16-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ୱାର୍ଡ ନ ୭ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସର ରେ ତିନି ଦିନିଆ ରାଣୀ ଲକ୍ଷ୍ମୀ ବାଇ ଆତ୍ମ ରକ୍ଷା ତାଲିମ ଶିବିର ସୋମବାର ଉଦଘାଟିତ ହୋଇ ଯାଇଛି । ପ୍ରଧାନ ଶିକ୍ଷକ ଭକ୍ତ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଟିତ ଉଦଘାଟନୀ କାର୍ଯ୍ୟକ୍ରମରେ ଏ.ଡି.ଇ.ଓ ଜ୍ୟୋତି କାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଶୁଭ ଉଦଘାଟନ କରି ଏହି ଶିବିରରେ ପ୍ରଶିକ୍ଷଣ ପାଇଁ ଶିକ୍ଷାର୍ଥୀ ମାନେ ବିଭିନ୍ନ ବ୍ଲକରେ ସ୍କୁଲ ମାନଙ୍କରେ ତାଲିମ ପ୍ରଦାନ କରିବେ ବୋଲି ସୂଚନା ପ୍ରଦାନ କରିଥିଲେ ।ସମ୍ମାନିତ ଅତିଥି ଭାବେ ସମଗ୍ର ଶିକ୍ଷା ବିଭାଗର ଜେଣ୍ଡର କୋଡ଼ିନେଟର ସ୍ଵର୍ଣ୍ଣ ପ୍ରଭା ପଣ୍ଡା ଏ.ବି. ଇ. ଓ ଦିଲ୍ଲୀପ ମେହେର ପ୍ରମୁଖ ଯୋଗ ଦେଇଥିଲେ । ବରଗଡ଼ ଜିଲ୍ଲା ଅମ୍ବାଭୋନା,ବରଗଡ଼ଭଟଲି,ଅତାବିରା,ଭେଡେନ ,ବରପାଲି ବ୍ଲକ ର ୫୦ ରୁ ଉର୍ଦ୍ଧ୍ବ ପ୍ରଶିକ୍ଷାର୍ଥିଏହି ଶିବିରରେ ତାଲିମ ଗ୍ରହଣ କରିଥିବା ବେଳେ ସାଧନ କର୍ମୀ ଭାବେ ଝରଣା ଦାଶ,ସଂଯୁକ୍ତା ପ୍ରଧାନ,ନିରୁପମା ବଞ୍ଛୋର ,ସ୍ନେହ ଲତା ମହାରଣା ପ୍ରମୁଖ ଯୋଗ ଦେଇ ପ୍ରଶିକ୍ଷଣ ପ୍ରଦାନ କରୁଛନ୍ତି ।ଏହି ଶିବିର ୧୮ ତାରିଖ ଉଦଯାପିତ ହେବ ବୋଲି ସୂଚନା ପ୍ରଦାନ କରାଯାଇଛି ।