13-Dec-2024

ପାଟଣାଗଡ଼ (ପୂର୍ଣ୍ଣ ଶଶୀ ଶେଖର ରାଓ ) ଆଦିବାସୀ ଓ ପରମ୍ପାରିକ ବନବାସୀ ମାନଙ୍କୁ ଜଙ୍ଗଳ ଜମି ପଟ୍ଟା ଦେବାପାଇଁ କେନ୍ଦ୍ର ସରକାର ଜଙ୍ଗଳ ଅଧିକାର ଆଇନ 2006 କାର୍ଯ୍ୟକାରୀ କରିଛନ୍ତି | ଏହି ଆଇନ ଦ୍ୱାରା ଯେଉଁ ଆଦିବାସୀମାନେ 2005ପୂର୍ବରୁ ଜଙ୍ଗଳ ଜମିକୁ ଭୋଗ ଦାଖଲ କରୁଛନ୍ତି ଓ ଅନ୍ୟାନ୍ୟ ପରମ୍ପାରିକ ବନବାସୀ ମାନେ ଦୀର୍ଘ ତିନି ପିଢ଼ି ଧରି ଭୋଗ ଦାଖଲ କରି ଚାଷ ବାସ, ଲଘୁ ବନଜାତ ଦ୍ରବ୍ୟ ସଂଗ୍ରହ, ଜଙ୍ଗଳ ସୁରକ୍ଷା କରୁଛନ୍ତି ସେହି ମାନଙ୍କୁ ଜଙ୍ଗଳ ଜମି ପଟ୍ଟା ଦେବାର ବ୍ୟବସ୍ଥା କରିଛନ୍ତି  | ଏହି ଆଇନ ଦୀର୍ଘ ବର୍ଷ ଧରି କାର୍ଯ୍ୟକାରୀ ହୋଇଥିଲେ ସୁଦ୍ଧା ରାଜସ୍ବ ବିଭାଗ ଓ ଜଙ୍ଗଳ ବିଭାଗର ସମ୍ମନ୍ୱୟ ଅଭାବ ହେତୁ ଆଜିଯାଏଁ ଆଦିବାସୀ ମାନେ ପଟ୍ଟା ପାଇବାରୁ ବଞ୍ଚିତ ରହିଛନ୍ତି |  ଜଙ୍ଗଳ ଜମି ଅଧିକାର ଆଇନକୁ ସଫଳ ରୂପାୟନ କରିବା ପାଇଁ ଯେଉଁ ବିଭାଗୀୟ ଅଧିକାରୀ ମାନେ ଦାୟିତ୍ୱରେ ରହି ଆସିଛନ୍ତି ସେମାନଙ୍କର ଆନ୍ତରିକତା ଅଭାବ ମଧ୍ୟ ଆଦିବାସୀ ମାନେ ପଟ୍ଟା ପାଇବାରେ ଅସୁବିଧା ହେଉଛି  |  ପଟ୍ଟା ପାଇବାରେ ବିଳମ୍ୱ ହଉଥିବାରୁ ଆଦିବାସୀ ଓ ଅନ୍ୟାନ୍ୟ ପରମ୍ପାରିକ ବନବାସୀ ମାନଙ୍କ ମନରେ ଅସନ୍ତୋଷ ଦେଖା ଦେଉଛି  | ସେହିପରି ପାଟଣାଗଡ଼ ତହସିଲ ମୁଣ୍ଡୋମହୁଲ ଗ୍ରାମର ଅନେକ ଆଦିବାସୀ ଦୀର୍ଘ ବର୍ଷ ଧରି ଜଙ୍ଗଳ ଜମିରେ ଭୋଗ ଦାଖଲ କରି ଚାଷ ବାସ, ଲଘୁ ବନଜାତ ଦ୍ରବ୍ୟ ସଂଗ୍ରହ କରି ପରିବାର ପ୍ରତିପୋଷଣ କରି ଆସୁଛନ୍ତି କିନ୍ତୁ କିଛି ଦିନ ତଳେ ଜଙ୍ଗଳ ବିଭାଗ ଆଦିବାସୀ ମାନେ ଦଖଲ କରୁଥିବା ଜଙ୍ଗଳ ଜମିରେ ଜୋରଜବରଦସ୍ତ କାହାକୁ କିଛି ନଜଣେଇ ସିମେଣ୍ଟ ଖୁଣ୍ଟ ପୋତିଛନ୍ତି ଏବଂ ଧାନ ଚାଷ କରିଥିବା ଜମିରେ ମଧ୍ୟ ଧାନ ଥାଇ ମଧ୍ୟ ଧାନକୁ ମାଡ଼ି ସିମେଣ୍ଟ ଖୁଣ୍ଟ ପୋତିଛନ୍ତି |  ଉକ୍ତ ଗ୍ରାମର ପ୍ରଜାମାନେ ସେହି  ଦଖଲ ଜଙ୍ଗଳ ଜମି ପାଇବା ପାଇଁ ଆଜି ଜିଲ୍ଲା ଆଦିବାସୀ କଲ୍ୟାଣ ସଂଘର ଯୁଗ୍ମ ସମ୍ପାଦକ ଶ୍ରୀ ଗିରିରାଜ ଭୋଇଙ୍କ ନେତୃତ୍ୱରେ ପାଟଣାଗଡ଼ ତହସିଲଦାରଙ୍କୁ ଭେଟି ଲିଖିତ ଆକାରେ ଅଭିଯୋଗ କରିଛନ୍ତି  | ତହସିଲଦାରଙ୍କ ବିନା ଅନୁମତିରେ ଜୋରଜବରଦସ୍ତ ଖୁଣ୍ଟ ପୋତିବା କାର୍ଯ୍ୟକୁ ନପସନ୍ଦ କରିଥିଲେ ଓ ଏହି ବିଷୟରେ ଉପଯୁକ୍ତ ତଦନ୍ତ କରି ସରକାରୀ ନିୟମ ଅନୁଯାଇ ଆଦିବାସୀ ମାନଙ୍କୁ ପଟ୍ଟା ଦେବା ପାଇଁ ପ୍ରତିଶୃତି ଦେଇଥିଲେ | ଦାବିପତ୍ର ଦେବା ସମୟରେ ପ୍ରେମାନନ୍ଦ ରା଼ଏ, ସୁଦାମ ଧରୁଆ, ରମେଶ ଧରୁଆ ଗୋପାଳ ଧରୁଆ, ଦୟାନିଧି ଧରୁଆ ଓ ଗ୍ରାମର ଅନ୍ୟମାନେ ଉପସ୍ଥିତ ଥିଲେ |