07-Dec-2024

ବରପାଲି  (ସୁଦାମ ଦୀପ )
ସଂପ୍ରତି ବରଗଡ ଜିଲ୍ଲାର ସୋହେଲା ବ୍ଲକର  ମିଶନ ଶକ୍ତି କେଫେଠାରେ ମିଲେଟ୍ ଶକ୍ତି  ଟିଫିନ୍ ସେଣ୍ଟର ଉଦ୍ଘାଟିତ ହୋଇଯାଇଛି | ଆତ୍ମା ବରଗଡ, ଶ୍ରୀ ଅନ୍ନ ଅଭିଯାନ ଓ ଓ୍ବାସନ୍ ର ମିଳିତ ସହାୟତା ତଥା ସ୍ବେଚ୍ଛାସେବୀ ଅନୁଷ୍ଠାନ ମହାଶକ୍ତି ଫାଉଣ୍ଡେସନର ସହଯୋଗରେ ମୁଖ୍ୟଅତିଥି ଭଟଲି ବିଧାୟକ ଶ୍ରୀମାନ  ଇରାଶିସ୍ ଆଚାର୍ଯ୍ୟଙ୍କ କରକମଳରେ  ଉଦ୍ଘାଟିତ ହୋଇଥିଲା | ସମ୍ମାନିତ ଅତିଥି ଭାବେ ବ୍ଳକ କୃଷି ଅଧିକାରୀ ଶ୍ରୀମତୀ ନୀତାଞ୍ଜଲି ବିଶି, ତହସିଲଦାର ଶୁଭ ରଞ୍ଜନ ନାୟକ, ବିଡ଼ିଓ ସୁରେନ୍ଦ୍ର କୁମାର ମେହେର , ସିଡ଼ିପିଓ ସଂଯୁକ୍ତା ବରିହା , ବିପିଏମ ସଂଜିବ ପଧାନ, ବିପିସି ଦୈତାରୀ ବେହେରା , ଘେଁସ ଜମିଦାର ଲୋକେଶ୍ୱର ସିଂ ବରିହା , ଯୁବନେତା ନିମାଇଁ ସାହୁ ପ୍ରମୁଖ ଯୋଗଦେଇଥିଲେ । ଏହି ଶୁଭ ଉଦ୍ଘାଟନି ଉତ୍ସବରେ  'ମାଣ୍ଡିଆ' ମୁଖ୍ୟ ଉପାଦାନ ଭିତ୍ତିକ ପ୍ରସ୍ତୁତ ସ୍ଵାଦିଷ୍ଟ ଓ ପୌଷ୍ଟିକ  ଖାରାଗଜା, ଖୁରମା,ମୁଡ଼କୁ, ଗୁଳାପଜାମୁନ  , ଆରିସା ପିଠା, ବାଲସେଇ, ମୁଖିଆ ଖଜା, କଚୋଡ଼ି, ମାଣ୍ଡିଆ ଚା ଆଦି ଖାଦ୍ୟ ସାମଗ୍ରୀ ପ୍ରଦର୍ଶନ ଓ ପରିବେଷଣ କରାଯାଇଥିଲା । ମହାଲକ୍ଷ୍ମୀ ସ୍ଵୟଂ ସହାୟକ ଗୋଷ୍ଠୀ ବଂଜାରୀର ସଦସ୍ୟାମାନେ ଏହି ମିଲେଟ୍ ଖାଦ୍ୟସାମଗ୍ରୀକୁ ପ୍ରସ୍ତୁତ କରିଥିଲେ । ଶ୍ରୀ ଅନ୍ନ ଅଭିଯାନର  ଉକ୍ତ କାର୍ଯ୍ୟକ୍ରମକୁ ବ୍ଲକ ସଂଯୋଜକ ଗୌରଚ଼ନ୍ଦ୍ର ରଣା, ସହ ବ୍ଲକ ସଂଯୋଜକ ମଶାଲୁ ସେଠ୍, ସି. ଇ.ଓ. ଚୁମ୍ବିଲାଲ ଦ୍ଵାରୀ ପରିଚାଳନା କରିଥିଲେ ଓ ବି.ଓ.ଡ଼ି. ସଭ୍ୟା ଯାଜ୍ଞସେନୀ ନାୟକ, ମମତା ସାହୁ ଏବଂ ସି.ଆର.ପି. ମାନଭଞ୍ଜନ ବାରିକ, ମୋହନ ଭୋଇ, ରୁଦ୍ର ମାଧବ ବାରିକ , ଚ଼ିନ୍ମୟ ସାହୁ , ପଞ୍ଚମ ପଧାନ ଆଦି ପ୍ରମୁଖ ସହଯୋଗ କରିଥିଲେ ।