍ଜୁଣ୍ଡା)ଠାରେ ବ୍ଲକ ସ୍ତରୀୟ ଓଷ୍ଟା ଶିଶୁ ମେଳା ଉଦଯାପିତ ହୋଇଯାଇଛି l ଓଷ୍ଟା ବ୍ଲକ ସଭାପତି ରୁଦ୍ରମଣି କର୍ମୀ ଙ୍କ ସଭାପତିତ୍ୱ ରେ ଅନୁଷ୍ଠିତ ଉଦଘାଟନୀ ଉତ୍ସବକୁ  ଅବସର ପ୍ରାପ୍ତ ସହକାରୀ ଜ଼ିଲ୍ଲାପାଳ ବିଜ୍ଞାନ କୁମ୍ଭାର ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରି ଶିଶୁ ଦେଶର ଅମୁଲ୍ୟ ସମ୍ପଦ ବୋଲି କହିଥିଲେ l ମୁଖ୍ୟ ବକ୍ତା ଭାବେ ଶିକ୍ଷାବିତ ରାଜେନ୍ଦ୍ର ବିଜୟ ସାହୁ ଶିଶୁ ମାନଙ୍କର ସର୍ବବିଧ ଉନ୍ନତି ଉପରେ ଦେଶର ଉନ୍ନତି ନିର୍ଭର କରୁଛି ବୋଲି କହିଥିଲେ l ସମ୍ମାନିତ ଅତିଥି ଭାବେ ଡ.  ବି.ଏନ. ଶ୍ରୀକାନ୍ତ ଓ ଶିକ୍ଷାବିତ ଅଶୋକ ମେହେର ମଂଚାସୀନ ଥିଲେ l ଓଷ୍ଟା ବ୍ଲକ ସମ୍ପାଦକ ପୂର୍ଣଚନ୍ଦ୍ର ମେହେର କାର୍ଯ୍ୟକ୍ରମ ର ଉଦ୍ଦେଶ୍ୟ ଜ୍ଞାପନ କରିଥିଲେ l ଏହି ଅବସରରେ ଆୟୋଜିତ ତର୍କ ପ୍ରତିଯୋଗିତାରେ ବର୍ଷା ମହାକୁର, ସାଧାରଣ ଜ୍ଞାନ ରେ ଶ୍ରଦ୍ଧା ମହଲା, କବିତା ରଚନା ରେ ଗିରିସୁତା ଷlଣ୍ଢ, ଚିତ୍ରାଙ୍କନ ରେ ଆୟୁଷ ମେହେର, କୁଇଜ ରେ ତ୍ରିଶାମୟୀ ବାରିକ, ଏକକ ଅଭିନୟ ରେ ବର୍ଷା ମହlର, କଣ୍ଠ ସଂଗୀତ ରେ ତ୍ରିଶାମୟୀ ବାରିକ,ଏକକ ନୃତ୍ୟ ରେ ଶ୍ରୀୟା ବାରିକ, ଗଳ୍ପ ଲିଖନ ରେ ଆୟୁଷ ମେହେର, କବିତା ଆବୃତ୍ତି ରେ ବର୍ଷା ମହାକୁର ପ୍ରଥମ ସ୍ଥାନ ଅଧିକାର କରି ଜ଼ିଲ୍ଲା ସ୍ତରୀୟ ଶିଶୁମେଳା ରେ ଯୋଗଦେବେ ବୋଲି ସୂଚନା ପ୍ରଦାନ କରଯାଇଥିଲା l ଉଦଯାପନୀ ଉତ୍ସବ ରେ ପୂର୍ବତନ ଓଷ୍ଟା ରାଜ୍ୟ ସଭାପତି

ବିନୋଦ ବିହାରୀ ପାଣିଗ୍ରାହୀ ମୁଖ୍ୟ ଅତିଥି, ପୂର୍ବତନ ଓଷ୍ଟା ରାଜ୍ୟ କାର୍ଯ୍ୟକାରୀ ସଭାପତି ସୁଧାଂଶୁ ବାବୁ ମୁଖ୍ୟବକ୍ତା ଓ ସମ୍ମାନିତ ଅତିଥି ଭାବେ ପୂର୍ବତନ ରାଜ୍ୟ କାର୍ଯ୍ୟକାରୀ ସଭ୍ୟ ତାରାକାନ୍ତ ମିଶ୍ର ଯୋଗଦେଇ ସୁସ୍ଥ ନୈତିକ ସମାଜ ଗଠନ ପାଇଁ ଶିଶୁ ସମାଜକୁ ସଜାଡ଼ିବା ଉଚିତ ବୋଲି କହିଥିଲେ l ଉଭୟ ଅଧିବେଶନ ର କାର୍ଯ୍ୟକ୍ରମ କୁ ସଂଯୋଜନା କରିଥିଲେ ଶିକ୍ଷକ ନାରାୟଣ ମିଶ୍ର l କାର୍ଯ୍ୟକ୍ରମ ରେ ବିଦ୍ୟାଳୟ ର ସମସ୍ତ ଶିକ୍ଷକ, ଶିକ୍ଷାକର୍ମଚାରୀ,ଗ୍ରାମବାସୀ ସହଯୋଗ କରିଥିଲେ l