16-Dec-2024

କୁଚିଣ୍ଡା ବ୍ଳକ ବକ୍ସମା ଗ୍ରାମପଞ୍ଚାୟତରେ ଜମନକିରା(ବି) ଠାରେ କାର୍ଯ୍ୟ କରୁଥିବା ଗଡ୍ସ୍ ପାଓ୍ବାର ଓ ବ୍ଳେସିଂ ମିନିଷ୍ଟ୍ରୀ ତରଫରୁ ସ୍ଥାନୀୟ କେତେକ ଅସହାୟ ବିଧବା ମହିଳା ମାନଙ୍କୁ କମ୍ବଳ ବଣ୍ଟନ ଏବଂ କୁଚିଣ୍ଡା ସ୍ଥିତ ଅରୁଣୋଦୟ ମାନସିକ ଭିନ୍ନକ୍ଷମ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ସ୍ବୀଟର ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅବସରରେ ଆୟୋଜିତ ସଭାରେ ସଂସ୍ଥାର ସଭାପତି ପ୍ରମୋଦ ରୋହିଦାସ ସଭାପତିତ୍ବ କରିଥିଲା ବେଳେ ଉପଦେଷ୍ଟା ବିମଳ ମେହେର ସଭା ପରିଚାଳନା କରିଥିଲେ।ଏହି ସଭାରେ ମୁଖ୍ଯ ଅତିଥି ଭାବେ 

ବକ୍ସମା ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ସରସ୍ଵତୀ ଠାକୁର, ସମ୍ମାନୀତ ଅତିଥି ଭାବରେ କୁଟୁରାଚୁଆଁ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟାପକ ସୁବାସ ଚନ୍ଦ୍ର ନାୟକ, ସାମ୍ବାଦିକ ଗଗନ ଶର୍ମା, ସଞ୍ଜୟ କୁମାର ମିଶ୍ର, ଓକିଲ ଶାନ୍ତନୁ କାଲୋ ଓ ବକ୍ସମା ଗ୍ରାମପଞ୍ଚାୟତ ନାଏବ ସରପଞ୍ଚ ଉଷା ବାହାବା, ସମାଜସେବୀ ରବିନାରାୟଣ ପ୍ରଧାନ ପ୍ରମୁଖ ଯୋଗଦେଇ ଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ଅସହାୟ ୫୦ଜଣ ବିଧବା ମହିଳାଙ୍କୁ ଅତିଥିଙ୍କ ଦ୍ୱାରା କମ୍ବଳ ବଣ୍ଟନ କରାଯାଇଥିଲା। କାର୍ଯ୍ୟକ୍ରମରେ ଅନୁଷ୍ଠାନର କମଲ ମେହେର, ପୂର୍ଣ୍ଣଚନ୍ଦ୍ର ଚିଲ,ମାନସି, ଜଗଦୀଶ ରୋହିଦାସ, କୁମୁଦବନ୍ଧୁ କିସାନ, କୁମୁଦିନୀ, ମନୋରମା କିସାନ, ଦିବ୍ୟଜ୍ୟୋତି ମେହେର ପ୍ରମୁଖ ସହଯୋଗ କରିଥିଲେ।

[ସମ୍ବଲପୁର କୁଚିଣ୍ଡାରୁ ସିଲୁ ସୁନାନୀଙ୍କ ରିପୋର୍ଟ]